வாழ்க்கையை மாற்றும் '10' நிமிட வாக்கிங்.. பலர் அறியாத சூப்பர் ட்ரிக்!! 

10 Minutes Walking Benefits : தினமும் 10 நிமிடங்கள் நடப்பது வாழ்க்கையை எப்படி மாற்றும் என இந்தப் பதிவில் காணலாம். 

வாழ்க்கையை மாற்றும் '10' நிமிட வாக்கிங்.. பலர் அறியாத சூப்பர் ட்ரிக்!!

உங்களால் காலையில் எழுந்ததும் உடற்பயிற்சி செய்ய முடியாவிட்டால் வெறும் பத்து நிமிடங்கள் நடந்து உடலை சுறுசுறுப்பாக வைத்திருக்க முடியும். 10 நிமிடங்கள் என்பது செய்ய முடியாத இலக்கு அல்ல. யார் வேண்டுமானாலும் 10 நிமிடங்கள் நடக்கலாம்.  குறைந்த தாக்கத்தை கொண்ட பயிற்சிகளில் நடைப்பயிற்சி ஒன்றான இது இதயம், நுரையீரல் ஆகியவற்றை நன்கு இயங்க வைத்து இயக்கத்தை பராமரிக்கிறது. உங்களுக்கு வயதாகும்போது இதயம், நுரையீரல் ஆகியவற்றின் இயக்கத்தை சீராக வைத்திருக்க இது உதவும். ஒவ்வொரு நாளிலும் இரண்டு முறை 10 நிமிடங்கள் நடப்பது கூட போதுமானது. 

10 நிமிடங்கள் நடப்பதன் நன்மைகள்:

தினமும் காலை, மதியம், மாலை என மூன்று வேளைகளிலும் 10 நிமிடங்கள் முறையே 30 நிமிடங்கள் நடக்கலாம். உடல் பருமன் அதிகரிக்காமல் எடை கட்டுக்குள் இருக்கும். மார்பக புற்றுநோய் ஆபத்தை குறைக்கும். கொலஸ்ட்ரால் இருந்தால் அதை குறைக்க நல்ல பயிற்சி. செரிமானத்தை மேம்படுத்தும். சாப்பிட்ட பின்னர் 10 நிமிடம் குறுநடை போடுவது ரத்தத்தில் சர்க்கரை அளவை குறைக்கும். மனநிலையை சீராக்கி மனச்சோர்வை தடுக்கிறது. உயர் இரத்த அழுத்தத்தை குறைக்க 10 நிமிட நடை உதவுகிறது. 

இதையும் படிங்க:  எடையை குறைக்க எவ்வளவு நேரம் நடக்க வேண்டும்?

ஆயுள் நீட்டிப்பு:

2017இல் வெளியான சர்குலேஷன் இதழின் ஆய்வில், நடைபயிற்சி  மரணத்தின் அபாயத்தைக் குறைப்பதாக தெரிவித்தது. தினமும் நடந்தால் எலும்பு அடர்த்தியை பராமரிக்க முடியும். எலும்பு முறிவு ஏற்படும் வாய்ப்புகள் குறைகின்றன. வயதான பெண்களை தாக்கும் ஆஸ்டியோபோரோசிஸ் நோய் தாக்கம் குறையும். 

இதையும் படிங்க:  இப்படி 'வாக்கிங்' போறது தெரியுமா? உடலை இரும்பாக்கும் '4' முறைகள்!!

சூப்பர் ட்ரிக்:

வாக்கிங் செல்வது உங்களுடைய ஆரோக்கியத்தை மேம்படுத்தினாலும் நீங்கள் உடல் எடையை குறைக்க விரும்பினால் உணவு பழக்கத்தை கட்டாயம் மாற்ற வேண்டும். ஆரோக்கியமான உணவுகளை உண்பது எவ்வளவு அவசியமோ அதே போலவே அளவாக உண்பதும் அவசியம். நீங்க சாப்பிடுவதை விட அதிக கலோரிகளை உடற்பயிற்சியினால் எரிக்கும் போது மட்டுமே உடல் எடையை குறைக்க முடியும். குறைந்த கலோரி உணவுகள் உண்பதால் விரைவில் உடல் எடையை குறைக்கலாம். 

- வாரம் இரண்டு நாள்கள் வலிமை பயிற்சிகள் (strength training)
- குறைந்த கலோரி உணவுகள்
- நடையில் வேகத்தை அதிகரித்தல்

வாக்கிங் எப்படி வாழ்க்கையை மாற்றும்?

நீங்கள் மதிய உணவு இடைவேளையில் அல்லது மாலை நேரங்களில் நடக்க முயற்சி செய்யலாம். தினமும் 10 நிமிடங்கள் நடப்பது ஒரு எளிமையான பழக்கமாகும்.  உங்கள் நண்பர்களை சந்திக்க செல்வது அல்லது அவர்களுடன் உரையாடிக் கொண்டே நடப்பது கூடுதலான உத்வேகத்தை அளிக்கும். நடைப்பயிற்சியை சுவாரசியமாக மாற்றவும், கூடுதல் பலன்களை பெறவும் ஒரு நிமிடம் நடப்பது 30 வினாடிகள் ஓடுவது என பயிற்சி செய்யலாம். நடக்கும்போது உற்சாகமாக இருப்பீர்கள். அமர்ந்த நிலையில் வெகுநேரம் வேலை செய்பவர்கள் நடக்கும்போது உடலுக்கு நல்ல இயக்கமாக இருக்கும். மனநிலை சீராக உதவும் ஹார்மோன்கள் சுரக்கும். நீங்கள் 30 நிமிடங்களோ, 40 நிமிடங்களோ நடந்தாலும் குறைந்தபட்சம் 10 நிமிடங்கள் அதிக வேகத்துடன் அதிக வேகத்தைக் கடக்கிறீர்களா? என்பதை கவனியுங்கள். அப்படி நடப்பது உங்களுக்கு நல்ல பலன்களை தரும். வேகமான நடை சிறந்த இயக்கமாக இருக்கும். எடையை குறைக்க உதவும்.