- Home
- Cinema
- கருத்து
- I am Game Review : அதகளப்படுத்தியதா துல்கர் சல்மானின் ஐ ஆம் கேம்? முழு விமர்சனம் இதோ
I am Game Review : அதகளப்படுத்தியதா துல்கர் சல்மானின் ஐ ஆம் கேம்? முழு விமர்சனம் இதோ
I am Game Movie Review : கிரிக்கெட் சூதாட்டத்தை பின்னணியாகக் கொண்டு கதை நகர்கிறது. ஆன்லைன் பெட்டிங், அதில் நடக்கும் துரோகங்களை மையமாக வைத்து எடுக்கப்பட்ட படம் தான் ஐ ஆம் கேம்.
I am Game Movie Review
துல்கர் சல்மானுக்கு, இது ஒரு சூப்பரான ஹோம் கமிங் ட்ரீட். 'RDX' என்ற மெகா ஹிட் படத்திற்குப் பிறகு நஹாஸ் ஹிதாயத் இயக்கியுள்ள 'ஐ ஆம் கேம்' படத்தில் ஆண்டனி வர்கீஸ் பெப்பேவும் முக்கிய ரோலில் நடித்துள்ளார். 'கிங் ஆஃப் கோதா' படத்திற்குப் பிறகு, கிட்டத்தட்ட மூன்று ஆண்டுகள் கழித்து துல்கர் ஒரு மலையாளப் படத்தில் நடித்திருக்கிறார். ஒரே வரியில் சொல்ல வேண்டுமென்றால், இந்தப் படம் ஆக்சன் மற்றும் கற்பனை காட்சிகள் மூலம் ஒரு அட்ரினலின் ரஷ்ஷை கொடுக்கிறது.
துல்கர் சல்மான் நடித்த ‘காந்தா’ காந்தம் போல் கவர்ந்திழுத்ததா? இல்லையா? முழு விமர்சனம் இதோ
ஐ ஆம் கேம் விமர்சனம்
துல்கர் சல்மானை ஒரு ஸ்டைலான, மெட்ரோபாலிட்டன் ஹீரோவாக கற்பனை செய்வது ரசிகர்களுக்கு மிகவும் எளிதான விஷயம். அவருடைய அந்த ஸ்டைலையும், கெத்தையும் சரியாகப் பயன்படுத்தி, ஒரு விறுவிறுப்பான கதையைச் சொல்லியிருக்கிறார் இயக்குநர் நஹாஸ். கிரிக்கெட் சூதாட்டத்தை மையமாக வைத்து கதை நகர்கிறது. ஆன்லைன் பெட்டிங், அதன் பின்னணியில் நடக்கும் தில்லுமுல்லுகள், துரோகங்கள் எனப் போகும் கதையில், யாருமே எதிர்பார்க்காத ஒரு தருணம் வருகிறது.
ஐ ஆம் கேம் படத்தின் கதை
ஹைதராபாத்தில் வசிக்கும் மிகப்பெரிய பணக்காரரான டான் ஜான் என்ற கேரக்டரில் துல்கர் வருகிறார். தன் அப்பாவின் முன் தன்னை நிரூபிக்க, எப்படியாவது பணம் சம்பாதிக்க வேண்டும் என்று சூதாட்டத்தில் இறங்கும் டானுக்கு ஒரு விபத்து ஏற்படுகிறது. அந்த விபத்திலிருந்து தப்பிப் பிழைக்கும் டான், அதன் பிறகு யாரும் சந்திக்காத விசித்திரமான சம்பவங்களை எதிர்கொள்கிறார். படத்தின் எமோஷனல் பக்கத்தை வலுவாக வைத்துக்கொண்டு, கற்பனை விஷயங்களை அழகாகக் கோர்த்த ஒரு மேஜிக்தான் 'ஐ ஆம் கேம்'. இதுதான் இந்தப் படத்தை ஒரு சாதாரண கமர்ஷியல் படமாக இல்லாமல், ஒரு படி மேலே கொண்டு செல்கிறது.
ஐ ஆம் கேம் படம் எப்படி இருக்கு?
ஆண்டனி வர்கீஸின் விக்கி கதாபாத்திரம், துல்கருக்கு இணையாக நிற்கும் ஒரு ஹீரோ கேரக்டர். துல்கருக்குக் கொஞ்சமும் குறையாத ஸ்கிரீன் டைம் விக்கிக்கும் கொடுக்கப்பட்டுள்ளது. ஹீரோக்களுக்கு டஃப் கொடுக்கும் வில்லனாக மிஷ்கினின் டேவிட் கதாபாத்திரம் படம் முழுவதும் மிரட்டுகிறது. கயாடு லோஹர், சம்யுக்தா விஸ்வநாதன், கதிர் ஆகியோரும் முக்கிய வேடங்களில் நடித்துள்ளனர். டானின் நண்பராக வரும் வினய் ஃபோர்ட்டின் கதாபாத்திரம் வரும் இடங்களில் எல்லாம் தியேட்டரில் சிரிப்பலை. ஜேக்ஸ் பிஜாயின் இசை படத்தை வேற லெவலுக்கு உயர்த்துகிறது. சமன் சாக்கோவின் எடிட்டிங் படத்திற்குத் தேவையான வேகத்தைக் கொடுக்கிறது.
ஐ ஆம் கேம் ரிவ்யூ
இயக்குநர் நஹாஸ் ஹிதாயத்தின் கதைக்கு, சஜிர் பாபா, இஸ்மாயில் அபூபக்கர், பிலால் மொய்து ஆகியோர் திரைக்கதை எழுதியுள்ளனர். சஜிர் பாபா, ஆதர்ஷ் சுகுமாரன், ஷபாஸ் ரஷீத் ஆகியோர் வசனம் எழுதியுள்ளனர். ஜிம்ஷி காலித்தின் கேமரா மற்றும் சமன் சாக்கோவின் எடிட்டிங் ரசிகர்களை ஆச்சரியப்படுத்தும். அன்பறிவ் மாஸ்டர்ஸ் படத்தின் சண்டைக் காட்சிகளை வடிவமைத்துள்ளனர். துல்கர் என்ற ஸ்டாரையும், நடிகரையும் சரியாகப் பயன்படுத்தி நஹாஸ் செய்துள்ள இந்த மேஜிக், துல்கர் ரசிகர்களுக்கு ஒரு விஷுவல் ட்ரீட் என்பதில் சந்தேகமில்லை. நாடகத்தனமாக மாறக்கூடிய பல காட்சிகளை, நடிகர்கள் மிக இயல்பாகக் கையாண்ட விதம் பாராட்டுக்குரியது. ஓணம் ரிலீஸாக அறிவிக்கப்பட்ட இந்தப் படம் தள்ளிப்போனது. ஆனால், இந்தக் காத்திருப்பு வீண் போகவில்லை. ஒரு நல்ல ஆக்சன் என்டர்டெயினருக்காக 'ஐ ஆம் கேம்' படத்திற்கு தாராளமாக டிக்கெட் எடுக்கலாம்.
