மனைவி மோனிகா டேவிட் உடன் காத்துவாக்குல காதல் செய்த கவின் - வைரலாகும் Valentines Day போட்டோஸ்

விஜய் டிவியில் ஒளிபரப்பான சரவணன் மீனாட்சி சீரியலில் வேட்டையனாக நடித்து மக்கள் மத்தியில் பிரபலமானவர் கவின். இதையடுத்து நட்புன்னா என்னனு தெரியுமா படம் மூலம் ஹீரோவாக அறிமுகமான கவினுக்கு மிகப்பெரிய திருப்புமுனையாக அமைந்தது பிக்பாஸ் நிகழ்ச்சி தான்.

பிக்பாஸ் நிகழ்ச்சியின் 3-வது சீசனில் போட்டியாளராக கலந்துகொண்ட கவினுக்கு, அந்நிகழ்ச்சி மூலம் ஏராளமான ரசிகர்களும் கிடைத்தனர். அந்நிகழ்ச்சியில் சக போட்டியாளரான லாஸ்லியாவை கவின் காதலித்தது மிகப்பெரிய அளவில் பேசப்பட்டது.

பிக்பாஸ் நிகழ்ச்சியின் போது உருகி உருகி காதலித்த கவின் - லாஸ்லியா ஜோடி, அந்நிகழ்ச்சி முடிந்ததும் பிரேக் அப் செய்து பிரிந்தனர். பிக்பாஸ் நிகழ்ச்சிக்கு பின்னர் கவினுக்கு சினிமாவில் ஹீரோவாக நடிக்கு வாய்ப்புகள் குவிந்தன.

அதன்படி லிஃப்ட் படத்தின் நடித்த அவர், அதன்பின்னர் டாடா என்கிற படத்தின் மூலம் பிளாக்பஸ்டர் வெற்றியை ருசித்தார். கவினின் கெரியரில் மிகப்பெரிய வெற்றிப்படமாக டாடா அமைந்தது. இப்படத்தை கணேஷ் பாபு என்பவர் இயக்கி இருந்தார்.

இதையும் படியுங்கள்... குட்டி நயன் உடன் ரொமான்ஸ் செய்த தனுஷ் மருமகன்! காதலர்தின ஸ்பெஷலாக வந்த ‘நிலவுக்கு என்மேல் என்னடி கோபம்’ Poster

டாடா படத்தின் வெற்றிக்கு பின்னர் கவினுக்கு கோலிவுட்டில் பட வாய்ப்புகள் அடுத்தடுத்து வந்த வண்ணம் உள்ளன. தற்போது பியார் பிரேமா காதல் படத்தின் இயக்குனர் இளன் இயக்கத்தில் ஸ்டார் என்கிற படத்தில் ஹீரோவாக நடித்து வருகிறார் கவின். இதுதவிர நடன இயக்குனர் சதீஷ் இயக்குனராக அறிமுகமாகும் படத்திலும் அவர் தான் ஹீரோவாக நடிக்கிறார். அப்படத்திற்கு அனிருத் இசையமைக்கிறார். 

இதனிடையே நடிகர் கவினின் திருமணம் கடந்த ஆண்டு நடந்து முடிந்தது. அவர் தன்னுடைய காதலியான மோனிகா டேவிட்டை கரம்பிடித்தார். இந்த ஜோடியின் திருமணத்தில் ஏராளமான திரைப்பிரபலங்களும் கலந்துகொண்டு வாழ்த்தினர்.

இந்த நிலையில், நடிகர் கவின் தன்னுடைய் காதல் மனைவி மோனிகா டேவிட் உடன் காதலர் தினத்திற்காக ஸ்பெஷல் போட்டோஷூட் ஒன்றை நடத்தி உள்ளார். அவர்கள் நடத்திய ரொமாண்டிக் போட்டோஷூட் புகைப்படங்கள் வைரலாகி வருகிறது.

இதையும் படியுங்கள்... காதலர் தினத்தன்று சிங்கிள் பசங்களுக்கு கவர்ச்சி விருந்து வைத்த தர்ஷா குப்தா... வைரலாகும் கிளாமர் கிளிக்ஸ்