சம்மரில் வாடிய செடிகளுக்கு மீண்டும் உயிரூட்ட சூப்பரான டிப்ஸ்
கோடை வெயிலில் வாடி வதங்கும் செடிகளைப் பார்த்தால் மனசே கஷ்டமாக இருக்கும் கவலைப்படாதீங்க! விலையுயர்ந்த உரங்கள் எதுவும் இல்லாமல் சமையலறைப் பொருட்களையும் சில எளிய டெக்னிக்குகளையும் வைத்தே வாடிய செடிகளை 2 நாட்களில் அல்ட்ரா எனர்ஜியோடு மீட்டுக்கொண்டு வரலாம்
'ஐஸ் கட்டி' மேஜிக்:
நேரடியாகச் செடிகளுக்கு ஐஸ் தண்ணீரைக் ஊற்றக் கூடாது. ஆனால், செடியைச் சுற்றியுள்ள மண்ணில் 2-3 ஐஸ் கட்டிகளைத் தூரமாக வையுங்கள். அவை மெதுவாக உருகி, வேர்களுக்குத் தேவையான குளுமையைத் தந்து, வெயில் அதிர்ச்சியிலிருந்து (Heat Shock) செடியைக் காப்பாற்றும்.
வெங்காயத் தோல் 'குளு குளு' குளியல்:
வெங்காயத் தோல்களை இரண்டு நாட்கள் தண்ணீரில் ஊற வையுங்கள். அந்தப் பொன்னிறத் தண்ணீரைச் செடிகளின் வேரிலும், இலைகளிலும் ஸ்ப்ரே செய்யுங்கள். இதில் இருக்கும் பொட்டாசியம் மற்றும் ஆன்டி-ஆக்ஸிடன்ட்டுகள் வாடிய செடிக்கு உடனடி குளுமையையும், புத்துணர்ச்சியையும் தரும்.
'உயிர் காக்கும்' கஞ்சித் தண்ணீர்:
வடித்த சாதத்தின் கஞ்சித் தண்ணீரை நன்றாக ஆறவைத்து, அதில் மூன்று மடங்கு சாதாரணத் தண்ணீர் கலந்து செடிகளுக்கு ஊற்றுங்கள். இதிலுள்ள ஸ்டார்ச் (Starch), மண்ணில் உள்ள நல்ல பாக்டீரியாக்களைத் தூண்டி, வாடிய வேர்களுக்கு அசுர வேகத்தில் சத்துக்களைக் கடத்தும்.
இலைகளுக்கு பதில் 'தேங்காய் நார்':
மண்ணின் ஈரப்பதம் காயாமல் இருக்க காய்ந்த இலைகளைப் போடுவார்கள். அதற்குப் பதிலாக, தேங்காயை உரித்த பிறகு கிடைக்கும் நாரை (Coconut Coir) மண்ணின் மேல் பரப்பி வையுங்கள். இது தண்ணீரை ஸ்பாஞ்ச் போல உறிஞ்சி வைத்துக்கொண்டு, வேருக்கு எப்போதும் ஏசி (AC) எஃபெக்ட் தரும்.
நிழல் குடை (Green Net) இல்லையா? 'பழைய காட்டன் புடவை':
செடிகளுக்கு மேல் பச்சை நிற நெட் கட்ட காசு செலவழிக்க வேண்டாம். வீட்டில் இருக்கும் பழைய காட்டன் வேட்டி அல்லது லேசான காட்டன் புடவையைச் செடிகளுக்கு மேலே ஒரு பந்தல் போலக் கட்டி விடுங்கள். இது 50% வெயிலைத் தடுத்து, செடிகள் கருகாமல் காக்கும்.
'குளுக்கோஸ்' வாட்டர் ட்ரிக்:
அதிக வெயிலால் சுருங்கிப் போன செடிகளுக்கு, ஒரு லிட்டர் தண்ணீரில் ஒரு ஸ்பூன் குளுக்கோஸ் பவுடர் அல்லது ஒரு துண்டு வெல்லம் கலந்து ஊற்றிப் பாருங்கள். மனிதர்களுக்கு எனர்ஜி டிரிங்க் போல, இது தாவரங்களின் வாட்டத்தை ஒரே நாளில் போக்கி நிமிரச் செய்யும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
