kitchen tips சமையலில் எண்ணெய் பயன்படுத்துவதை குறைக்க 5 புதுமையான வழிகள்!
இப்போதெல்லாம் பட்ஜெட்டை பதம் பார்ப்பது சமையல் எண்ணெய் தான். ஆரோக்கியத்திற்கும் நல்லது இல்லை, பணமும் விரயமாகிறது என கவலைப்படுகிறீர்களா? கவலையை விடுங்கள்! சுவை குறையாமல், எண்ணெய் செலவை பாதியாகக் குறைக்கும் 5 சூப்பரான புதிய ஹேக்ஸ் இதோ!
ஐஸ் கியூப் தந்திரம்
குழம்பு அல்லது கிரேவி செய்யும் போது தெரியாமல் எண்ணெய் அதிகமாகிவிட்டதா? கவலையே வேண்டாம், ஒரு ஐஸ் கட்டியை கரண்டியில் வைத்து குழம்பின் மேல் லேசாக சுழற்றுங்கள். குழம்பில் மிதக்கும் கூடுதல் எண்ணெய், ஐஸ் கட்டியின் குளிர்ச்சியால் கரண்டியின் அடியில் உறைந்து ஒட்டிக்கொள்ளும். அதை அப்படியே அள்ளி வெளியில் போட்டுவிடலாம்!
பிரஷ்ஷிங் மேஜிக்
தோசை, சப்பாத்தி சுடும் போது பாட்டிலில் இருந்து நேரடியாக எண்ணெய் ஊற்றுவதை நிறுத்துங்கள். அதற்குப் பதிலாக சிலிகான் ஆயில் பிரஷ் (Oil Brush) பயன்படுத்துங்கள். ஸ்பூனால் ஊற்றும் போது தேவைக்கு அதிகமாகவே எண்ணெய் விழும். ஆனால் பிரஷ் மூலம் தடவும் போது வெறும் இரண்டு சொட்டு எண்ணெயே கல் முழுவதும் பரவி, கரகரப்பான தோசையைத் தரும். மாதத்திற்கு 1 லிட்டர் எண்ணெய் மிச்சமாகும்!
வறுத்த உருளைக்கிழங்கு சீக்ரெட்
உருளைக்கிழங்கு, சேனைக்கிழங்கு வறுவல் செய்யும் போது, காய்கறிகளை நேரடியாக எண்ணெயில் போட்டு வதக்கக் கூடாது. முதலில் உப்பு கலந்த தண்ணீரில் பாதியளவு வேகவைத்து (Parboiled), தண்ணீரை வடித்த பின் வறுக்க வேண்டும். பச்சைக் காய்கறிகள் ஸ்பாஞ்ச் போல எண்ணெயை உறிஞ்சும். ஆனால் பாதியளவு வெந்த காய்கறிகள் மிகக் குறைந்த எண்ணெயிலேயே சடசடவென மொறுமொறுப்பாக மாறிவிடும்.
வெங்காய சாறு ஸ்ப்ரே
வதக்குவதற்கு முன் கடாயில் எண்ணெயை ஊற்றுவதற்குப் பதிலாக, கடாய் சூடானதும் கொஞ்சம் வெங்காயச் சாறு அல்லது தண்ணீரை லேசாகத் தெளித்துவிட்டு, பிறகு ஒரு ஸ்பூன் எண்ணெய் ஊற்றுங்கள். பாத்திரத்தின் அடிப்பகுதி வறட்சியாக இல்லாததால், காய்கறிகள் அடிபிடிக்காது. இதனால் வழக்கமாக ஊற்றும் எண்ணெயில் பாதியளவே வதக்குவதற்குப் போதுமானதாக இருக்கும்.
எண்ணெய் இல்லாத அப்பளம்
அப்பளம், வடகம் பொரிக்க இனி கடாய் நிறைய எண்ணெய் ஊற்றி கேஸையும், எண்ணெயையும் வேஸ்ட் பண்ணாதீங்க. அப்பளத்தின் மேல் லேசாக தண்ணீர் அல்லது ஒரு சொட்டு எண்ணெய் தடவி மைக்ரோவேவ் ஓவனில் 30 நொடிகள் வையுங்கள். ஓவன் இல்லாதவர்கள், வெறும் வாணலியில் உப்பை சூடாக்கி, அந்த சூடான உப்பிற்குள் அப்பளத்தைப் போட்டு எடுத்தால், எண்ணெய் இல்லாமலேயே அப்பளம் அச்சு அசலாகப் பொரிந்து வரும்!
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
