Manmadha Leelai OTT: ஓடிடியில் வெளியான மன்மத லீலை...இளசுகளை குஷியாக்கிய வெங்கட் பிரபுவின் குஜால் படம்...

மாநாடு திரைப்படத்தின் வெற்றியை தொடர்ந்து, வெங்கட் பிரபு மன்மத லீலை என்ற திரைப்படத்தை இயக்கி இருந்தார். ராக்போர்ட் முருகானந்தம் தயாரிப்பில் உருவான இந்த படத்தில் அசோக் செல்வன் ஹீரோவாக நடித்துள்ளார். 

பிரேம்ஜி இசையமைத்துள்ள, இந்த திரைப்படத்தில் அசோக் செல்வனுக்கு ஜோடியாக சம்யுக்தா ஹெக்டே, ஸ்மிருதி வெங்கட், ரியா சுமன் ஆகிய மூவரும் நடித்துள்ளனர். 

இந்த படத்திலிருந்து முன்னதாக வெளியான ட்ரைலர் கடும் விமர்சங்களுக்கு உள்ளது. பல்வேறு விமர்சனங்களை தாண்டி ஏப்ரல் 1 ம் தேதி திரையரங்குகளில் வெளியான மன்மத லீலை இளசுகளை பெரிதும் கவர்ந்தது. 

இருப்பினும் இந்த திரைப்படம், பீஸ்ட் மற்றும் கே ஜி எஃப் 2 திரைப்படங்கள் அடுத்தடுத்து வெளியானதால், திரையரங்குகளில் இருந்து விரைவில் நீக்கப்பட்டது. இருப்பினும், ரசிகர்கள் மத்தியில் வெவ்வேறான கருத்துக்களை பெற்று வருகிறது.

இதையடுத்து, படம் விரைவில் OTT தளத்தில் திரையிடப்படும் என்று அறிவிப்பு வெளியாகியிருந்தது. மன்மத லீலை' திரைப்படத்தின் OTT  உரிமத்தை ஆஹா ஓ.டி.டி தளம் பெற்றுள்ளது. 

இந்நிலையில், இளசுகளை குஷியாக்கும் வண்ணம் காதல், காமம் கலந்த ரொமான்ஸ் படமான மன்மத லீலை திரைப் படம், ஆஹா ஓடிடி தளத்தில் வெளியாகியுள்ளது.