- Home
- Spiritual
- Vastu: பூஜையின் போது ஆரத்தி தட்டு கை தவறி விழுந்துடுச்சா.? கெட்டது நடக்கபோகுதா? வாஸ்து சாஸ்திரம் கூறுவது என்ன?
Vastu: பூஜையின் போது ஆரத்தி தட்டு கை தவறி விழுந்துடுச்சா.? கெட்டது நடக்கபோகுதா? வாஸ்து சாஸ்திரம் கூறுவது என்ன?
சில நேரங்களில் பூஜை செய்யும்போது சில தவறுகள் நடக்கும். கை தவறி மஞ்சள், குங்குமம் கீழே விழுவது அல்லது ஆரத்தி தட்டு கீழே விழுவது போன்றவை நடக்கும். இவை வாஸ்து சாஸ்திரப்படி சிறப்பு அறிகுறிகள் என்று ஜோதிட நிபுணர்கள் கூறுகின்றனர்.
வாஸ்து சாஸ்திரம் என்ன சொல்கிறது
பூஜையில் ஆரத்தி கொடுப்பது முக்கியமான பகுதி. ஆரத்தி கொடுப்பதன் மூலம் பூஜை இறுதிக்கட்டத்தை அடைகிறது. சில சமயங்களில் பூஜை தட்டு சிலரின் கைகளில் இருந்து திடீரென கீழே விழுந்துவிடும். இதனால் பலர் கவலைப்படுகிறார்கள். வாஸ்து சாஸ்திரத்தின் படி, சில பொருட்கள் கையிலிருந்து கீழே விழுவது சில சிறப்பு அறிகுறிகளைக் குறிக்கிறது என்று ஜோதிட நிபுணர்கள் கூறுகின்றனர். பூஜை தட்டு, ஆரத்தி தட்டு அல்லது கண்ணாடி பொருட்கள் போன்றவை கையிலிருந்து கீழே விழுந்தால் அதன் அர்த்தம் என்ன என்பதை இங்கு காணலாம்.
அசுப சகுனங்களைக் குறிப்பவை
பலருக்கு இதுபோன்ற சம்பவங்கள் வீட்டில் நடக்கும். தெரியாமல் செய்த தவறு என்றாலும், அது சில நேரங்களில் மோசமான விளைவுகளுக்கு வழிவகுக்கும். வாஸ்து சாஸ்திரத்தின் படி, ஆரத்தி தட்டு கையிலிருந்து கீழே விழுவது, கண்ணாடி பொருட்கள் கீழே விழுந்து உடைவது அல்லது கையில் இருக்கும் தண்ணீர் குடம் கீழே விழுவது போன்றவை நடக்கும். இவை நமக்கு எதிர்காலத்தில் நடக்கவிருக்கும் சில சுப, அசுப சகுனங்களை அளிக்கின்றன என்று வாஸ்து சாஸ்திரம் கூறுகிறது. எந்தெந்த சம்பவத்தில் எந்த மாதிரியான எதிர்கால நிகழ்வுகளைக் குறிக்கின்றன என்பதை அறிந்து கொள்ளுங்கள்.
ஆரத்தி தட்டு கீழே விழுந்தால்
பூஜை செய்யும் போது ஆரத்தி விழுவது அல்லது பூஜைப் பொருட்கள் உள்ள தட்டு கைகளில் இருந்து கீழே விழுந்தால் அது அசுப சகுனம் என்று வாஸ்து சாஸ்திரம் கூறுகிறது. கடவுள் உங்கள் பூஜையை ஏற்றுக்கொள்ளவில்லை என்பதை அந்தச் செயல் மூலம் தெரிவிக்கிறார் என்று ஜோதிட நிபுணர்கள் கூறுகின்றனர். பூஜையில் நீங்கள் செய்த ஏதோ ஒரு கவனக்குறைவால் கடவுளுக்கு கோபம் வந்திருக்கலாம் என்றும் நம்பப்படுகிறது.
தண்ணீர் குடம் கீழே விழுந்தால்
சிலர் பூஜைக்காக தண்ணீரை குடத்தில் எடுத்துச் செல்வார்கள். அது திடீரென கீழே விழுந்துவிடும். அதுவும் சுப சகுனம் அல்ல. இதன் பொருள் உங்கள் முன்னோர்கள் ஏதோ ஒரு விஷயத்தில் அதிருப்தியில் உள்ளனர், விரைவில் உங்கள் வீட்டுக் கதவைத் தட்டப்போகிறார்கள் என்று அர்த்தம். எனவே உங்கள் முன்னோர்களைத் திருப்திப்படுத்த என்ன செய்ய வேண்டும் என்பதை ஆன்மீக நிபுணர்களிடம் கேட்க வேண்டிய அவசியம் ஏற்படும்.
கண்ணாடிப் பொருட்கள் உடைவது நல்லதல்ல. வாஸ்து சாஸ்திரம் இதை அசுப சகுனமாகவே கூறுகிறது. கண்ணாடி உடைவது என்பது வாழ்க்கையில் மோதல்கள், கவலைகள், மன அழுத்தத்தைக் குறிக்கிறது என்று விளக்குகிறது. வீட்டில் உடைந்த கண்ணாடிகள், கண்ணாடிப் பொருட்களை வைத்திருக்கக்கூடாது. இது எதிர்மறை சக்தியை வீட்டில் அதிகரிக்கும். அதிர்ஷ்டத்தைக் குறைக்கும்.
அரிசி கீழே விழுந்தால்
சமையலறையில் வேலை செய்யும் போது கையில் இருந்து கோதுமை, அரிசி போன்றவை தவறுதலாக கீழே விழுந்துவிடும். இப்படி நடப்பது சுப சகுனம் அல்ல. தரையில் தானியங்கள் விழுவது என்பது அன்னபூரணி தேவியை அவமதிப்பதாகும். எனவே உணவு தெய்வம் கோபப்படலாம். இதனால் நிதி, குடும்பப் பிரச்சினைகள் வர வாய்ப்புள்ளது. எப்போதாவது அரிசி தவறுதலாக கீழே விழுந்தால் அல்லது அரிசியை தவறுதலாக காலால் மிதித்தால் உடனே அவற்றை கையால் எடுத்து உங்கள் நெற்றியில் வைத்துக் கொள்ளுங்கள். லட்சுமி தேவி, அன்னபூரணி தேவியிடம் மன்னிப்பு கேளுங்கள். அரிசியை அவமதித்தால் வாழ்க்கையில் செல்வம், நிம்மதியை இழக்க நேரிடும்.
