Leftover Rice Recipe: பழைய சாதத்தை தூக்கிப் போடாதீங்க! 10 நிமிஷத்துல பஞ்சு மாதிரி இட்லி செய்யலாம்!

இனிமே அந்த கவலை வேண்டாம். ராத்திரி மிஞ்சின சாதத்தை வெச்சு, காலையில சூப்பரா, பஞ்சு மாதிரி சாஃப்ட் இட்லி எப்படி செய்யுறதுன்னு பார்க்கலாம். சுவைக்கு சுவை.! ஆரோக்கியத்துக்கு ஆரோக்கியம்.! பழைய சாதமும் வீணாகாது.

பஞ்சு மாதிரி சாஃப்டான இட்லி வேணுமா?

நம்ம எல்லாருக்கும் இட்லினா ரொம்பப் பிடிக்கும். இது சுவையானது, சீக்கிரம் ஜீரணமாகும், உடம்புக்கும் நல்லது. ஆனா, இட்லி செய்யணும்னா அரிசி, பருப்பை மணிக்கணக்கா ஊறவெச்சு, அரைச்சு, புளிக்க வைக்கணும். ஆனா, இனிமே ராத்திரி மிஞ்சின சாதத்தை வெச்சே பஞ்சு மாதிரி சாஃப்டான இட்லி செய்யலாம்.

கெட்டியா, பதமா அரைக்கனும்

பழைய சாதத்தில் இட்லி செய்ய, முதல்ல மிஞ்சின சாதத்தை மிக்ஸி ஜார்ல போடுங்க. கொஞ்சமா தண்ணி விட்டு நல்லா அரைச்சுக்கோங்க. இந்த பேஸ்ட் ரொம்ப தண்ணியாவும் இல்லாம, ரொம்ப கெட்டியாவும் இல்லாம பாத்துக்கோங்க.

ரகசிய பார்முலா இதுதான்.!

இப்போ அரைச்ச பேஸ்ட்டை ஒரு பெரிய பாத்திரத்துல மாத்துங்க. அதுகூட ரவை, உப்பு, தயிர், அப்புறம் கொஞ்சம் தண்ணி சேர்த்து நல்லா கலந்து விடுங்க.

பதம் முக்கியம் மக்களே.!

தயார் செஞ்ச இட்லி மாவை நல்லா அடிச்சுக் கலக்குங்க. எல்லாப் பொருளும் ஒண்ணா சேரணும். மாவு சரியான இட்லி மாவு பதத்துக்கு வரணும். தேவைப்பட்டா இன்னும் கொஞ்சம் தண்ணி சேர்த்துக்கலாம்.

இட்லி தட்டுல என்ன தடவுனும்.! எண்ணெய்தான்.!

இப்போ இட்லி தட்டுல எண்ணெய் தடவிக்கோங்க. இட்லி பாத்திரத்துல தண்ணி ஊத்தி சூடு பண்ணுங்க. மாவை தட்டுல ஊத்துறதுக்கு முன்னாடி, அதுல ஈனோ சேர்த்து மெதுவா கலக்குங்க.

மிதமான சூட்டில் பதமான இட்லி கிடைக்கும்

இப்போ தயார் செஞ்ச மாவை இட்லி தட்டுல ஊத்தி, மிதமான தீயில பத்து நிமிஷம் வேக வைங்க. இட்லி பாத்திரத்தை மூடி வெச்சுடுங்க.

தொடுக்க சட்டி ரெடியா? 20 இட்லி சாப்பிடுவீங்க மக்கா

பத்து நிமிஷம் கழிச்சு அடுப்பை அணைச்சிடுங்க. இட்லி கொஞ்சம் ஆறினதும், ஒரு ஸ்பூன் வெச்சு மெதுவா எடுங்க. இதோ, பழைய சாதத்துல செஞ்ச சூப்பரான சாஃப்ட் இட்லி தயார். இதை சட்னி, சாம்பாரோட சாப்பிடலாம், இல்லன்னா அப்படியே வறுத்தும் சாப்பிடலாம்.