இந்த சீனெல்லாம் இங்க செல்லாது; நீங்கதான் அம்பானி பேமிலியாச்சே சம்பளபாக்கிய கொடு- ஞானவேலை எச்சரித்த சமுத்திரகனி

பருத்திவீரன் பட பஞ்சாயத்து நாளுக்கு நாள் பெரிதாகிக் கொண்டே செல்லும் நிலையில், ஞானவேல் ராஜா மன்னிப்பு கேட்டதை விமர்சித்து சமுத்திரக்கனி அறிக்கை வெளியிட்டுள்ளார்.

gnanavel raja, samuthirakani

பருத்திவீரன் படம் ரிலீசாகி 15 ஆண்டுகள் ஆன பின்னர் அப்படத்தின் பிரச்சனை மீண்டும் விஸ்வரூபம் எடுத்துள்ளது. சமீபத்தில் யூடியூப் சேனலுக்கு பேட்டி அளித்த தயாரிப்பாளர் ஞானவேல் ராஜா, இயக்குனர் அமீரை திருடன் எனக்கூறி அவரைப்பற்றி தரக்குறைவாக விமர்சித்து இருந்தார். இதனால் கொந்தளித்த அமீரின் திரையுலக நண்பர்களான சமுத்திரக்கனி, சசிக்குமார் ஆகியோர் ஞானவேல் ராஜாவின் பேச்சுக்கு கடும் கண்டனம் தெரிவித்தனர்.

gnanavel raja, Ameer

இந்த நிலையில், தான் அமீர் மனதை புண்படுத்தும் வகையில் பேசி இருந்தால் தான் மன்னிப்பு கேட்டுக்கொள்வதாக ஞானவேல் ராஜா நேற்று ஒரு அறிக்கை வெளியிட்டு இருந்தார். இதைப்பார்த்த சசிக்குமார், போலியான வருத்தத்திற்கு உண்மையை பலி கொடுக்க முடியாது எனக்கூறியதோடு சரமாரி கேள்விகளையும் எழுப்பி இருந்தார். இந்த நிலையில், இயக்குனர் சமுத்திரக்கனி, ஞானவேல் ராஜாவின் மன்னிப்பை ஏற்க முடியாது என்றும் பொதுவெளியில் மன்னிப்பு கேட்க வேண்டும் எனவும் வலியுறுத்தி அறிக்கை ஒன்றை வெளியிட்டு உள்ளார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Samuthirakani statement about paruthiveeran issue

அதில், “பிரதர்... இந்த வருத்தம் தெரிவிக்கிற சீனெல்லாம் இங்க செல்லாது... நீங்க செய்ய வேண்டியது. எந்த பொதுவெளியில எகத்தாளமா உக்காந்து கிட்டு அருவருப்பான உடல் மொழியால சேற்ற வாரி இறைச்சிங்களோ... அதே பொது வெளியில் பகிரங்கமா மன்னிப்பு கேக்கணும்..! நீங்க கொடுத்த அந்த கேவலமான, தரங்கெட்ட இன்டெர்வியூ-வை சமூக வலைதளங்களில் இருந்து துடைச்சு தூர எறியணும்...!

samuthirakani

அன்னைக்கு கொடுக்காம ஏமாத்திட்டுப் போன பணத்தை ஒத்த பைசா பாக்கி இல்லாம திருப்பிக் கொடுக்கணும். ஏன்னா... கடனா வாங்குன நிறைய பேருக்கு திருப்பிக் கொடுக்க வேண்டியது இருக்கு... அப்புறம் "பருத்திவீரன்" திரைப்படத்தில வேலை பார்த்த நடிகர்கள், தொழில்நுட்ப கலைஞர்கள் பல பேருக்கு இன்னும் சம்பள பாக்கி இருக்கு. பாவம்... அவங்கெல்லாம் எளிமையான குடும்பத்துல இருந்து வந்து வேல பாத்தவங்க... நீங்கதான். "அம்பானி பேமிலியாச்சே..!" காலம் கடந்த நீதி..! மறுக்கப்பட்ட நீதி..!” என குறிப்பிட்டுள்ளார் சமுத்திரக்கனி.

இதையும் படியுங்கள்... ஜஸ்ட் மிஸ்... அபிராமியிடம் தப்பித்த தீபாவுக்கு காத்திருக்கும் அடுத்த சிக்கல்- கார்த்திகை தீபம் சீரியல் அப்டேட்