புதிய சரித்திரம் படைத்த இந்தியா – 119 ரன்கள் எடுத்தும் பாகிஸ்தானை வீழ்த்தி சாதனை!

இந்தியா மற்றும் பாகிஸ்தான் அணிகளுக்கு இடையிலான டி20 உலகக் கோப்பை தொடரின் 19ஆவது போட்டி தற்போது நியூயார்க்கில் நடைபெற்று வருகிறது. இதில் டாஸ் வென்ற பாகிஸ்தான் கேப்டன் பாபர் அசாம் பவுலிங் தேர்வு செய்தார். அதன்படி இந்திய அணியில் ரோகித் சர்மா மற்றும் விராட் கோலி இருவரும் தொடக்க வீரர்களாக களமிறங்கினர்.

முதல் ஓவரில் 8 ரன்கள் எடுக்கப்பட்டதைத் தொடர்ந்து மழை குறுக்கீடு ஏற்பட்டது. இதையடுத்து சிறிது நேரத்திற்கு பிறகு மீண்டும் போட்டி தொடங்கப்பட்டது. இதில் விராட் கோலி 4 ரன்களில் ஆட்டமிழக்க, ரோகித் சர்மா 13 ரன்களில் நடையை கட்டினார். முதல் 6 ஓவர்களில் இந்திய அணி 2 விக்கெட்டுகளை இழந்து 50 ரன்கள் எடுத்திருந்தது.

நான்காவதாக வந்த அக்‌ஷர் படேல் 20 ரன்களில் ஆட்டமிழக்க, சூர்யகுமார் 7 ரன்களில் ஆட்டமிழந்தார். இதன் மூலமாக பாகிஸ்தானுக்கு எதிரான டி20 போட்டிகளில் சூர்யகுமார் யாதவ் முறையே 11, 18, 13, 15 மற்றும் 7 ரன்கள் மட்டுமே எடுத்துள்ளார். அடுத்து வந்த ஷிவம் துபே 3 ரன்களில் நடையை கட்டினார்.

கடைசியா சில போட்டிகளில் ஷிவம் துபே முறையே 0, 0, 21, 18, 7, 14, 0*, 3 என்று சொற்ப ரன்கள் மட்டுமே எடுத்திருக்கிறார். நிதானமாக விளையாடி வந்த ரிஷப் பண்ட் 42 ரன்கள் எடுத்து ஆட்டமிழந்தார். இவர் மட்டுமே அதிகபட்சமாக 42 ரன்கள் எடுத்துள்ளார். அடுத்து வந்த ரவீந்திர ஜடேஜா கோல்டன் டக் முறையில் ஆட்டமிழந்தார்.

துணை கேப்டன் ஹர்திக் பாண்டியா 7 ரன்களில் ஆட்டமிழக்கவே, ஜஸ்ப்ரித் பும்ராவும் கோல்டன் டக் முறையில் நடையை கட்டினார். கடைசியில் அர்ஷ்தீப் சிங் மற்றும் முகமது சிராஜ் ஓரளவு ரன்கள் எடுத்தனர். இறுதியில் அர்ஷ்தீப் சிங் 9 ரன்களில் ஆட்டமிழக்க 19 ஓவர்களில் அனைத்து விக்கெட்டுகளையும் இழந்து 119 ரன்கள் மட்டுமே எடுத்தது.

பவுலிங்கைப் பொறுத்த வரையில் பாகிஸ்தான் அணியில் நசீம் ஷா மற்றும் ஹரீஷ் ராஃப் தலா 3 விக்கெட்டுகள் எடுத்தனர். முகமது அமீர் 2 விக்கெட்டுகள் எடுக்கவே ஷாஹீன் அஃப்ரிடி ஒரு விக்கெட் எடுத்துக் கொடுத்தார்.

பின்னர் எளிய இலக்கை துரத்திய பாகிஸ்தான் அணியில் முகமது ரிஸ்வான் மற்றும் பாபர் அசாம் இருவரும் தொடக்க வீரர்களாக களமிறங்கி அதிரடி காட்டினர். இதில் 13 ரன்களில் பாபர் அசாம் ஆட்டமிழந்தார். அடுத்து வந்த உஸ்மான் கான் 13 ரன்களிலும், ஃபகர் ஜமான் 13 ரன்னிலும் ஆட்டமிழந்தனர்.

