- Home
- Lifestyle
- Tomato Storage Tips: இனி தக்காளி விலை ஏறினாலும் டென்ஷன் வேண்டாம்! 4 மாதங்கள் வரை கெட்டுப்போகாமல் சேமிக்க இதோ 4 ஸ்மார்ட் வழிகள்!
Tomato Storage Tips: இனி தக்காளி விலை ஏறினாலும் டென்ஷன் வேண்டாம்! 4 மாதங்கள் வரை கெட்டுப்போகாமல் சேமிக்க இதோ 4 ஸ்மார்ட் வழிகள்!
Tomato: தக்காளி விலை அவ்வப்போது உயர்ந்த வண்ணம் உள்ளது. தக்காளியை 4 எளிய வழிகளில் அவற்றை சேமித்து வையுங்கள். இந்த ஸ்மார்ட் கிச்சன் ஹேக்ஸ் மூலம் தக்காளியை 3 முதல் 4 மாதங்கள் வரை பாதுகாப்பாக வைத்திருக்கலாம்.
Tomato
தினசரி சமையலில் தக்காளி இன்றியமையாத ஒன்றாக இருந்து வருகிறது. தற்போது கோடை வெயிலின் தாக்கம் காரணமாக தக்காளி வரத்து சற்றே குறைந்துள்ளதால், சந்தையில் விலையில் சிறு ஏற்ற இறக்கங்கள் காணப்படுகின்றன. இதுபோன்ற சமயங்களில், தக்காளியை முன்கூட்டியே சரியான முறையில் சேமித்து வைத்தால், அதிக செலவு இல்லாமல் பல மாதங்கள் பயன்படுத்தி கொள்ளலாம். இந்த முறைகள் எளிமையானவை, வீட்டில் செய்யக்கூடியவை மற்றும் தக்காளியின் தரத்தை நீண்ட காலம் பராமரிக்கின்றன. தக்காளியை 3 முதல் 4 மாதங்கள் வரை பாதுகாப்பாக வைத்திருக்க உதவும் 4 ஸ்மார்ட் வழிகளை இங்கே காணலாம்.
தக்காளி பியூரி
முதலில் தக்காளியைக் கழுவி, வேகவைத்து, தோலை உரித்துவிடுங்கள். பிறகு அதை மிக்ஸியில் அரைத்து பியூரி ஆக்குங்கள். இந்த பியூரியை ஒரு காற்று புகாத டப்பாவிலோ அல்லது ஐஸ் ட்ரேயிலோ ஊற்றி ஃப்ரீசரில் வைக்க வேண்டும். தேவைப்படும்போது, எடுத்து நேரடியாக சமையலுக்குப் பயன்படுத்தி கொள்ளலாம். இது மிகவும் சுலபமான முறை மற்றும் கிரேவி அல்லது குழம்புகளுக்கு பயன்படுத்தி கொள்ளலாம்.
முழுத் தக்காளி உறைநிலை
நீங்கள் தக்காளியை உடனே பயன்படுத்தப் போகிறீர்கள் என்றால், அவற்றை நன்கு கழுவி, உலர்த்தி, முழுதாகவே ஃப்ரீசரில் சேமித்து வையுங்கள். பயன்படுத்துவதற்கு முன்பு, சிறிது நேரம் வெளியே வைத்து டீஃப்ராஸ்ட் செய்தால் போதும். அவை மென்மையாகிவிடும். ஆனால் கிரேவி மற்றும் குழம்புகளுக்கு இது மிகவும் பொருத்தமாக இருக்கும்.
வற்றல் முறை
தக்காளியை மெல்லிய ஸ்லைஸ்களாக வெட்டி 2 முதல் 3 நாட்கள் வெயிலில் நன்கு காய வைக்க வேண்டும். முழுமையாக காய்ந்த பிறகு, அவற்றை காற்று புகாத ஜாடியில் சேமித்து வையுங்கள். பயன்படுத்தும் போது, லேசான வெதுவெதுப்பான நீரில் ஊறவைத்தால், தக்காளி மீண்டும் மென்மையாகிவிடும். நீண்ட காலம் சேமித்து வைப்பதற்கு இந்த முறை மிகவும் சிறந்தது.
இன்ஸ்டன்ட் தக்காளி சாஸ்
வீட்டிலேயே தக்காளி சாஸ் செய்வதும் நல்ல வழி. தக்காளியுடன் மசாலாப் பொருட்களைச் சேர்த்து, கெட்டியான சாஸ் தயார் செய்யுங்கள். அதை ஒரு சுத்தமான பாட்டிலில் ஊற்றி ஃப்ரிட்ஜில் வையுங்கள். இதனால் தக்காளி நீண்ட நாட்களுக்குக் கெட்டுப்போகாது, சுவையும் மாறாமல் அப்படியே இருக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
