சம்மர் ஹீட்: குழந்தைகளின் கண்களைக் காக்க 6 "கூலிங்" சீக்ரெட்ஸ்
வெயில் காலத்தில் குழந்தைகளுக்கு வியர்க்குரு, அம்மை போலவே கண் கட்டி, அரிப்பு மற்றும் எரிச்சல் ஏற்படலாம். எனவே, கோடை வெப்பத்திலிருந்து குழந்தைகளின் கண்களைப் பாதுகாக்க அதிக கவனம் தேவை. அவர்களைக் குளிர்ச்சியாக வைத்துக்கொள்ள எளிய வழிகளைப் பின்பற்றுங்கள்.
"வாட்டர் ஸ்பிளாஷ்" தெரபி :
வெளியே விளையாடி விட்டு வந்தவுடன் சோப்பு போட்டு முகம் கழுவுவதற்கு முன்னால், சாதாரண குளிர்ந்த நீரால் கண்களை மென்மையாக கழுவ சொல்லுங்கள். காற்றில் பறக்கும் கண்ணுக்குத் தெரியாத நுண் துகள்களும், வெப்பமும் கண்களில் எரிச்சலை உண்டாக்கும். ஒரு நாளைக்கு 3-4 முறை இப்படிச் செய்வது கண்களுக்கு உடனடி புத்துயிர் தரும்.
வெள்ளரிக்காயை விட இது பெஸ்ட்!
கண்களின் சூட்டைத் தணிக்க வெள்ளரிக்காய் வைப்பது பழைய ஸ்டைல். அதற்கு பதில், காய்ச்சாத குளிர்ந்த பாலில் பஞ்சை நனைத்து குழந்தைகளின் இமைகளின் மேல் 5 நிமிடம் வையுங்கள். பாலில் உள்ள புரதம் மற்றும் குளிர்ச்சி, வெயிலால் ஏற்படும் "ஐ ஸ்ட்ரெய்ன்" (Eye Strain) மற்றும் சிவந்த நிறத்தை (Redness) மாயமாய் மறைக்கும்.
சன்கிளாஸ் - ஸ்டைலுக்கு மட்டுமல்ல!
குழந்தைகளுக்கு சன்கிளாஸ் வாங்கும் போது வெறும் கலரைப் பார்க்காதீர்கள். "100% UV Protection" அல்லது "Polarized" என்று லேபிள் ஒட்டப்பட்ட கண்ணாடிகளை மட்டுமே தேர்வு செய்யுங்கள். மலிவான பிளாஸ்டிக் கண்ணாடிகள் கருவிழியைப் பாதிக்கும். தரமான கண்ணாடிகளை அணிவிப்பது பிற்காலத்தில் வரும் கண்புரை பாதிப்புகளைத் தடுக்கும்.
"யு" டர்ன் (U-Turn) உணவுகள்
வெயில் காலத்தில் கண்களில் ஈரப்பதம் குறைந்து 'டிரை ஐ' (Dry Eye) பிரச்சனை வரும். இதைத் தவிர்க்க ஆரஞ்சு நிறப் பழங்கள் மற்றும் காய்கறிகளை அதிகம் கொடுங்கள். இளநீரில் கொஞ்சம் சப்ஜா விதைகளை கலந்து கொடுங்கள். இது ஒட்டுமொத்த உடல் சூட்டையும் குறைத்து, கண்களில் வறட்சி ஏற்படாமல் காக்கும்.
டிஜிட்டல் டிஸ்டன்ஸ் :
வெயிலால் வெளியே போக முடியாமல் குழந்தைகள் வீட்டிற்குள் போன் அல்லது டிவியில் தஞ்சமடைவார்கள். 20-20-20 விதியைப் பின்பற்றச் சொல்லுங்கள். 20 நிமிடம் திரையைப் பார்த்தால், 20 அடி தூரத்தில் உள்ள ஒரு பொருளை 20 வினாடிகள் பார்க்க வேண்டும். கோடையில் கண்கள் விரைவில் சோர்வடைவதால் இது மிக அவசியம்.
தலையணை உறை மேஜிக் :
கோடையில் குழந்தைகளின் தலையணை உறைகளை (Pillow Covers) இரண்டு நாட்களுக்கு ஒருமுறை மாற்றுங்கள். தலையணையில் சேரும் வியர்வை மற்றும் அழுக்கு, தூக்கத்தில் குழந்தைகளின் கண்களுக்குள் சென்று "மெட்ராஸ் ஐ" (Conjunctivitis) போன்ற தொற்றுக்களை உண்டாக்கும். பருத்தி உறைகளை மட்டுமே பயன்படுத்துங்கள்.
