தமிழ் ஹீரோ வேண்டாம்.. அக்கட தேசத்தில் இருந்து ஆள் இறக்கும் விஜய் மகன் - ஜேசன் சஞ்சய்யின் முதல் பட ஹீரோ இவரா?

டிகர் விஜய்யின் மகன் ஜேசன் சஞ்சய் இயக்க உள்ள புதிய திரைப்படத்தில் ஹீரோவாக நடிக்கப்போவது யார் என்பதை விரிவாக பார்க்கலாம்.

Vijay son Jason sanjay

நடிகர் விஜய் சினிமாவை விட்டு விலகுவதாக அறிவித்துள்ள சமயத்தில் அவரது மகன் ஜேசன் சஞ்சய் சினிமாவில் எண்ட்ரி கொடுத்துள்ளார். தன் தந்தையை போல் நடிகராக அல்லாமல் இயக்குனராக அறிமுகமாகி இருக்கிறார் சஞ்சய். அவர் இயக்க உள்ள முதல் படத்தை லைகா நிறுவனம் தயாரிக்க உள்ளது. இதற்கான அதிகாரப்பூர்வ அறிவிப்பு கடந்த ஆண்டே வந்தாலும், அதன்பின் அப்படம் குறித்த எந்த ஒரு அப்டேட்டும் படக்குழு தரப்பில் வெளியிடப்படவில்லை.

Jason sanjay debut as director

குறிப்பாக இப்படத்தில் ஹீரோவாக நடிக்கப்போவது யார் என்கிற எதிர்பார்ப்பும் நாளுக்கு நாள் எகிறிய வண்ணம் உள்ளது. முதலில் இப்படத்தில் விஜய் சேதுபதி ஹீரோவாக நடிக்க உள்ளதாக பேச்சு அடிபட்டது. பின்னர் அது வதந்தி என உறுதியானது. இதையடுத்து கோலிவுட்டின் நம்பிக்கை நாயகனாக வலம் வரும் கவின் தான் இதில் ஹீரோவாக நடிக்கப்போகிறார் என்று தகவல் பரவியது. பின்னர் அதுவும் உண்மையில்லை என கூறப்பட்டது.

இதையும் படியுங்கள்... பாலாவின் மிரட்டலான மேக்கிங்கை ரிப்பீட் மோடில் பார்க்கும் ரசிகர்கள்... யூடியூப்பில் வணங்கான் டீசர் படைத்த சாதனை

Dulquer salmaan

இந்த நிலையில், தற்போது ஜேசன் சஞ்சய் படத்தில் ஹீரோவாக நடிக்கப்போகும் நடிகர் குறித்து லேட்டஸ்ட் தகவல் ஒன்று பரவி வருகிறது. அது என்னவென்றால், விஜய் மகன் இயக்கும் படத்தில் மலையாள நடிகர் துல்கர் சல்மான் ஹீரோவாக நடிக்க உள்ளதாக கூறப்படுகிறது. ஏற்கனவே தமிழில் கண்ணும் கண்ணும் கொள்ளையடித்தால் என்கிற பிளாக்பஸ்டர் ஹிட் படத்தை கொடுத்த துல்கர் சல்மான், விஜய் மகன் படத்தில் நடிக்க அதிக வாய்ப்புகள் உள்ளதாக தெரிகிறது.

Thug Life Dulquer salmaan

நடிகர் துல்கர் சல்மான் நடிப்பில் தற்போது தக் லைஃப் திரைப்படம் உருவாகி வருகிறது. மணிரத்னம் இயக்கத்தில் உருவாகும் இப்படத்தில் கமல்ஹாசன், திரிஷா, ஜெயம் ரவி என மிகப்பெரிய நட்சத்திர பட்டாளமே நடிக்கிறது. ஏ.ஆர்.ரகுமான் இப்படத்திற்கு இசையமைக்கிறார். தக் லைஃப் படத்தின் பணிகளில் தற்போது பிசியாக உள்ள துல்கர், அப்படத்தில் நடித்து முடித்த பின்னர் விஜய் மகன் ஜேசன் சஞ்சய் இயக்கும் படத்தில் நடிப்பார் என எதிர்பார்க்கப்படுகிறது.

இதையும் படியுங்கள்... அம்மா மட்டுமல்ல கீர்த்தி சுரேஷ் பாட்டியும் நடிகை தானாம்... தமிழ்ல இத்தனை படங்களில் நடித்துள்ளாரா?