சித்தா வெற்றிக்கு பின் சிவகார்த்திகேயன் உடன் இணைந்த சித்தார்த்... அயலானில் இப்படி ஒரு வேலை பார்த்துள்ளாரா?

நடிகர் சிவகார்த்திகேயன் நடிப்பில் உருவாகி உள்ள திரைப்படம் அயலான். கடந்த 2017-ம் ஆண்டே தொடங்கப்பட்ட இப்படம் கிட்டத்தட்ட 7 ஆண்டுகளுக்கு பின் ரிலீசுக்கு தயாராகி உள்ளது. இப்படத்தை இன்று நேற்று நாளை படத்தின் இயக்குனர் ரவிக்குமார் இயக்கி உள்ளார். இப்படத்தில் சிவகார்த்திகேயனுக்கு ஜோடியாக ரகுல் ப்ரீத் சிங் நடித்துள்ளார். மேலும் யோகிபாபு, கருணாகரன் ஆகியோர் முக்கிய கதாபாத்திரத்தில் நடித்துள்ளனர்.

அயலான் திரைப்படம் வருகிற பொங்கல் பண்டிகைக்கு திரைக்கு வர உள்ளது. இப்படத்திற்கான இறுதிக்கட்ட பணிகள் தற்போது முழுவீச்சில் நடைபெற்று வருகிறது. இப்படத்தின் இசைவெளியீட்டு விழா வருகிற டிசம்பர் 26-ந் தேதி நடைபெற இருக்கிறது. இந்த நிலையில் இப்படத்தில் சிவகார்த்திகேயன் உடனே பயணிக்கும் ஏலியன் கதாபாத்திரத்திற்கு குரல் கொடுத்துள்ள பிரபலம் யார் என்கிற சர்ப்ரைஸ் தகவலை படக்குழு வெளியிட்டு உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

அவர் வேறுயாருமில்லை, அண்மையில் சித்தா என்கிற பிளாக்பஸ்டர் ஹிட் படத்தை கொடுத்த நடிகர் சித்தார்த் தான் அந்த ஏலியன் கேரக்டருக்கு வாய்ஸ் ஓவர் கொடுத்துள்ளாராம். இவர் இதற்கு முன்னர் தி லயன் கிங் திரைப்படத்தின் தமிழ் டப்பிங்கில் சிம்பா கேரக்டருக்கு டப்பிங் கொடுத்திருந்தார். அதன்பின்னர் அவர் டப்பிங் கொடுத்துள்ளது இந்த படத்துக்கு தான். இதற்கு முன்னர் சிவகார்த்திகேயன் சித்தார்த் படத்துக்கு டப்பிங் கொடுத்திருக்கிறார்.

சித்தார்த் நடிப்பில் வெளிவந்த ஓ மை பிரண்ட் என்கிற தெலுங்கு படத்தை தமிழில் டப் செய்தது சிவாகர்த்திகேயன் தான். அதுமட்டுமின்றி சிவகார்த்திகேயன் நடிப்பில் கடைசியாக வெளிவந்த மாவீரன் படத்தில் நடிகர் விஜய் சேதுபதி வாய்ஸ் ஓவர் கொடுத்திருந்தது அப்படத்திற்கு பலமாக அமைந்த நிலையில், அயலான் படத்திற்கு சித்தார்த்தின் குரலும் பலம் சேர்க்கும் என எதிர்பார்க்கப்படுகிறது.

இதையும் படியுங்கள்... நான் அவன் இல்லை.... பேஸ்புக் பக்கம் முடக்கப்பட்டதா? பதறிப்போய் விளக்கம் அளித்த லோகேஷ் கனகராஜ்..!