பெற்றோருக்கு அடங்காத பிள்ளைகளை எப்படி வழிக்கு கொண்டு வருவது? சில டிப்ஸ் இதோ..

குழந்தை வளர்ப்பு என்பது அவ்வளவு எளிதான விஷயம் இல்லை, ஒரு சவாலான பணி என்றே சொல்லலாம். குறிப்பாக பெற்றோர் சொல்லை கேட்காத கீழ்ப்படியாத குழந்தைகளுக்கு நல்ல பழக்க வழக்கங்களை கற்று கொடுப்பது அத்தகைய சவாலான விஷயம் தான். இதற்கு பொறுமையும், புத்திசாலித்தனமும் முக்கியம். 

உங்கள் குழந்தை எதிர்மறை விஷயங்களை செய்யும் போது அல்லது தவறு செய்யும் போது மட்டும் தண்டனை வழங்குவதை விட, அவர்கள் நேர்மறை விஷயங்களை செய்யும் போது அதனை பாராட்டவும் வெகுமதி அளிக்கவு முயற்சிக்கவும். கீழ்ப்படியாத குழந்தைகளுக்கு பாடம் கற்றுக்கொடுக்க பெற்றோருக்கு உதவும் சில டிப்ஸ் குறித்து இந்த பதிவில் பார்க்கலாம்.

மற்றவர்களின் உணர்ச்சிகளுக்கு மதிப்பளிக்க வேண்டும் என்று உங்கள் பிள்ளைகளுக்கு கற்றுக்கொடுப்பதன் மூலம் உங்கள் பிள்ளையில் இரக்கத்தையும் கருணையையும் ஊக்குவிக்கவும். இது சமூக ரீதியாக மிகவும் திறமையானவர்களாகவும், அவர்களின் செயல்களின் விளைவுகளைப் பற்றிய சிறந்த விழிப்புணர்வைப் பெறவும் உதவும்.

ஒவ்வொரு செயலும் சாதகமான மற்றும் பாதகமான விளைவுகளை ஏற்படுத்தும் என்பதை உங்கள் குழந்தைக்கு புரிய வையுங்கள். அவர்கள் செய்யும் செயல்கள் தங்களுக்கும் மற்றவர்களுக்கு என்ன விதமான தாக்கத்தை ஏற்படுத்துகிறது என்பதை கருத்தில் கொள்ள அவர்களுக்கு சொல்லிக்கொடுங்கள். மேலும் உங்கள் குழந்தையின் செயல்களுக்கு அவர்கள் தான் பொறுப்பேற்க வேண்டும் என்பதை புரிய வையுங்கள். 

உங்கள் பிள்ளைகளுக்குச் சிக்கல்களைத் தீர்க்கும் நுட்பங்களை கற்றுக் கொடுங்கள். சமாளிக்கும் திறன் இல்லாதது அல்லது விரக்தியே கீழ்படியாத நடத்தைக்கு அடிப்படைக் காரணமாக இருக்கலாம் என்பதை உணர அவர்களுக்கு உதவுங்கள். பிரச்சனைகள் மற்றும் தடைகளைத் தீர்க்க மற்ற, மிகவும் ஆக்கபூர்வமான முறைகளைப் பற்றி சிந்திக்க கற்றுக்கொடுங்கள்.

கண்ணியமான மற்றும் நேர்மையான தகவல்தொடர்பு முறைகளை உங்கள் பிள்ளைக்கு கற்றுக்கொடுங்கள். உங்கள் பிள்ளைகளுக்கு அவர்களின் உணர்வுகளையும் யோசனைகளையும் தெரிவிக்க ஆரோக்கியமான வழிகளைக் கற்றுக் கொடுங்கள். பிரச்சனைகளை தீர்ப்பதிலும் ஆரோக்கியமான பிணைப்புகளை வளர்ப்பதிலும் தகவல்தொடர்புகளின் முக்கியத்துவத்தை அவர்களுக்கு புரிய வையுங்கள். மற்றவர்களை மதிக்க கற்றுக்கொடுங்கள். 

தாங்கள் எப்படி நடத்தப்பட வேண்டும் என்று உங்கள் பிள்ளைகள் விரும்புகிறார்களோ அதே போல் அவர்கள் மற்றவர்களை நடத்த வேண்டும் என்பதைக் கற்றுக் கொள்ள வேண்டும். மற்றவர்கள் சொல்வதைக் கேட்பது, சட்டத்திற்குக் கீழ்ப்படிவது, மற்றவர்களின் உணர்வுகளைக் கருத்தில் கொள்வது ஆகியவற்றின் மதிப்பை உங்கள் பிள்ளைக்கு தவறாமல் கற்றுக்கொடுங்கள்..