Eggs Periods: பெண்களே அலர்ட்..! மாதவிடாய் நேரத்தில் நீங்கள் முட்டை சாப்பிடலாமா? நிச்சயம் தெரிஞ்சுக்கோங்கோ ...

Eggs During Periods: மாதவிடாய் காலத்தில் பெண்கள் முட்டைகளை சாப்பிடலாமா, வேண்டாமா என்பதில் குழப்பம் இருந்தால்  கீழே பார்த்து தெரிந்து கொள்ளலாம். 

Eggs During Periods:

ஒவ்வொரு பெண்ணுக்கும் ஆரோக்கியமான மாதவிடாய் சுழற்சி இருத்தல் அவசியம். ஆனால், இன்றைய பெரும்பாலான இளைய தலைமுறையிடம், ஒழுங்கற்ற மாதவிடாய், வயிற்று வலி, மனநிலை மாற்றங்கள், கருவுறாமை மற்றும் ஹார்மோன் ஏற்றத்தாழ்வு போன்றவை இயல்பாகி உள்ளது. 

மாதவிடாய் உடலை மட்டுமல்லாமல், மன நிலையிலும் பாதிப்பை ஏற்படுத்தும். மாதவிடாய் காலத்தில் பெண்களுக்கு படபடப்பு, கோபமான மனநிலை, எரிச்சல், பதட்டம் ஆகியவை ஏற்படும். இந்த நேரத்தில் சில சில உணவுகள் வலி மற்றும் அசௌகரியத்தை குறைக்கும் என்று கூறப்படுகிறது. மேலும் சில வகையான உணவுகள் வலியை அதிகரிக்கலாம். எனவே, பெண்கள் சரியான உணவு திட்டத்தை பின்பற்றுவது பயனுள்ளதாக இருக்கும். அந்த வகையில்,  மாதவிடாய் காலத்தில் முட்டை சாப்பிடலாமா? நீங்கள் ஒரு முட்டை பிரியர் மற்றும் மாதவிடாய் காலத்தில் முட்டைகளை எடுத்துக்கொளளலாமா என்பதை இந்த பதிவின் மூலம் பார்க்கலாம்.

மாதவிடாய் காலத்தில், பொரித்த உணவுகள் மற்றும் பேக்கேஜ் செய்யப்பட்ட உணவுகள், ஹோட்டல் உணவுகள், ஜங்க உணவுகள், ரசாயனம் அல்லது சுவையூட்டி சேர்க்கப்பட்ட பாக்கெட் உணவுகள், காஃபி, மது  உள்ளிட்ட உணவுகளை தவிர்த்தல் அவசியம். அந்த வரிசையில் முட்டை இணைந்துள்ளதா..? என்பதை இந்த பதிவின் மூலம் பார்க்கலாம். 

முட்டையின் நன்மைகள்:

முட்டையில் புரோட்டின், வைட்டமின் A, பி6, டி மற்றும் ஈ, இரும்பு, ஃபோலேட், அமினோ ஆசிட்ஸ், பாஸ்பரஸ் உட்பட பல ஊட்டச்சத்துக்கள் நிறைந்துள்ளன. எனவே, உடலில் உள்ள ஊட்டச்சத்து குறைபாட்டை முட்டை எளிதில் ஈடுசெய்யும். முட்டைகளில் காணப்படும், ஊட்டச்சத்துக்கள் உடலை வலிமையாக, சுறுசுறுப்பாக, ஆரோக்கியமாக வைத்திருக்க உதவுகின்றன.

மாதவிடாய் காலத்தில் முட்டைகளை உட்கொள்ளலாமா..?

முட்டைகளை தவறாமல் உட்கொள்வது, உண்மையில் பக்கவாதம் மற்றும் இதய நோய் அபாயத்தைக் குறைக்கும். மேலும்,  மூளை மற்றும் இதய ஆரோக்கியத்திற்கு மிகவும் அவசியம். எனவே, மாதவிடாய் காலத்தில் முட்டைகளை உட்கொள்ள கூடாது என்பது வெறும் கட்டுக்கதையாகும்.  ஏனெனில், முட்டைகள் புரதத்தின் வளமான மூலமாகும், மேலும் மாதவிடாய் காலத்தில் உங்கள் வயிற்றை நீண்ட நேரம் நிறைவாக வைத்திருக்கும்.