T20 WC Opening Ceremony: டி20 உலகக் கோப்பை தொடக்க விழா எப்போது? யார் யாரெல்லாம் இருக்கிறார்கள்?

டி20 உலகக் கோப்பை தொடக்க விழாவானது ஜூன் 2 ஆம் தேதி 2ஆவது போட்டிக்கு முன்னதாக நடைபெற இருக்கிறது.

T20 World Cup Opening Ceremony

டி20 உலகக் கோப்பை தொடரானது ஜூன் 1 ஆம் தேதி முதல் 29ஆம் தேதி வரையில் நடைபெறுகிறது. இந்த தொடரின் முதல் போட்டி ஜூன் 2 ஆம் தேதி காலை 6 மணிக்கு தொடங்குகிறது. இதன் முதல் போட்டியில் அமெரிக்கா மற்றும் கனடா அணிகள் மோதுகின்றன. 9 ஆவது டி20 உலகக் கோப்பை தொடரை அமெரிக்கா மற்றும் வெஸ்ட் இண்டீஸ் அணிகள் நடத்துகின்றன.

ஆனால், இந்த தொடரின் தொடக்க விழா ஜூன் 2 ஆம் தேதி நடைபெறும் 2ஆவது போட்டிக்கு முன்னதாக நடைபெற இருக்கிறது. இதில், வெஸ்ட் இண்டீஸ் மற்றும் பப்புவா நியூ கினியா அணிகள் மோதுகின்றன. இந்தப் போட்டியானது கயானாவில் நடைபெறுகிறது. இந்தப் போட்டிக்கு முன்னதாக தொடக்க விழா நடைபெறுகிறது.

முதல் முறையாக அமெரிக்கா மண்ணில் டி20 உலகக் கோப்பை தொடர் நடத்தப்படுகிறது. நேற்று நியூயார்க்கில் தரையிறங்கிய விராட் கோலி, தனது வாழ்க்கையில் ஒரு கட்டத்தில் அமெரிக்காவில் கிரிக்கெட் விளையாடுவேன் என்று நினைத்து கூட பார்க்கவில்லை என்று கூறினார்.

டி20 உலகக் கோப்பை 2024 தொடக்க விழா எங்கு, எப்போது நடைபெறும்?

டி20 உலகக் கோப்பை 2024 தொடகக் விழா ஜூன் 2 ஆம் தேதி மாலை 6 மணிக்கு (உள்ளூர் நேரப்படி காலை 8.30 மணிக்கு) நடைபெறும். போட்டியானது இரவு 8 மணிகு தொடங்குகிறது (உள்ளூர் நேரப்படி காலை 10.30 மணி).

T20 உலகக் கோப்பை 2024 தொடக்க விழாவில் யார் யார் கலந்து கொள்வார்கள்?

வெஸ்ட் இண்டீஸை சேர்ந்த டிஜேக்கள், பின்னணி பாடகர்கள் என்று பலரும் கலந்து கொள்ள இருக்கின்றனர். இதற்கான பட்டியலில் டேவிட் ரடர், ரவி பி, எர்பான் ஆல்வ்ஸ், டிஜே அனா மற்றும் ஆல்ட்ரா ஆகியோர் கலந்து கொள்ள இருக்கின்றனர்.

T20 உலகக் கோப்பை 2024 தொடக்க விழாவின் நேரடி ஒளிபரப்பை எப்படிப் பார்ப்பது?

இந்த தொடரை ஸ்டார் ஸ்போர்ட்ஸ் நெட்வொர்க் மற்றும் அதன் நேரடி ஸ்ட்ரீமிங் செயலியான ஹாட் ஸ்டாரில் நேரடியாக இலவசமாக பார்க்கலாம்.