Idli Podi Recipe: நார்ச்சத்து நிறைந்த டேஸ்டியான இட்லி பொடி..? வீட்டிலேயே இப்படி சுலபமாக தயார் செய்யலாம்..!

Idli Podi Recipe: கருப்பு உளுந்து கொண்டு ருசியும், மணமும் கொண்ட, குழந்தைகள் விரும்பி சாப்பிட கூடிய  ஆரோக்கியமான இட்லி பொடி எப்படி செய்வது? என்பதை இந்த பதிவில் பார்க்க போகிறோம். 

Idli Podi Recipe:

நார் சத்து மிகுந்த கருவேப்பிலை மற்றும் கருப்பு உளுந்து பெண்கள், குழந்தைகளுக்கு ரொம்பவும் நல்லது. பெண்கள், குழந்தைகளின் ஆரோக்கியத்திற்கு உத்தரவாதம் தரும், கருப்பு உளுந்து கொண்டு ருசியும், மணமும் கொண்ட, ஆரோக்கியமான இட்லி பொடி எப்படி செய்வது? என்பதை இந்த பதிவில் பார்க்க போகிறோம். 

தேவையான பொருட்கள்: 

 கருப்பு உளுந்து – இரண்டு கப்

கடலைப்பருப்பு – ஒரு கப்

 துவரம்பருப்பு – ஒரு கப்

பெருங்காயத்தூள் – கால் கப்

சமையல் எண்ணெய் – ஒரு டீஸ்புன் 

உப்பு – தேவையான அளவு 

உடைத்த கடலை – ஒரு கப்

வரமிளகாய் – 12

மிளகு -ஒரு ஸ்பூன்

எள்ளு - ஒரு ஸ்பூன்

செய்முறை விளக்கம்: 

1. முதலில்  அடுப்பில் ஒரு பெரிய அடி கனமானபாத்திரம் ஒன்றை வைத்து, அதில் ஒரு ஸ்பூன் மட்டும் எண்ணெய் விட்டு வர மிளகாய்களை போட்டு பொன் நிறமாக வறுத்துக் கொள்ளுங்கள்.    

2. பின்பு அதில் கடலை பருப்பை, அதன் பிறகு மிளகு, அடுத்து துவரம் பருப்பு சேர்த்து ஒவ்வொன்றாக வறுத்துக் எடுத்து கொள்ள வேண்டும். இந்த எல்லா பொருட்களையும் தனித்தனியாக வறுத்து எடுத்த பின்பு தோலுடன் கூடிய முழு கருப்பு உளுந்தை சேர்த்து வறுத்துக் கொள்ளுங்கள். 

3. பின்னர் இதனுடன் தேவையான அளவிற்கு உப்பு மற்றும் பெருங்காயத்தூள் சேர்க்க வேண்டும்.  பின்னர் இதை கொரகொரப்பாக அரைத்து எடுத்தால் சத்துள்ள, சுவையான  இட்லி பொடி தயார்..! இதை ஆறு மாதம் வரை வைத்து பயன்படுத்தினாலும், கொஞ்சம் கூட கெட்டுப் போகாது.