- Home
- Lifestyle
- Tulsi Plant Care: துளசி செடி மஞ்சள் நிறமாக மாறுகிறதா? அதை பச்சை பசேலென மாற்றும் ரகசியம் இதோ!
Tulsi Plant Care: துளசி செடி மஞ்சள் நிறமாக மாறுகிறதா? அதை பச்சை பசேலென மாற்றும் ரகசியம் இதோ!
துளசி செடி ஆன்மீக ரீதியாகவும், மருத்துவ ரீதியாகவும் இந்திய கலாச்சாரத்தில் மிக முக்கியமான இடத்தை பெற்றுள்ளது. ஆனால், சத்து குறைபாடு காரணமாக துளசி செடி காய்ந்துபோகும் அல்லது இலைகள் மஞ்சளாக மாறும். அப்போது நீங்கள் செய்ய வேண்டும் என்பதை பார்க்கலாம்.
ரசாயன உரம் தேவையில்லை
இந்திய வீடுகளில் துளசி செடியை ஆன்மீக மற்றும் மருத்துவ காரணங்களுக்காக வளர்த்து வருகிறோம். ஆனால், சத்து குறைபாடு, அதிக தண்ணீர் அல்லது வெயில் பற்றாக்குறையால் செடி காய்ந்து போகும். இதன் காரணமாக இலைகள் மஞ்சளாக மாறும். இந்த நேரத்தில், ரசாயன உரங்களுக்குப் பதிலாக வீட்டில் இருக்கும் வாழைப்பழத் தோலைப் பயன்படுத்தலாம்.
துளசி செடிக்கு வாழைப்பழத் தோல் ஏன் நல்லது?
வாழைப்பழத் தோல் ஒரு சிறந்த இயற்கை உரம். இதில் பொட்டாசியம், பாஸ்பரஸ் (Phosphorus) மற்றும் கால்சியம் போன்ற முக்கிய சத்துக்கள் உள்ளன. இந்த சத்துக்கள் செடியின் வேர்களை வலுப்படுத்தி, வளர்ச்சியைத் தூண்டுகின்றன. இதனால் துளசி இலைகள் பச்சையாகவும் பளபளப்பாகவும் மாறும்.
வாழைப்பழத் தோல் கரைசல்
முதலில், வாழைப்பழத் தோல்களை நன்கு கழுவி வெயிலில் காய வையுங்கள். அவை முழுமையாக காய்ந்ததும், மிக்ஸியில் போட்டு பொடி செய்து கொள்ளுங்கள். ஒரு லிட்டர் தண்ணீரில் ஒரு ஸ்பூன் இந்த பொடியைக் கலந்து ஒரு கரைசலைத் தயார் செய்யுங்கள். இந்த கரைசலை துளசி செடியின் வேர்களில் ஊற்றுங்கள். ஊற்றுவதற்கு முன், மண்ணை லேசாகக் கிளறிவிட்டால், சத்துக்கள் நேரடியாக வேர்களைச் செல்லும்.
நேரடியாக மண்ணில் போட வேண்டாம்
புதிதாக உரித்த அல்லது பச்சை வாழைப்பழத் தோல்களை நேரடியாக மண்ணில் போட வேண்டாம். இது செடியில் பூஞ்சை (Fungus) அல்லது பூச்சித் தாக்குதலை ஏற்படுத்தக்கூடும். வாரத்திற்கு ஒருமுறை இந்த பொடியைப் பயன்படுத்தினால், செடி மீண்டும் செழிப்பாக வளரும்.
4 முதல் 5 மணிநேரம் வெயில் பட வேண்டும்
உரம் மட்டுமல்ல, சரியான பராமரிப்பும் அவசியம். செடிக்கு ஒரு நாளைக்கு குறைந்தது 4-5 மணிநேரம் வெயில் படுமாறு பார்த்துக் கொள்ளுங்கள். அதிகமாகத் தண்ணீர் ஊற்றாதீர்கள், தொட்டியில் நீர் தேங்காமல் பார்த்துக்கொள்ளுங்கள். சரியான நேரத்தில் பூக்கள் மற்றும் காய்ந்த இலைகளை அகற்றுவது செடியின் வளர்ச்சியை மேம்படுத்தும். இந்த வீட்டு வைத்தியத்துடன் சரியான பராமரிப்பும் சேர்ந்தால், காய்ந்துபோன துளசி செடியும் மீண்டும் செழித்து வளரும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
