வெங்காயத்தை சுத்தி கருப்பு அச்சு இருந்தால் சாப்பிடலாமா.. கூடாதா? தெரிஞ்சுக்கோங்க.!!

நம் வீட்டு கிச்சனில் சமையலுக்கு பயன்படுத்தப்படும் முக்கியமான காய்கறிகளில் ஒன்று வெங்காயம். வெங்காயம் நாம் தயாரிக்கும் உணவின் சுவையை கூட்டுவதில் முக்கிய பங்கு வகிக்கின்றது. சொல்லப்போனால் வெங்காயம் இல்லாமல் எந்த ஒரு சமையலும் முழுமைடையாது. வெங்காயம் இல்லையெனில் அந்த உணவு சுவையாக இருக்காது என்றே சொல்லலாம். இதனால்தான் இது அத்தியாவசிய பொருட்களில் ஒன்றாக சொல்லப்படுகிறது.

வெங்காயம் உணவின் சுவையை கூட்டுவது மட்டுமின்றி, பல்வேறு ஆரோக்கிய நன்மைகளையும் நமக்கு அள்ளி வழங்குகிறது. வெங்காயத்தை பச்சையாகவோ அல்லது சமைத்து சாப்பிட்டால் கூட உடலுக்கு பலவிதமான நன்மைகள் கிடைக்கும். வெங்காயம் மட்டுமின்றி வெங்காயத்தின் தோலும் உடலுக்கு பலவிதமான நன்மைகளை வழங்குகின்றது.

வெங்காயத்தில் இருக்கும் சத்துக்கள் :

பொட்டாசியம், கார்போஹைட்ரேட், சோடியம், வைட்டமின் சி, வைட்டமின் பி6, வைட்டமின் டி, கால்சியம், மெக்னீசியம், இரும்புச்சத்து போன்ற பல ஊட்டச்சத்துக்கள் வெங்காயத்தில் இருக்கின்றது. 

இதையும் படிங்க:  கிலோ கணக்கில் வாங்கிய வெங்காயத்தை... மாத கணக்கில் யூஸ் பண்ண சூப்பரான டிப்ஸ் இதோ!!

வெங்காயத்தின் ஆரோக்கிய நன்மைகள் :

வெங்காயத்தில் இருக்கும் ஊட்டச்சத்துக்கள், உடலுக்கு பலவிதமான நன்மைகளை வழங்குகின்றது. அதிலும் குறிப்பாக வெங்காயத்தை பச்சையாக சாப்பிட்டால் செரிமான மண்டலத்தை சீராக வைத்திருக்க உதவுகிறது. உடலுக்கு தேவையான நோய் எதிர்ப்பு சக்தியை வாரி வழங்குகின்றது. முக்கியமாக தினமும் ஒரு பச்சை வெங்காயத்தை சாப்பிட்டு வந்தால் உடலில் படிந்திருக்கும் தேவையற்ற கொழுப்பு கொஞ்சம் கொஞ்சமாக கரைய ஆரம்பிக்கும். மேலும் வெங்காயம் கேன்சர் அபாயத்தையும் குறைக்கும் என ஆராய்ச்சி சொல்லுகின்றது.

ஒரு கப் வெங்காய ஜூஸ் எண்ணற்ற மருத்துவ பலன்களை நமக்கு வாரி வழங்குகிறது. அதாவது, வெங்காய ஜூஸ் புற்று நோயை குணப்படுத்தும், உடலில் குளுக்கோஸ் அளவை குறைக்கும், நோய் எதிர்ப்பு சக்தியை அதிகரிக்கும், அலர்ஜிக்கு எதிராக போராடும், சுவாச கோளாறு பிரச்சனைகளை நீக்கும், பார்வைக் கோளாறு பிரச்சினையை போக்கும், நகச்சுத்துக்கு ரொம்பவே நல்லது, மன அழுத்தத்திற்கு எதிராக போராடும், நல்ல தூக்கத்திற்கு உதவும், கருவுறுதலுக்கு வழிவகுக்கும், முகப்பரு பிரச்சனையை போக்கும், முகச்சுருக்கத்தை நீக்கும் மற்றும் முடியும் வளர்ச்சியை ஊக்குவிக்கும்.

இப்படி வெங்காயத்தில் பல நன்மைகள் நிறைந்திருந்தாலும் அவற்றில் சில ஆபத்துகளும் நிறைந்திருக்கிறது தெரியுமா? ஆம் வெங்காயத்தை நாம் உரிக்கும் போது அதன் மேல் ஒரு கருப்பாக பரவி இருப்பதை நீங்கள் பார்த்திருப்பீர்கள். சிலர் அதை மட்டும் வெட்டி விடுவார்கள். மேலும் சிலர் அதை தண்ணீரில் கழுவி பிறகு சமையலுக்கு பயன்படுத்துவார்கள்.

