எந்த வயதில் இருந்து முகத்துக்கு ஃபேஷியல் செய்ய துவங்கலாம்..??

அழகு நிலையங்களில் முகம் மற்றும் கழுத்தை சுத்தம் செய்து, மசாஜ் செய்துவிட்டு, அதை தொடர்ந்து அப்ளை செய்யப்படும் பேக் தான் ஃபேஷியல். இம்மூன்று நடைமுறைகள் மட்டுமே ஃபேஷியலில் கடைப்பிடிக்கப்படுகிறது. டீன் ஏஜில், அதாவது 13 வயதுக்கு பிறகு உடலில் ஹார்மோன்கள் ஏற்ற இறக்கத்துடன் இருக்கும். 

அழகு நிலையங்களில் முகம் மற்றும் கழுத்தை சுத்தம் செய்து, மசாஜ் செய்துவிட்டு, அதை தொடர்ந்து அப்ளை செய்யப்படும் பேக் தான் ஃபேஷியல். இம்மூன்று நடைமுறைகள் மட்டுமே ஃபேஷியலில் கடைப்பிடிக்கப்படுகிறது. டீன் ஏஜில், அதாவது 13 வயதுக்கு பிறகு உடலில் ஹார்மோன்கள் ஏற்ற இறக்கத்துடன் இருக்கும். 

இதன்காரணமாக முகத்தில் ஆங்காங்கே பரு தோன்றும். இதனால் சருமத்தை முறையாக சுத்தப்படுத்தி பராமரிப்பு செய்ய வேண்டும். அதனால் 13 வயதில் இருந்தே பெண் குழந்தைகளுக்கு ஃபேஷியல் செய்வதை தொடரலாம். அடுத்தடுத்து செய்யப்படும் ஃபேஷியல் மூலம், முகம் எப்போதும் இளமையாகவும் வறட்சியில்லாமல் இருக்கும்.

ஃபேஷியல் குறித்து பேசுகையில் ஆண்டி-ஏஜிங் க்ரீம்கள் தொடர்பாக பலருக்கும் சந்தேகம் எழும். எந்த வயதில் இருந்து ஆண்டி-ஏஜிங் க்ரீம்கள் உபயோகிக்கலாம் என்பதை கடந்து, யாரெல்லாம் அதை பயன்படுத்தலாம் என்பது தான் முக்கியம். நீங்கள் தொடர்ந்து கிளென்சிங், டோனிங் மற்றும் மாய்ஸ்சிரைசிங் செய்து சருமத்தை பராமரித்து வருகிறீர்கள் என்றால், உங்களுக்கு எப்போதும் சருமம் ஈரப்பதத்துடன் இருக்கும். அப்படிப்பட்ட பெண்களுக்கு ஆண்டி ஏஜிங் க்ரீம்களை பயன்படுத்தும் அவசியம் இருக்காது.

ஒவ்வொருவரும் அவர்கள் சாப்பிடும் உணவு, எத்தனை நேரம் சூரிய வெப்பத்தில் நேரத்தை செலவழிக்கிறார்கள், தினசரி அவர்களுக்கு ஏற்படும் ஸ்ட்ரெஸ் அளவு உள்ளிட்டவற்றை வைத்து தான் சரும ஆரோக்கியம் கணக்கிடப்படுகிறது. அனால் நமது தினசரி வாழ்க்கை தற்பொது முற்றிலுமாக மாறிவிட்டது. இதன் விளைவாக 20 வயது தொடக்கத்திலேயே பலருக்கும் சரும பிரச்னை தொடங்கி விடுகிறது. பொடுகு, பரு, மரு, முடிக் கொட்டுதல் உள்ளிட்டவை பொதுவான பிரச்னைகளாக உள்ளன.

ஆண்டி ஏஜிங் க்ரீம்களில் இருக்கும் ஹைலுரானிக் ஆசிட், சருமத்தை புஷ்டியாக வைத்திருக்க உதவும். இதை பயன்படுத்தினால் முகத்தில் சுருக்கங்கள் இருந்தாலும் தெரியாது. தவிர, இக்கீரிம்கள் மூலம் சருமத்துக்கு  ஈரப்பதம் கிடைப்பதால் முகம் எப்போதும் பொலிவுடன் இருக்கும். அடுத்து இதிலுள்ள வைட்டமின் ஏ சரும சுருக்கங்களைக் குறைக்க உதவி செய்யும். இதை தொடர்ந்து பூசி வந்தால், சுருக்கங்கள் மறைந்து டைட் ஆகும்.

நீங்கள் எதுபோன்ற ஆண்டி ஏஜிங் க்ரீம்களை பயன்படுத்த வேண்டும் என்பதை சரும நிபுணர் பரிந்துரைப்பார். இதுதவிர பக்குசால் என்று ஒன்று உள்ளது. இது இயற்கையாக தாவரத்திலிருந்து நமக்கு கிடைப்பது. இது முற்றிலும் பக்கவிளைவுகள் அற்றது. இதன்மூலம் கிடைக்கும் பொருட்களை பயன்படுத்தி வருவதன் மூலமாகவும், முதுமைத் தோற்றத்தை விரட்டியடிக்க முடியும். 

உணவுப் பழக்கம், சரியான இடைவெளியில் தண்ணீர் அருந்துவது, ஸ்ட்ரெஸை குறைக்க முயல்வது, உடற்பயிற்சி செய்வது மற்றும் மனதை சந்தோஷமாக வைத்திருப்பது போன்ற புறக் காரணங்களுக்கு உடலுக்கும் முகத்துக்கும் ஆரோக்கியத்தை தருகின்றன.