விஸ்வரூபம் சாயலில் கமல்... பாரதியார் கவிதையுடன் பட்டைய கிளப்பும் மணிரத்னத்தின் KH234 பட போஸ்டர் இதோ

மணிரத்னம் இயக்கத்தில் கமல்ஹாசன் நடிக்க உள்ள KH234 படத்தின் டைட்டில் இன்று மாலை வெளியாக உள்ள நிலையில், தற்போது அதன் போஸ்டர் ஒன்று வெளியிடப்பட்டு உள்ளது.

KH234 movie

கமல்ஹாசன் நடிப்பில் அடுத்தடுத்து நான்கு படங்கள் தயாராகி வருகின்றன, அதில் ஒன்று தான் KH234. இது கமல்ஹாசனின் 234-வது படமாகும். இப்படத்தை மணிரத்னம் இயக்குகிறார். இப்படத்திற்கு ஏ.ஆர்.ரகுமான் இசையமைக்கிறார். அன்பறிவு ஆகியோர் இப்படத்தில் ஸ்டண்ட் மாஸ்டராக பணியாற்றி உள்ளனர். இப்படத்தின் டைட்டில் டீசர் ஷூட் கடந்த சில நாட்களாக சென்னையில் படமாக்கப்பட்டு வந்தது.

Kamal, Maniratnam

அந்த டைட்டில் டீசர் இன்று மாலை வெளியிடப்பட உள்ளது. நடிகர் கமல்ஹாசனின் பிறந்தநாள் நாளை கொண்டாடப்பட உள்ள நிலையில், அதற்கு பரிசாக இந்த டீசரை வெளியிட உள்ளனர் KH234 படக்குழுவினர். இந்த டைட்டில் டீசர் இன்று மாலை 5.30 மணிக்கு ரிலீஸ் செய்யப்பட உள்ளது. இந்த நிலையில், தற்போது அதையொட்டி KH234 படத்தின் ஸ்பெஷல் போஸ்டர் ஒன்றையும் படக்குழு வெளியிட்டு உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

KH234 movie title teaser

அந்த போஸ்டரில் நடிகர் கமல்ஹாசனின் முகத்தை சாக்கு போட்டு மூடிய நிலையில் இருக்கிறார். இதைப்பார்க்கும் போது விஸ்வரூபம் சாயலில் இருப்பதாக நெட்டிசன்கள் decode செய்து வருகின்றனர். அதுமட்டுமின்றி அந்த போஸ்டரில் பாரதியாரின் கவிதை ஒன்றையும் ஒளித்துவைத்துள்ளனர். அதை ஆராய்ந்து பார்த்ததில் பாரதியாரின் காலனுக்கு உரைத்தல் என்கிற கவிதை வரிகளைத்தான் அந்த போஸ்டர் முழுக்க பயன்படுத்தியிருப்பது தெரியவந்துள்ளது.

KH234 movie poster

இந்த பாரதியாரின் கவிதையை மையமாக வைத்து தான் KH234 படத்தின் டைட்டிலும் அமைந்திருக்கும் என எதிர்பார்க்கப்படுகிறது. நடிகர் கமல்ஹாசனும், இயக்குனர் மணிரத்னமும் ஏற்கனவே நாயகன் என்கிற மாஸ்டர் பீஸ் படத்தை கொடுத்துள்ளனர். அவர்கள் இருவரும் தற்போது 36 ஆண்டுகளுக்கு பின் மீண்டும் இணைந்துள்ளதால் KH234 படத்தின் மீதான எதிர்பார்ப்பு அதிகரித்த வண்ணம் உள்ளது.

இதையும் படியுங்கள்... பிளான் பண்ணி ரெட் கார்டு கொடுத்து ஒருத்தன் வாழ்க்கைய அழிச்சிருக்கீங்க! மாயா, பூர்ணிமாவை கிழித்தெடுத்த விசித்ரா