தீ பரவியதா? புஸ்ஸுனு போனதா? பராசக்தி படத்தின் முழு விமர்சனம்
சிவகார்த்திகேயனின் 25-வது படமான பராசக்தி இன்று திரையரங்குகளில் ரிலீஸ் ஆகி உள்ளது. பொங்கல் விருந்தாக திரைக்கு வந்துள்ள இப்படத்தின் எக்ஸ் தள விமர்சனத்தை இங்கே பார்க்கலாம்.
Parasakthi Movie Review
தமிழ் சினிமாவில் இருந்து பொங்கல் பண்டிகைக்கு முதல் ஆளாக களமிறங்கி உள்ள படம் பராசக்தி. சிவகார்த்திகேயன் ஹீரோவாக நடித்துள்ள இப்படத்தை சுதா கொங்கரா இயக்கி உள்ளார். ரவி மோகன் வில்லனாகவும், ஸ்ரீலீலா ஹீரோயினாகவும் அறிமுகமாகும் படம் இதுவாகும். இசையமைப்பாளர் ஜிவி பிரகாஷ்குமாரின் 100-வது படமாக பராசக்தி அமைந்துள்ளது. டான் பிக்சர்ஸ் நிறுவனம் சார்பில் ஆகாஷ் பாஸ்கரன் தயாரித்துள்ள இப்படம் இன்று உலகமெங்கும் பிரம்மாண்டமாக ரிலீஸ் ஆகி உள்ளது. இந்த நிலையில், பராசக்தி படத்தின் முதல் ஷோ பார்த்த நெட்டிசன்கள் தங்கள் விமர்சனத்தை பதிவிட்டு வருகின்றனர். அதைப்பற்றி பார்க்கலாம்.
பராசக்தி ட்விட்டர் ரிவ்யூ
பராசக்தி படம் முழுவதையும் சிவகார்த்திகேயன் தான் தாங்கிச் செல்கிறார். அவரது நடிப்பு படத்திற்கு பெரிய பலமாக இருக்கிறது. ரவி மோகன் தனது பாத்திரத்தில் நன்றாக ஸ்கோர் செய்கிறார். கிளர்ச்சியாளர்களாக வரும் அதர்வா & ஸ்ரீலீலா இருவரும் நல்ல நடிப்பை வெளிப்படுத்தியுள்ளனர். ஜி.வி.பிரகாஷின் பின்னணி இசையும் பாடல்களும் படத்திற்கு பெரும் பலம் – சூப்பர்! ஆனால், திடீர் திடீரென வரும் எடிட்டிங் மாற்றங்கள் காரணமாக எமோஷனல் கனெக்ட் இல்லாமல் போகிறது. இன்டர்வல் பிளாக் மற்றும் கிளைமாக்ஸ் நன்றாக அமைந்துள்ளன. கண்டண்ட் பவர்ஃபுல்லாக இருந்தாலும், திரைக்கதை வசதிக்கேற்ப எழுதப்பட்டதுபோல் தோன்றுகிறது. சுதா கொங்கரா இதனை ஒரு சராசரி படமாகவே கொடுத்துள்ளார் என பதிவிட்டிருக்கிறார்.
#Parasakthi - SK Leads the show. Ravi Mohan scores. Rebels Atharvaa & Sreeleela Gud Perf. GVP’s BGM & Songs Super. Abrupt Edits lead to Emotional disconnect. Interval Block & Climax gud. Powerful Content; Very Convenient writing & Mediocre execution by Sudha Kongara. AVERAGE!
— Christopher Kanagaraj (@Chrissuccess) January 10, 2026
தனஞ்செயன் விமர்சனம்
பராசக்தி ஒரு இயல்பான, சக்திவாய்ந்த, தாக்கம் ஏற்படுத்தும், மிகச் சிறப்பாக உருவாக்கப்பட்ட திரைப்படம். இந்தி திணிப்பு எதிராக மாணவர் சமூகம் நடத்திய போராட்டத்தை மையமாகக் கொண்டு உருவான இந்த படம், முழுமையாக ஈர்க்கக்கூடியதாகவும் உணர்ச்சிபூர்வமாக மனதை அசைக்கும் வகையிலும் அமைந்துள்ளது.
இயக்குநர் சுதா கொங்கரா இந்த கதையை மிக அழகாகவும் வலுவாகவும் திரையில் கொண்டுவந்துள்ளார். இந்த படத்தின் மூலம் அவர் பெரிய வெற்றியை பெற்றிருக்கிறார். இந்த எபிக் திரைப்படத்தை தயாரித்த டான் பிக்சர்ஸ் குழுவிற்குப் பாராட்டுகள்.1960-களில் மாணவர்கள் எவ்வாறு தங்கள் மொழி பெருமையை காத்தனர் என்பதை தெரிந்து கொள்ள இன்றைய ஜென் Z இளைஞர்கள் கண்டிப்பாக பார்க்க வேண்டிய படம் இது.
சிவகார்த்திகேயன் தன் கதாபாத்திரமாகவே வாழ்ந்திருக்கிறார். அவரது நடிப்பு மிகப் பெரிய தாக்கத்தை ஏற்படுத்துகிறது. இந்த படத்திற்கு அவர் அளித்த பங்களிப்பு பாராட்டத்தக்கது. ரவி மோகன், அதர்வா, ஸ்ரீலீலா உள்ளிட்ட அனைவரும் சிறப்பான நடிப்பை வழங்கியுள்ளனர். ஜி.வி.பிரகாஷின் பாடல்களும் பின்னணி இசையும் படத்திற்கு கூடுதல் வலுவாக உள்ளன. ரவி கே சந்திரன் ஒளிப்பதிவு, துல்லியமான எடிட்டிங், ஒவ்வொரு காட்சியிலும் காலகட்டத்தை அழகாக மீண்டும் உருவாக்கிய கலை இயக்கம் ஆகியவை படத்திற்கு பெரிய பலமாக அமைந்துள்ளன.
