வெங்காயத்தை சுற்றி இருக்கும் கருப்பு அச்சு இவ்வளவு ஆபத்து விளைவிக்குமா? இது தெரியாம போச்சே..!!

வெங்காயத்தில் பல ஆரோக்கிய நன்மைகள் நிறைந்துள்ளன. இவை மனிதனின் தலைமுடி முதல் இதய ஆரோக்கியம் பராமரிப்பு வரை மிகவும் பயனுள்ளதாக இருக்கிறது.

வெங்காயம் என்பது சமையலுக்கு சுவை கொடுக்க முக்கிய பங்கு வகிக்கிறது. குறிப்பாக வெங்காயத்தை வதக்கும் பக்குவத்திற்கு ஏற்ப அதன் சுவையை உணவுக்கு கொடுக்கும் என்பதை நாம் அனைவரும் அறிந்ததே.

வெங்காயம் சமையலுக்கு மட்டுமல்லாமல் உடல் ஆரோக்கியத்திற்கும் நல்லது. உதாரணமாக, செரிமானத்திற்கு குடல் இயக்கத்திற்கு, ரத்த சர்க்கரை அளவை சீராக வைக்கவும், நோய் எதிர்ப்பு சக்தியை அதிகரிக்க என இப்படி சொல்லிக்கொண்டே போகும் அளவிற்கு இதன் நன்மைகள் பல. அதுபோல் நம் உடலில் ஏற்படும் ஒவ்வாமை பிரச்சினைகளான கண் அரிப்பு, தொண்டை அரிப்பு, ஜலதோஷம் போன்ற பிரச்சனைகளை தீர்க்க வெங்காயம் உதவுகிறது.

அந்த வகையில் கருப்பு அச்சு இருக்கும் வெங்காயத்தை சாப்பிடலாமா? அது நல்லதா? பாதிப்பு  ஏற்படுத்துமா? என பலரது கேள்விக்கான பதில் இங்கே..

இதையும் படிங்க: Onion Benefits : தினமும் வெங்காயம் சாப்பிடுங்க புற்றுநோய் வராதாம்...ஆய்வு கூறும் கருத்துகள் இதோ..!!

வெப்பநிலையில் ஏற்ற இறக்கங்கள் வெங்காயம் உட்பட பல்வேறு பழங்கள் மற்றும் காய்கறிகளின் தோலில் கருப்பு அச்சுகள் உருவாகலாம். இந்த கருப்பு அச்சு மண்ணில் காணப்படும் பொதுவான பூஞ்சையான ஆஸ்பெர்கிலஸ் நைஜரால் ஏற்படுகிறது. கருப்பு அச்சுகள் ஆபத்தானவை அல்ல, ஆனால் எரிச்சலைத் தூண்டும் என்று அறிக்கைகள் உறுதிப்படுத்துகின்றன. அதன் ஒரே இருப்பு மியூகோர்மைகோசிஸை ஏற்படுத்தாது. இந்த கருப்பு அச்சு நச்சுத்தன்மையைக் கொண்டிருக்கலாம். 

இது வாந்தி, குமட்டல், தலைவலி, வயிற்று வலி மற்றும் வயிற்றுப்போக்கு போன்ற ஒவ்வாமை எதிர்வினைகள் ஏற்படுத்தும். குறிப்பாக ஆஸ்துமா உள்ளவர்கள் இதை நுகரும்போது அவர்களுக்கு பாதிப்பை உண்டாக்கலாம் என்று கூறப்படுகின்றது. 

இதையும் படிங்க:  வெங்காயம் வெட்டும் போது இந்த எளிய தந்திரத்தை ட்ரை பண்ணுங்க...இனி அழமாட்டீங்க..!!

onion

எனவே, பாதிக்கப்பட்ட பகுதிகளை ட்ரிம் செய்து வெங்காயத்தை உட்கொள்ளலாம். ஆனால் வெங்காயம் முழுவதும் கருப்பு அச்சுகளால் பாதிக்கப்படாமல் இருந்தால் மட்டுமே இதனை பயன்படுத்த வேண்டும் என்று நிபுணர்கள் பரிந்துரைக்கின்றனர். வெங்காயத்தை குளிர்சாதன பெட்டியில் சேமித்து வைப்பது அச்சு வளர்ச்சியைத் தடுக்கிறது. ஒருவேளை நீங்கள் இதனை பிரிட்ஜில் வைக்க வேண்டும் என்றால் கருப்பு அச்சு நீக்கி விட்டு வைப்பது நல்லது. இல்லையெனில் இது பிற உணவுகளுடன் கலந்து உணவை விஷமாகும்.