Paneer Vs Chicken : பனீர் அல்லது சிக்கன்? உடல் எடையை குறைக்க எது சிறந்தது?

நீங்கள் உடல் எடையை குறைக்க விரும்பினால் பனீர், சிக்கன் இவை இரண்டில் எதை சாப்பிட வேண்டும் என்ற சந்தேகம் பலருக்கும் இருக்கும். இதுகுறித்து விரிவாக பார்க்கலாம்.

Paneer

பனீர் மற்றும் சிக்கன் இரண்டிலும் புரதம் நிறைந்துள்ளது. பனீரில் பொட்டாசியம், மெக்னீசியம் மற்றும் கால்சியம் போன்ற ஊட்டச்சத்துக்களும் அதில் நிறைந்துள்ளன. இவை இரண்டுமே உயர் இரத்த அழுத்தத்தைக் கட்டுப்படுத்தவும் குறைக்கவும் உதவுகின்றன. மறுபுறம், சிக்கனிலும் பல ஆரோக்கிய நன்மைகளைக் நிறைந்துள்ளது. ஆனால் நீங்கள் உடல் எடையை குறைக்க விரும்பினால் இவை இரண்டில் எதை சாப்பிட வேண்டும் என்ற சந்தேகம் பலருக்கும் இருக்கும். இதுகுறித்து விரிவாக பார்க்கலாம்.

உடல் எடை இழப்பு முயற்சியில் புரதம் முக்கிய பங்கு வகிக்கிறது. புரதம் நிறைந்த நிறைந்த உணவுகள் உங்களை திருப்தியடையச் செய்யவும், பசியை உணர்வை குறைக்கவும் உதவும். மேலும் குளுகோகன் போன்ற பெப்டைட்-1 (ஜிஎல்பி-1) மற்றும் கோலிசிஸ்டோகினின் (சிசிகே) போன்ற மனநிறைவு ஹார்மோன்களை அதிகரிக்க புரதம் உதவுகிறது. கிரெலின் என்ற பசி ஹார்மோன் குறைவதற்கு வழிவகுக்கிறது.

புரதம் சாப்பிடுவதால் வளர்சிதை மாற்றத்தின் போது உங்கள் உடல் கலோரிகளை எரிக்கிறது. ஆய்வுகளின்படி, புரத செரிமானத்தின் போது சுமார் 20-30% புரத கலோரிகள் எரிக்கப்படுகின்றன. புரதங்கள் அதிக தெர்மிக் விளைவைக் கொண்டிருப்பதால், அதிக புரத உணவுகள் வளர்சிதை மாற்றத்தை அதிகரிக்க உதவுகிறது.

உடல் எடையை குறைப்பதை விட, அதே எடையை பராமரிப்பது கடினம். அந்த வகையில் புரம், மீண்டும் எடை அதிகரிப்பதை 50% குறைக்கிறது என்று ஒரு ஆய்வு கண்டறிந்துள்ளது.

chicken

சரி, பனீர் அல்லது சிக்கன்? எது உடல் ஆரோக்கியத்திற்கு நல்லது. இரண்டிலும் புரதம் நிறைந்துள்ளதால், பனீர் மற்றும் சிக்கனில் எவ்வளவு புரதம் உள்ளது என்பதை அறிவது முக்கியம். 100 கிராம் பனீர் உங்களுக்கு 18 கிராம் புரதத்தையும், 100 கிராம் சிக்கன் உங்களுக்கு 27 கிராம் புரதத்தையும் கொடுக்கும். மேலும், 100 கிராம் பனீர் உட்கொள்வது 22 கிராம் கொழுப்பைக் கொடுக்கும், 70 கிராம் கோழியில் 3 கிராம் கொழுப்பு உள்ளது.

Paneer

இங்கே கவனிக்க வேண்டிய மற்றொரு சுவாரஸ்யமான விஷயம் என்னவென்றால், பனீரில் உள்ள 60% கொழுப்பு நிறைவுற்றது, இது கெட்ட (எல்டிஎல்) கொழுப்பின் அளவை அதிகரிப்பதன் மூலம் இதய நோய்கள் மற்றும் பக்கவாதத்திற்கு வழி வகுக்கும். பனீர் மற்றும் சிக்கன் இரண்டிலும் மிகக் குறைவான கார்போஹைட்ரேட் உள்ளது. கலோரிகளைப் பொறுத்தவரை, 100 கிராம் பனீரில் 265 முதல் 320 கலோரிகள் இருக்கும், அதே சமயம் 100 கிராம் சிக்கனில் 165 கலோரிகள் இருக்கும்.

Chicken

எனவே பனீர் சிறந்ததா அல்லது சிக்கன் சிறந்ததா என்பது உங்கள் உணவு விருப்பங்களைப் பொறுத்தது. நீங்கள் குறைந்த கலோரிகளை உட்கொள்ள விரும்பினால், சிக்கன் சாப்பிடலாம்.  நீங்கள் உட்கொள்ளும் நிறைவுற்ற கொழுப்பு மற்றும் புரதத்தின் அளவு போன்ற மற்ற விஷயங்களாலும் உடல் எடை அதிகரிக்கலாம். பனீர் எளிதில் செரிமானம் அடைகிறது என்றாலும் சிக்கன் ஜீரணிக்க சிறிது நேரம் ஆகலாம். ஆனால், நீங்கள் சைவ உணவு உண்பவராக இருந்தால், எடையைக் குறைக்க முயற்சிப்பவராக இருந்தால் பனீர் ஒரு நல்ல தேர்வாக இருக்கும்.