மூன்று பிரபல நடிகர்களின் சிறப்பு தோற்றங்கள் திரையரங்குகளில் பெரும் கைத்தட்டலை பெற்றன. திரையரங்கில் தவறவிடக்கூடாத அனுபவம். பொங்கல் பண்டிகைக்கான சிறப்பான குடும்ப திரைப்படம். என் குடும்பத்தினர் அனைவரும் இந்த படத்தை ரசித்து கொண்டாடினர் என தனஞ்செயன் குறிப்பிட்டுள்ளார்.
#Parasakthi is authentic, powerful, impactful, well made and a superb film. Very engaging & emotionally moving film on the struggle of student community against the imposition of Hindi. So well made and presented by Director @Sudha_Kongara . She won big. Kudos Team… pic.twitter.com/vQCSqtHMiT
— G Dhananjheyan (@Dhananjayang) January 10, 2026
பராசக்தி படம் எப்படி உள்ளது?
பராசக்தி படம் முழுக்க முழுக்க சிவகார்த்திகேயனின் ஒன் மேன் ஷோ என்றே சொல்லலாம். கதை மற்றும் திரைக்கதை பல இடங்களில் சற்று சோர்வாக உணரப்பட்டாலும், சிவகார்த்திகேயனின் நடிப்பு அந்த குறைகளை சமாளித்து படத்தை தூக்கி நிறுத்துகிறது. இன்டர்வல் பிளாக் மற்றும் கிளைமாக்ஸ் காட்சிகள் மாஸ்ஸாக அமைந்து திரையரங்கில் உற்சாகத்தை ஏற்படுத்துகின்றன. அரசியல் கோணங்களும் கதையில் இடம் பெற்றுள்ளன. மொத்தத்தில், பராசக்தி – பார்க்கத் தகுந்த ஒரு நல்ல திரைப்படம் என பதிவிட்டுள்ளார்.
#ParasakthiReview :- This Is Completely A #SivaKartikeyan Show.
The Story & Screenplay Feel Flat At Various Points But The Performance Carries The Film.
Interval & Climax💥
Political Angles Are Also Shown Overall Its A Decent Watch.
⭐𝗥𝗔𝗧𝗜𝗡𝗚 -2.5/5#Parasakthi #Sreeleela pic.twitter.com/dYuhbdL8GQ— MR Jaat Reviews (@mrjaatreviews) January 10, 2026
பராசக்தி விமர்சனம்
நல்ல நோக்கத்துடன் உருவாக்கப்பட்டிருந்தாலும், பார்வையாளர்களின் பொறுமையை சோதிக்கும் ஒரு சலிப்பூட்டும் படமாக பராசக்தி மாறியுள்ளது. ஆரம்பத்தில், படத்தின் காலகட்ட அமைப்பு இயல்பாகவும் கவனத்தை ஈர்க்கும் வகையிலும் இருக்கிறது. ஆனால், மெதுவான திரைக்கதை மற்றும் சுவாரஸ்யமற்ற காதல் பாதை முதல் பாதியின் பெரும்பாலான நேரத்தை ஆக்கிரமித்து, சலிப்பை ஏற்படுத்துகிறது.
இன்டர்வலுக்குப் பிறகு, படம் தேவையற்ற அளவுக்கு இழுத்துச் செல்லப்படுகிறது. வசதிக்கேற்றபடி எழுதப்பட்ட திரைக்கதை மற்றும் நீளமான காட்சிகள் தொடர்ந்து வந்ததால், பார்வையாளர்களின் பொறுமையை கடுமையாக சோதிக்கிறது. மொழி உரிமைக்கான போராட்டத்தை மையமாகக் கொண்ட உணர்ச்சிகள் மேலோட்டமாகவே காட்சிப்படுத்தப்பட்டுள்ளன; அவை மனதைத் தொடாமல், தாக்கத்தை உருவாக்கத் தவறுகின்றன.
இயக்குநர் சுதா கொங்கரா தைரியமான, நேர்மையான கதையைத் தேர்ந்தெடுத்திருந்தாலும், எழுத்து மற்றும் திரைக்கதையில் கடுமையாக தடுமாறியிருக்கிறார். சிவகார்த்திகேயன் தனது நடிப்பால் ஓரளவு ஈர்க்கிறார். ஜெயம் ரவியின் கதாபாத்திரத்திற்கு சரியான பின்னணி கதை இல்லாததால், அதன் தாக்கம் குறைகிறது. கலை இயக்கம் பாராட்டுக்குரியது. ஆனால் இசை பெரிதாக ஈர்க்கவில்லை. மொத்தத்தில், பராசக்தி – சலிப்பூட்டும் ஒரு திரைப்பட அனுபவம் என பதிவிட்டுள்ளார்.
#Parasakthi A Boring Period Drama with Honest Intentions but a Tedious, Lengthy Narration that Tests Your Patience!
The film initially grabs attention with an authentic period setup. However, a slow narration and dull love track dominate most of the first half. Post-interval,…— Venky Reviews (@venkyreviews) January 10, 2026
