உங்கள் திருமண வாழ்க்கை மகிழ்ச்சியாக இல்லை என்பதை குறிக்கும் அறிகுறிகள் இவைதான்..

உங்கள் திருமண உறவு அல்லது காதல் உறவு ஆரோக்கியமாக இல்லை என்பதை குறிக்கும் சில அறிகுறிகள் உள்ளன. உறவில் மோதலுக்கு வழிவகுக்கும் மற்றும் உறவு முறிந்துவிடும். இந்த எச்சரிக்கை அறிகுறிகளை புரிந்துகொள்வதும் அங்கீகரிப்பதும் உறவில் பிரச்சனைகளையும் தீர்க்க உதவுகிறது. உங்கள் திருமண வாழ்க்கை மகிழ்ச்சியாக இல்லை என்பதை குறிக்கும் அறிகுறிகள் குறித்து இந்த பதிவில் பார்க்கலாம்.

ஆரோக்கியமான எல்லைகளை பராமரிப்பது திருமண உறவுகளில் மட்டுமல்ல, பிற தனிப்பட்ட உறவுகளிலும் முக்கிய பங்கு வகிக்கிறது. உங்கள் துணையின் தனிப்பட்ட இடத்தை உங்களால் மதிக்க முடியாவிட்டால், தொடர்ந்து எல்லைகளை மீறினால், அது எச்சரிக்கை அற்குறியாகும். நீங்கள் உங்கள் துணைக்கு சுதந்திரம் வழங்காத போது அது மோதலுக்கும் விரிசலுக்கும் வழிவக்கும்.

உங்கள் துணையின் சூழ்நிலைகளை உங்களால் புரிந்து கொள்ள முடியாவிட்டால் அது உங்கள் உறவு மோசமாக இருக்கிறது என்பதை குறிக்கும் அறிகுறி ஆகும். மேலும் அவர்கள் உங்களிடம் நம்பிக்கை வைக்கும்போது, உங்களுக்கு பச்சாதாபம் இல்லை என்பதை இது காட்டுகிறது. ஒரு பச்சாதாபம் கொண்ட துணை எப்போது தங்கள் கூட்டாளியின் உணர்ச்சிகளையும் எண்ணங்களையும் புரிந்து  கொண்டு அதற்கேற்ப நடந்து கொள்வார். 

தகவல்தொடர்பு இல்லாமை உறவுகளில் தவறான புரிதல்களையும் உணர்ச்சிகரமான தூரத்தையும் உருவாக்குகிறது. உங்கள் தேவைகளையும் எண்ணங்களையும் உங்கள் துணையுடன் நேரடியாகத் தெரிவிக்கவில்லை என்றால், நீங்கள் உறவு ஆரோக்கியமாக இல்லை என்பதை குறிக்கும்.. நீங்கள் உங்கள் துணையுடன் சரியான தகவல் தொடர்பு மேற்கொள்ளாத போது அது தம்பதிகளுக்கு இடையேயான தூரத்தை அதிகமாக்கும்.

உறவில் ஒரு துணை சுயநல மனப்பான்மை உடன் இருந்தால்மற்றொரு ஆபத்து. உங்கள் துணையின் இலக்குகளை விட உங்கள் தேர்வுகள் மற்றும் முடிவுகளுக்கு நீங்கள் எப்போதும் முன்னுரிமை அளித்தால், நீங்கள் ஒரு உறவில் சுயநல துணையாக இருப்பதற்கான அறிகுறியாகும். உங்கள் துணையின் நேரம், பாசம் மற்றும் அன்பைக் கோரும் நீங்கள் ஆனால் ஒருபோதும் திருப்பிச் செலுத்த மாட்டீர்கள். இந்த நடத்தை உறவில் வெறுப்பையும் கசப்பையும் வளர்க்கிறது.

பொறாமை என்பது மற்றொரு நுட்பமான காரணியாகும், இது உறவு மோசமான நிலையில் இருப்பதை குறிக்கிறது. ஒரு நபர் மிகவும் போட்டித்தன்மையுடனும், வளர்ச்சி மனப்பான்மை இல்லாதவராகவும் இருக்கும்போது பொறாமை ஏற்படுகிறது. உங்கள் துணையின் சாதனைகளைக் கேட்டு நீங்கள் அசௌகரியமாகவும் கவலையாகவும் இருந்தால், நீங்கள் மகிழ்ச்சியான உறவில் இல்லை என்பதை குறிக்கும் அறிகுறியாகும்.