- Home
- உடல்நலம்
- உணவு
- இந்த சிவப்பு நிற கீரை பத்தி தெரியுமா? குழந்தைகளின் கண் பார்வையை ஷார்ப் ஆக்கும்! சுகரை குறைக்கும்
இந்த சிவப்பு நிற கீரை பத்தி தெரியுமா? குழந்தைகளின் கண் பார்வையை ஷார்ப் ஆக்கும்! சுகரை குறைக்கும்
சிவப்பு நிறத்தில் இருக்கும் பொன்னாங்கன்னி கீரையில் மற்ற கீரையை விட அதிகமான ஆரோக்கிய நன்மைகள் இருக்கின்றன.
பலருக்கும் கீரை சமைத்து சாப்பிடுவது அந்த அளவுக்கு விருப்பமான காரியமாக இருக்காது கீரையை கண்டாலே ஒதுக்கும் நபர்களும் உண்டு. ஆனால் கீரையில் எண்ணற்ற நன்மைகள் உள்ளன. கீரைகளில் நார்ச்சத்துக்கள், முக்கிய தாதுக்கள், வைட்டமின்கள் போன்ற அத்தியாவசிய சத்துக்கள் பொதிந்து காணப்படுகிறது.
ஒவ்வொரு கீரையும் ஒவ்வொரு மாதிரியான நன்மைகளை தரக்கூடியது. அதிலும் சிவந்த நிற பொன்னாங்கன்னிக் கீரை கூடுதலான ஆரோக்கிய நன்மைகளை கொண்டுள்ளது. இதில் வைட்டமின் ஏ, இரும்புச்சத்து, பாஸ்பரஸ், கால்சியம் நார்ச்சத்து ஆகியவை உள்ளன. நாள்பட்ட பல நோய்களுக்கு இதில் தீர்வு இருப்பதாக மருத்துவர்கள் தெரிவிக்கின்றனர்.
நல்ல சிவப்பு நிறத்தில் இருக்கும் பொன்னாங்கன்னி கீரை உயர் ரத்த அழுத்தம், நீரிழிவு நோய், மாரடைப்பு ஆகிய நாள்பட்ட நோய்களுக்கு சிறந்த தீர்வு. பொதுவாக இந்த நோய்களுக்கு ஆன்டி ஆக்ஸிடண்ட் மருந்தும் எடுத்து கொள்ள வேண்டும். அப்படிப்பட்ட ஆன்டி ஆக்ஸிடண்ட் பண்புகள் சிவப்பு பொன்னாங்கன்னி கீரையில் இருக்கிறது.
இந்த கீரையை வீட்டிலேயே வளர்க்கலாம். இதை பொரியல் செய்து சாப்பிட்டால் கண் பார்வை கூர்மையாகும். குழந்தைகளின் கண் ஆரோக்கியத்திற்கு சிறந்த பலன்களை தரும். இரும்புச் சத்து தவிர மற்ற சத்துக்களும் அதிகம் உள்ளாது. இருக்கிறேன் அடிக்கடி உண்பதால் சருமம் பொலிவாகும்.
சின்ன குழந்தைகளுக்கு கிட்டப்பார்வை பிரச்னை வந்தால் இந்தக் கீரையை 48 நாட்கள் கொடுங்கள். கூடவே கண்களுக்குப் பயிற்சி செய்தால் அவர்களின் பார்வைத்திறன் மேம்படும். இந்தக் கீரை மூளை, நரம்புகள் நன்றாக இயங்க, எலும்புகள் வலுப் பெற, முடி நன்றாக வளர உதவும்.
பொன்னாங்கன்னி கீரை கூட்டு ரெசிபி
முதலில் சிறிதளவு சிறுபருப்பை வேகவைத்து எடுத்து கொள்ளுங்கள். கீரையை நன்கு கழுவி தண்ணீரை உலர விட்டு பொடி பொடியாக நறுக்கிக் கொள்ள வேண்டும். கடுகு, உளுத்தம் பருப்பு, வர மிளகாய் கருவேப்பிலை ஆகியவற்றை போட்டு தாளித்து அதனுடன் கீரையை போட்டு வதக்க வேண்டும். கீரை வெந்து வரும்போது அதனுடன் வேகவைத்த சிறுபருப்பு கலவையை கலந்து, இறுதியில் உப்பு சேர்த்தால் சுவையான பொன்னாங்கன்னி கீரை ரெடி.
