- Home
- Lifestyle
- Mushroom: காளான் சீக்கிரம் கறுத்து போகுதா? இந்த மாவை மேலே தூவுங்க.! ஃபிரெஷ்ஷாக வைத்திருக்க சூப்பரான கிச்சன் டிப்ஸ் இதோ.!
Mushroom: காளான் சீக்கிரம் கறுத்து போகுதா? இந்த மாவை மேலே தூவுங்க.! ஃபிரெஷ்ஷாக வைத்திருக்க சூப்பரான கிச்சன் டிப்ஸ் இதோ.!
Mushroom: காளான் சீக்கிரம் கறுத்து போகுதா? சமைக்கும்போது டேஸ்ட் இல்லையா? காளானை ஃபிரெஷ்ஷாக வைத்திருக்கவும், எளிதாக சுத்தம் செய்யவும் சூப்பரான கிச்சன் டிப்ஸ் இதோ.
Mushroom
காளான் சுவையானது மட்டுமல்ல, உடலுக்குத் தேவையான பல சத்துக்களையும் கொண்டது. ஆனால், கடையில் இருந்து வாங்கிய காளானை எப்படி சுத்தம் செய்வது, எப்படி சேமிப்பது என்று தெரியாமல் பலர் சிரமப்படுகிறார்கள். காளானை சரியாக சுத்தம் செய்யாவிட்டால், வயிற்று வலி மற்றும் செரிமானப் பிரச்சனைகள் ஏற்படலாம். அதேபோல, சரியாக சேமிக்கவில்லை என்றால், வாங்கிய ஓரிரு நாட்களிலேயே கறுத்து வீணாகிவிடும். காளான் வாங்குவது முதல் சேமிப்பது வரை என்னென்ன விஷயங்களைக் கவனிக்க வேண்டும் என்று பார்ப்போம்.
இதையும் படியுங்கள் - Donne Biryani: கர்நாடகா ஸ்பெஷல் 'தொன்னே பிரியாணி'.! ஹோட்டல் ஸ்டைலில் வீட்டிலேயே செய்வது எப்படி?
நல்ல காளான்களை அடையாளம் காண்பது எப்படி?
காளான் வாங்கும்போது, அது வெள்ளையாகவும், உறுதியாகவும் இருக்கிறதா என்று பாருங்கள். காளான் மீது ஈரப்பதம் அதிகமாகி பிசுபிசுப்பாக இருந்தாலோ, கறுப்புப் புள்ளிகள் இருந்தாலோ, அல்லது கெட்ட வாசனை வந்தாலோ அவற்றை வாங்க வேண்டாம். காளானின் தலைக்குக் கீழே உள்ள அடுக்குகள் மூடியபடி இருந்தால், அவை மிகவும் ஃபிரெஷ் என்று அர்த்தம்.
இதையும் படியுங்கள் - RO Water Purifier: ஃபில்டர் தண்ணி குடிச்சா கிட்னி பாதிக்குமா? டாக்டர்ஸ் சொல்றது என்ன?
தண்ணீரில் அதிக நேரம் ஊற வைக்காதீர்கள்
பலர் காய்கறிகளைக் கழுவுவது போல, காளான்களையும் தண்ணீரில் போட்டு அதிக நேரம் ஊற வைப்பார்கள். ஆனால் இது தவறு. காளான்கள் ஒரு ஸ்பான்ஜ் போன்ற தன்மையுடையவை. தண்ணீரில் அதிக நேரம் இருந்தால், அவை நீரை உறிஞ்சி மென்மையாகிவிடும், சமைக்கும்போது சுவையையும் இழந்துவிடும். எனவே, சமைப்பதற்கு சில நிமிடங்களுக்கு முன்பு மட்டும், அதன் மேலுள்ள மண் போகும்படி லேசாகக் கழுவி, உடனடியாக உலர்ந்த துணி அல்லது டிஷ்யூ பேப்பரால் துடைக்க வேண்டும்.
இதையும் படியுங்கள் - Mutton Curry: வாரத்துக்கு எவ்வளவு மட்டன் சாப்பிடலாம்? அளவுக்கு மிஞ்சினால் ஆபத்து.! சரியான அளவை தெரிஞ்சிக்கோங்க.!
மைதா மாவில் எளிதாக சுத்தம் செய்யும் தந்திரம்
காளான்களின் மேலுள்ள கறுப்பு மண் அடுக்கை எளிதாக அகற்ற ஒரு அருமையான வழி இருக்கிறது. காளான்களின் மீது சிறிது மைதா மாவு அல்லது கோதுமை மாவைத் தூவுங்கள். கையால் மெதுவாகத் தேய்த்தால், காளான்களில் உள்ள அழுக்கு மற்றும் மண் மாவுடன் எளிதாக வந்துவிடும். அதன் பிறகு, ஒருமுறை சுத்தமான நீரில் கழுவி உலர்த்தினால், காளான்கள் வெள்ளையாகவும் சுத்தமாகவும் காணப்படும்.
இதையும் படியுங்கள் - Water Bottle: ஃபிரிட்ஜில் பிளாஸ்டிக் பாட்டிலில் தண்ணீர் குடிப்பவரா நீங்க? உங்க உயிருக்கு ஆபத்து.! அதிர்ச்சி தகவல்.!
பிளாஸ்டிக் கவர்களில் வைக்காதீர்கள்
கடையில் இருந்து வாங்கிய காளான்களை பலர் அப்படியே பிளாஸ்டிக் கவருடன் ஃப்ரிட்ஜில் வைப்பார்கள். இதனால் பிளாஸ்டிக் உள்ளே ஈரப்பதம் அதிகமாகி, காளான்கள் விரைவில் கெட்டுப்போகும். காளான்களை பேப்பர் கவரில் (Paper Bag) வைத்து ஃப்ரிட்ஜில் வைத்தால், பேப்பர் அதிகப்படியான ஈரப்பதத்தை உறிஞ்சிக்கொள்ளும், காளான்கள் அதிக நாட்கள் ஃபிரெஷ்ஷாக இருக்கும். ஒருவேளை பாக்ஸில் வைப்பதாக இருந்தால், கீழே டிஷ்யூ பேப்பர் வைத்து அதன் மீது காளான்களை வைத்து மூடி வைக்கவும்.
இதையும் படியுங்கள் - Sakkarai Pongal Recipe: கோயில் ஸ்டைல் சர்க்கரைப் பொங்கல்.! அதே சுவையுடன் வீட்டிலேயே செய்வது எப்படி?
சமைக்கும்போது நினைவில் இருக்கட்டும்
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
