வைரம், தங்க நகைகளால் செய்யப்பட்ட ட்ரெஸ் மூலம் கவனம் ஈர்த்த இஷா அம்பானி.. இதுல இவ்ளோ விஷயம் இருக்கா?

தங்கள் வீட்டு நிகழ்ச்சியாக இருந்தாலும் சரி அம்பானி வீட்டு பெண்கள் எப்போதுமே தங்கள் விலை உயர்ந்த நேரத்தியான உடைகள் மற்றும் நகைகள் மூலம் கவனம் ஈர்த்து வருகின்றனர்.

அந்த வகையில் சமீபத்தில் நடந்து முடிந்த அம்பானி வீட்டு திருமணத்தில் நீதா அம்பானி, இஷா அம்பானி, ஷ்லோகா மேத்தா, ராதிகா மெர்ச்சண்ட் ஆகியோர் அணிந்திருந்த ஆடம்பர உடைகள் மற்றும் நகைகள் பேசு பொருளாக மாறியது. 

முன்னதாக ஆனந்தின் ப்ரீ வெட்டிங் கொண்டாட்டத்தில் இஷா அம்பானி அணிந்திருந்த லெஹங்கா மற்றும் அவர் அணிந்திருந்த பிளவுஸ் தொடர்பான புகைப்படங்கள் மீண்டும் வைரலாகி வருகிறது. சிவப்பு நிற துணியில் நகைகளை பதித்து வடிவமைக்கப்பட்ட பிரம்மாண்ட லெஹங்கா, ஜாக்கெட் மற்றும் துப்பட்டா ஆகியவற்றை இஷா அணிந்திருந்தார்..

வைரம், மரகதம், மாணிக்கக் கற்கள் உள்ளிட்ட பல விலைமதிப்பற்ற கற்கள் அடங்கிய ஜடாவ் நகைகளால் செய்யப்பட்ட ஜாக்கெட்டை இஷா அணிந்திருந்தார். கோடிக்கணக்கான ரூபாய் மதிப்புள்ள வைரங்களை தனது ஜாக்கெட்டில் பதித்திருந்தார் இஷா.

நீதா அம்பானி அணிந்திருந்த ஒரே ஒரு வைர மோதிரத்தின் விலை ரூ. 54 கோடி; ஆமாம் பாஸ் நம்புங்க!!

ஆனால் இந்த ரத்தினங்களை தைக்க இயந்திரங்கள் பயன்படுத்தப்படவில்லை. இவை அனைத்துமே கையால் பதிக்கப்பட்டவை என்பது இந்த ஜாக்கெட்டின் கூடுதல் சிறப்பு. பல பிரபலங்களுக்கு ஆடைகளை வடிவமைக்கும் அபு ஜானி மற்றும் சந்தீப் கோஸ்லா ஆகிய ஆடை வடிவமைப்பாளர்கள் தான் இந்த ஆடையை வடிவமைத்துள்ளனர்.

தனது இந்த ஆடையை வடிவமைக்க தான் வைத்திருந்த ரூபி, வைரங்கள், மரகதங்கள் நகைகளை இஷா கொடுத்தாராம். , அவை தவிர குஜராத் மற்றும் ராஜஸ்தானில் இருந்தும் பல புதிய நகைகளை வாங்கி அவரின் ஆடையில் வடிவமைப்பாளர்கள் தைத்துள்ளனர்.

பல கட்ட சோதனைகளுக்குப் பிறகு, இந்த கலைப் படைப்பை உருவாக்கியதாக ஆடை வடிவமைப்பாளர்கள் கூறியுள்ளனர் .மேலும் நகைகளுடன் தங்கம் மற்றும் வெள்ளியால் செய்யப்பட்ட ஜர்தோசி வேலைப்பாடுகளும் வெவ்வெறு தையல்களும் இந்த ஆடையில் பதிக்கப்பாட்டன.

அரிய பர்மா மாணிக்க நகையில் ஜொலித்த அம்பானியின் மருமகள்.. அதன் விலை இவ்வளவா?

நேர்த்தியாக வடிவமைக்கப்பட்ட இந்த ஆடையில் அனைவரின் கவனத்தையும் ஈர்த்த இஷா. தனது திருமண நகைகளை அணிந்திருந்தார். கோடிக்கணக்கில் மதிப்புள்ள வைரத்தால் செய்யப்பட்ட பல அடுக்கு நகைகள் இஷாவின் அழகை மேலும் அதிகரித்தது