Siddharth weds Aditi Rao Hydari : நடிகை அதிதி ராவை இரண்டாவது திருமணம் செய்துகொண்டார் நடிகர் சித்தார்த்
தமிழ் சினிமாவில் சக்சஸ்புல் ஹீரோவாக வலம் வரும் நடிகர் சித்தார்த், தன்னுடைய நீண்ட நாள் காதலியான அதிதி ராவை கரம்பிடித்து உள்ளார்.
siddharth and aditi rao
தமிழ் சினிமாவில் வித்தியாசமான கதையம்சம் கொண்ட படங்களை தேர்ந்தெடுத்து நடித்து வருபவர் சித்தார்த். ஷங்கர் இயக்கிய பாய்ஸ் படம் மூலம் அறிமுகமான இவர் பாய்ஸ் படத்தில் நடிக்கும் போதே மேக்னா என்பவரை திருமணம் செய்துகொண்டார். திருமணமாகி நான்கு ஆண்டுகள் மட்டுமே சேர்ந்து வாழ்ந்த இந்த ஜோடி கடந்த 2007-ம் ஆண்டு விவாகரத்து செய்து பிரிந்தனர்.
மேக்னாவை பிரிந்த பின்னர் நடிகை சமந்தா மீது காதல் வயப்பட்ட சித்தார்த், அவருடன் நெருங்கி பழகி வந்தார். ஆனால் இந்த ஜோடி திருமணம் செய்யும் முன்னரே பிரேக் அப் செய்து பிரிந்துவிட்டனர். இதையடுத்து சினிமாவில் கவனம் செலுத்து வந்த சித்தார்த் தமிழ், தெலுங்கு என இரு மொழிகளிலும் பிசியாக நடித்து வந்தார்.
இதையும் படியுங்கள்...Ramcharan : பிறந்தநாளன்று பேமிலியோடு திருப்பதி கோவிலுக்கு விசிட் அடித்த ராம்சரண் - வைரலாகும் போட்டோஸ்
இதனிடையே கடந்த சில ஆண்டுகளாக நடிகை அதிதி ராவ் ஹைடரி உடன் பழக்கம் ஏற்பட்டு பின்னர் இருவரும் காதலிக்க தொடங்கினர். ஒரு கட்டத்தில் லிவ்விங் டுகெதராக வாழ்ந்து வந்த இந்த ஜோடி, திருமணம் பற்றி வாய்த்திறக்காமல் இருந்து வந்தது. இதனால் இவர்களது திருமணம் பற்றி அடிக்கடி கேள்விகள் முன் வைக்கப்பட்டு வந்தன.
இந்த நிலையில், நடிகர் சித்தார்த் - அதிதி ராவ் ஜோடி சைலண்டாக இன்று திருமணம் செய்துகொண்டுள்ளனர். இவர்களது திருமணம் தெலங்கானாவில் உள்ள வனபர்த்தியில் நடைபெற்றதாக கூறப்படுகிறது. இவர்களது திருமணத்தில் நெருங்கிய உறவினர்கள் மற்றும் நண்பர்கள் மட்டுமே கலந்துகொண்டதாக கூறப்படுகிறது.
இதையும் படியுங்கள்...ஸ்ருதி ஹாசனுடன் கட்டி பிடித்து ரொமான்ஸ் செய்த லோகேஷ் கனகராஜ்..! நடிகை ஆண்ட்ரியா ரியாக்ஷன் என்ன தெரியுமா?