திடீரென கெஸ்ட் வந்துட்டாங்களா? 10 நிமிடத்தில் சமையலை முடிக்க சூப்பரான 5 ஐடியாக்கள்
இனிமேல் திடீரென சொல்லாமல் வீட்டுக்கு கெஸ்ட் வந்தால், அவங்களுக்கு என்ன சாப்பிட கொடுப்பது என பதறவே வேண்டாம். சமையலறைக்குள்ள பூந்து வெறும் 10 நிமிடத்தில் ராயலா ஒரு சாப்பாட்டை ரெடி பண்ணி அவங்கள அசத்திடலாம், ஸ்மார்ட்டான இந்த சமையல் ஐடியாக்கள் தெரிந்தால்
வெங்காயம் வதங்க லேட் ஆகுதா?
அவசரமா கிரேவி அல்லது பிரியாணி செய்யும் போது வெங்காயம் வதங்கவே ரொம்ப நேரமாகும். வெங்காயத்தைப் போட்டதும் ஒரு சிட்டிகை சர்க்கரை (Sugar) தூவுங்க. வெங்காயம் சட்டுனு 'கேரமலைஸ்' ஆகி, 2 நிமிஷத்துல பொன்னிறமா வதங்கிடும். நேரமும் மிச்சம், கிரேவியும் ஹோட்டல் டேஸ்ட்ல இருக்கும்!
மிக்ஸியைத் தொடாதீங்க...
தக்காளி, இஞ்சி, பூண்டு அரைக்க மிக்ஸியைக் கழுவி, ஆன் பண்ணி நேரத்தை வீணாக்காதீங்க. காய் துருவும் கேரட் துருவி (Grater) இருந்தா போதும். தக்காளியையும், இஞ்சி பூண்டையும் சட்டுனு அதுல துருவிப் போடுங்க. மிக்ஸியில் அரைத்ததை விட தக்காளி கிரேவி செம்ம திக்காக, சீக்கிரமாக ரெடியாகும்!
'ஒன்-பாட்' (One-Pot) சாம்பார் சாதம் அல்லது பிரியாணி:
தனித்தனியா சாதம் வச்சு, குழம்பு வச்சு நேரத்தை வீணாக்காதீங்க. குக்கரை எடுங்க.. அரிசி, பருப்பு, வீட்ல இருக்குற காய்கறிகள், சாம்பார் தூள் எல்லாத்தையும் ஒண்ணா போட்டு 3 விசில் விடுங்க. இறக்கி நெய் ஊத்துனா கமகம 'ஒன் பாட் சாம்பார் சாதம்' ரெடி. சைடு டிஷ்க்கு அப்பளம் பொரிச்சா வேலை முடிந்தது!
சட்னி அரைக்க நேரமில்லையா?
வந்தவங்களுக்கு டிபன் செய்யும் போது சட்னி, சாம்பார்னு தனித்தனியா செய்ய டைம் இல்லைனா, இன்ஸ்டன்ட்டா தயிர் பச்சடி செய்யுங்க. தயிர்ல கொஞ்சம் வெங்காயம், பச்சை மிளகாய், கொத்தமல்லி, உப்பு போட்டா 2 நிமிஷத்துல பச்சடி ரெடி. இது சப்பாத்தி, பூரி, புலாவ், பிரியாணினு எல்லாத்துக்கும் செட் ஆகும்.
5 நிமிட 'ஷாஹி பாயசம்' (Desert Instant Hack)
விருந்துனா ஸ்வீட் இல்லாமல் எப்படி? வீட்டில் இருக்குற அவல் அல்லது சேமியாவை நெய்யில் வறுத்து, காய்ச்சிய பாலில் கொட்டி, சர்க்கரை போடுங்க. லாஸ்ட்டா கொஞ்சம் மில்க்மெய்ட் (Condense Milk) சேர்த்தா, அஞ்சே நிமிஷத்துல கல்யாண வீட்டு பாயசம் தோத்துப் போற அளவுக்கு ரிச்சான பாயசம் தயார்!
ஸ்மார்ட் இல்லத்தரசிகளுக்கான டிப்ஸ்:
எப்போதும் பிரிட்ஜில் ஒரு பாக்கெட் பன்னீர் அல்லது மஷ்ரூம் ஸ்டாக் வைப்பது நல்லது (10 நிமிடத்தில் கிரேவி செய்யலாம்). வறுத்த முந்திரி, வறுத்த ரவை எப்போதும் அஞ்சறைப் பெட்டியில் இருந்தால், வந்த வேகத்தில் உப்மாவோ அல்லது கேசரியோ சட்டுனு கிளறலாம். ரெடிமேட் பரோட்டா அல்லது சப்பாத்தி பாக்கெட்டுகள் அவசர காலத்தில் கைகொடுக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