ஆனால், இன்னும் சிலரோ அவற்றில் பின் இருக்கும் ஆபத்து குறித்து தெரியாமல் அதை சமையலுக்கு அப்படியே பயன்படுத்தி விடுவார்கள். சொல்ல போனால் கருப்பு படலம் படிந்த வெங்காயத்தை சாப்பிடுவதால் ஏற்படும் தீமைகள் குறித்து இன்று வரை பலருக்கும் தெரிவதில்லை.

உண்மையில், கருப்பு படலம் பரவி இருக்கும் வெங்காயத்தை பார்த்தால் எச்சரிக்கையாக இருக்க வேண்டும். இந்த மாதிரியான வெங்காயத்தை சமையலுக்கு பயன்படுத்துவது நல்லதல்ல. இது உடல் ஆரோக்கியத்திற்கு மோசமான தீங்கு விளைவிக்கும்.

இந்த வகையான வெங்காயத்தை சாப்பிட்டால் மீயூகோர்மைக்ரோசிஸ் (Mucormycosis) என்னும் பூஞ்சை தொற்று அபாயம் ஏற்படும். இந்த பூஞ்சை மிகவும் நச்சுத்தன்மை வாய்ந்தது என்பதால் அதை சமையலுக்கு பயன்படுத்தும் போது நன்கு கழுவி பிறகு பயன்படுத்த வேண்டும். ஒருவேளை வெங்காயத்திற்குள் கருப்பு பூஞ்சை தென்பட்டால் அதை பயன்படுத்தாமல் இருப்பது ரொம்பவே நல்லது. மேலும் வெங்காயத்தில் கருப்பு பூஞ்சைகள் மற்றும் அழுகி இருந்தால் அப்படிப்பட்ட வெங்காயத்தை ஒருபோதும் பயன்படுத்த வேண்டாம். 

இப்படிப்பட்ட சூழ்நிலையில், நீங்கள் வெங்காயத்தை வாங்கும் முன் கருப்பு பூஞ்சை இருக்கிறதா.. இல்லையா? என்று பார்த்து வாங்குவது ரொம்பவே பாதுகாப்பானது. வெங்காயத்தில் இப்படி காணப்படும் கருப்பு பூஞ்சை விஷத்திற்கு சமம் என்று ஆராய்ச்சிகள் சொல்லுகின்றது. அதே சமயம் கருப்பு பூஞ்சை இருக்கும் வெங்காயத்தை பிரிட்ஜில் வைத்தால், அந்த பூஞ்சியானது பிரிட்ஜில் இருக்கும் மற்ற உணவுப் பொருட்களில் பரவி அவையும் நச்சாக மாற வாய்ப்பு அதிகம் உள்ளது. 

கருப்பு பூஞ்சை உள்ள வெங்காயத்தை சாப்பிட்டால் வரும் பிரச்சனைகள் :

தலைவலிக்கு, குமட்டல், வயிற்று வலி, வயிற்றுப்போக்கு, வாந்தி போன்ற பாதிப்புகள் ஏற்படும்.

முக்கிய குறிப்பு :

உங்களுக்கு ஒவ்வாமை பிரச்சனை இருந்தால் இந்த வகையான வெங்காயத்தை உணவில் சேர்ப்பதை தவிர்க்க வேண்டும். இல்லையெனில், அது உங்களுக்கு தீங்கு விளைவிக்கும்.

அதுபோல ஆஸ்துமா நோயாளிகள் சாப்பிடும் உணவில் கருப்பு பூஞ்சை படர்ந்த வெங்காயத்தை ஒருபோதும் பயன்படுத்த வேண்டாம். இது அவர்களுக்கு தீங்கு விளைவிக்கும்.

வெங்காயத்தின் மேற்பரப்பில் கருப்பு பூஞ்சை இருந்தால் அந்தப் பகுதியை மட்டும் நீக்கிவிட்டு சமையலுக்கு பயன்படுத்தலாம். அதுவே வெங்காயத்தின் உட்புறம் கருப்பாக இருந்தால் அதை ஒருபோதும் பயன்படுத்த வேண்டாம். இல்லையெனில், தேவையற்ற அலர்ஜி ஏற்படும். 

எனவே ஆரோக்கியமான வாழ்வுக்கு கருப்பு பூஞ்சை இல்லாத நல்ல வெங்காயத்தை பயன்படுத்துங்கள்.

இதையும் படிங்க:  வெட்டிய வெங்காயத்தை  ஃப்ரிட்ஜில் வைக்கிறீங்களா? இந்த  நோய்கள் வரும் ஜாக்கிரதை!