Rituraj Singh Death: மருத்துவமனையில் இருந்து வீட்டுக்கு வரும் வழியில் மாரடைப்பு! துணிவு பட நடிகர் மரணம்.!
'துணிவு' படத்தில் வில்லனாக நடித்த, பாலிவுட் நடிகர் ரிதுராஜ் சிங் மாரடைப்பால் மரணமடைந்துள்ள தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது.
ஹிந்தியில் ஒரு தொலைக்காட்சி நடிகராக அறிமுகமாகி, பின்னர் திரைப்பட நடிகராக மாறி ரசிகர்கள் மனதை கவர்ந்தவர் ரிதுராஜ் சிங். எப்படி பட்ட கதாபாத்திரம் கொடுத்தாலும் அதனை உள்வாங்கி கொண்டு நடிக்கும், திறமை கொண்ட இவர், நேற்று (பிப்ரவரி 19-ஆம் தேதி) இரவு திடீர் என ஏற்பட்ட மாரடைப்பு காரணமாக உயிரிழந்தார்.
மேலும் இவர் கடந்த சில வருடங்களாக கணையம் தொடர்பான பிரச்சனைகளால் அவதிப்பட்டு வந்ததாகவும், அதன் காரணமாக அவர் மருத்துவமனையில் அனுமதிக்கப்பட்டதாகவும் தகவல்கள் தெரிவிக்கின்றன. அவரது உடல்நிலையில் நல்ல முன்னேற்றம் ஏற்பட்டதை தொடர்ந்து, மருத்துவமனையில் இருந்து வீட்டுக்கு டிஸ்சார்ஸ் ஆகி செல்லும் வழியிலியே மாரடைப்பு ஏற்பட்டு உயிரிழந்தார்.
அவரது திடீர் மறைவு, குடும்பத்தினர் மட்டுமின்றி அவரது ரசிகர்களையும் சோகத்தில் மூழ்கடித்துள்ளது. ரிதுராஜ் சிங் பாலிவுட்டை தாண்டி, கடந்த ஆண்டு இயக்குனர் எச்.வினோத் இயக்கத்தில், தல அஜித் நடிப்பில் வெளியான 'துணிவு' படத்தில் வில்லனாக நடித்து மிரட்டி இருந்தார் என்பது குறிப்பிடத்தக்கது.
ஏராளமான சீரியல்கள், திரைப்படங்களில் நடித்துள்ளதை இவர்... சில வெப் தொடர்களிலும் நடித்துள்ளார். கடைசியாக, 'இந்தியன் போலீஸ் போர்ஸ்' என்கிற தொடரில் நடித்திருந்தார் என்பது குறிப்பிடத்தக்கது. இவரின் திடீர் மரணத்தை தொடர்ந்து, ரசிகர்களும், பிரபலங்களும் தங்களின் இரங்கலை இவருக்கு சமூக வலைத்தளம் மூலம் தெரிவித்து வருகின்றனர்.
சேனலை கிளிக் செய்து பின்தொடரவும்
