மீண்டும் கதையின் நாயகனாக மாறும் "நடிப்பு அரக்கன்" - இணையும் சிவகார்த்திகேயன் பட இயக்குனர் - யாருனு தெரியுமா?
SJ Suryah Next Movie : தொடர்ச்சியாக நல்ல பல கதாபாத்திரங்களை ஏற்று நடித்து, தற்பொழுது தமிழ் சினிமாவில் அனைவராலும் அதிகம் விரும்பப்படும் நடிகராக மாறி இருக்கிறார் எஸ்.ஜே சூர்யா என்றால் அது மிகையல்ல.
Actor SJ suryah
ஜூனியர் ஆர்டிஸ்ட் ஆக தனது கலை பயணத்தை தொடங்கி, அதன்பிறகு தல அஜித் அவர்களின் மூலம் இயக்குனராக அறிமுகமாக்கப்பட்டு, இன்று தமிழ் சினிமாவில் முன்னணி நடிகராகவும், சிறந்த இயக்குனராகவும் திகழ்ந்து வருபவர் தான் எஸ்.ஜே சூர்யா. கடந்த 2023 ஆம் ஆண்டில் இவர் நடிப்பில் வெளியான வாரிசு, பொம்மை, மார்க்கண்டனி மற்றும் ஜிகர்தண்டா டபுள் எக்ஸ் ஆகிய திரைப்படங்கள் அனைத்தும் மக்கள் மத்தியில் பெரும் வரவேற்பை பெற்றது.
Iraivi movie
இந்த நிலையில் இந்த 2024ம் ஆண்டு ஏற்கனவே 7க்கும் மேற்பட்ட திரைப்படங்களில் நடிக்க அவர் ஒப்பந்தமாகியுள்ளார். குறிப்பாக உலகநாயகன் கமல்ஹாசன் அவர்களின் "இந்தியன் 2", ராம் சரணின் "கேம் சேஞ்சர்" மற்றும் தனுஷின் 50வது திரைப்படம் என்று பல திரைப்படங்களில் அவர் நடிக்க ஒப்பந்தமாகி உள்ளார்.
Bakkiaraj Kannan
இந்த சூழலில் சிவகார்த்திகேயனை வைத்து "ரெமோ", மற்றும் நடிகர் கார்த்தி அவர்களின் "சுல்தான்" போன்ற படங்களை கொடுத்த பிரபல இயக்குனர் பாக்யராஜ் கண்ணன் இயக்கத்தில் உருவாக உள்ள அடுத்த திரைப்படத்தில் முன்னணி கதாபாத்திரத்தில் நடிக்க இருக்கிறார் எஸ்.ஜே சூர்யா என்று தகவல் தற்பொழுது வெளியாகி உள்ளது. வெகு நாட்கள் கழித்து எஸ்.ஜே சூர்யா மீண்டும் நாயகனாக இந்த படத்தில் களம் இறங்க உள்ளார்.