நிதானமாக விளையாடி வந்த ரிஸ்வானும் 31 ரன்களில் வெளியேறவே, ஷதாப் கான் 4, இஃப்திகார் அகமது 5, இமாத் வாசீம் 15 என்று வரிசையாக பாகிஸ்தான் வீரர்கள் நடையை கட்டினர். கடைசி ஓவரில் பாகிஸ்தான் வெற்றிக்கு 18 ரன்கள் தேவைப்பட்ட நிலையில், அந்த ஓவரில் ஒரு விக்கெட் உள்பட 11 ரன்கள் கொடுத்து அர்ஷ்தீப் சிங் சிறப்பாக வீசி இந்திய அணியின் வெற்றிக்கு வித்திட்டார்.

இறுதியாக பாகிஸ்தான் 20 ஓவர்களில் 7 விக்கெட்டுகள் இழந்து 113 ரன்கள் மட்டுமே எடுத்து 6 விக்கெட்டுகள் வித்தியாசத்தில் தோல்வி அடைந்துள்ளது. இந்த தோல்வியின் மூலமாக இந்தியாவிற்கு எதிராக 7ஆவது தோல்வியை பெற்றுள்ளது.

இந்தப் போட்டியில் 119 ரன்கள் எடுத்து வெற்றி பெற்றதன் மூலமாக இந்திய அணி புதிய சரித்திர சாதனை படைத்துள்ளது. இதற்கு முன்னதாக டி20 கிரிக்கெட்டில் இந்திய அணி குறைந்தபட்சமாக 139 ரன்கள் எடுத்து வெற்றி பெற்றிருந்தது.

120 vs பாகிஸ்தான் நியூயார்க், 2024 *

139 vs ஜிம்பாப்வே ஹராரே 2016

145 vs இங்கிலாந்து, நாக்பூர் 2017

147 vs வங்கதேசம், பெங்களூரு, 2016

டி20 உலகக் கோப்பையில் குறைவான் ரன்கள் எடுத்து வெற்றி பெற்ற அணிகள்:

120 இலங்கை vs நியூசிலாந்து சட்டோகிராம், 2014

120 இந்தியா vs பாகிஸ்தான், நியூயார்க் 2024 *

124 ஆப்கானிஸ்தான் vs வெஸ்ட் இண்டீஸ், நாக்பூர் 2016

127 நியூசிலாந்து vs இந்தியா நாக்பூர் 2016

129 தென் ஆப்பிரிக்கா vs நியூசிலாந்து லார்ட்ஸ் 2009

டி20 கிரிக்கெட்டில் பாகிஸ்தானுக்கு எதிரான குறைவான் ரன்கள் எடுத்து வெற்றி பெற்ற அணிகள்:

119 by ஜிம்பாப்வே, ஹராரே 2021

120 by இந்தியா, நியூயார்க் 2024 *

128 by ஆஸ்திரேலியா, மெல்போர்ன் 2010

130 by இங்கிலாந்து, அபுதாபி 2012

131 by ஜிம்பாப்வே, பெர்த், 2022

பவுலிங்கைப் பொறுத்த வரையில் இந்திய அணியில் ஜஸ்ப்ரித் பும்ரா 4 ஓவர்கள் வீசி 14 ரன்கள் கொடுத்து 3 விக்கெட்டுகள் கைப்பற்றினார். ஹர்திக் பாண்டியா 4 ஓவர்கள் வீசி 24 ரன்கள் கொடுத்து 2 விக்கெட்டுகள் எடுத்துள்ளார். அக்‌ஷர் படேல் மற்றும் அர்ஷ்தீப் சிங் தலா ஒரு விக்கெட் எடுத்தனர்.

பாகிஸ்தானுக்கு எதிரான போட்டியில் வெற்றி பெற்றதன் மூலமாக 2 வெற்றிகளுடன் இந்திய அணி புள்ளிப்பட்டியலில் முதலிடம் பிடித்துள்ளது. அதோடு நெட்ரன் ரேட்டிலும் முன்னிலையில் உள்ளது. அமெரிக்கா 2ஆவது இடத்திற்கு தள்ளப்பட்டுள்ளது. பாகிஸ்தான் சூப்பர் 8 சுற்றுக்கு செல்லும் வாய்ப்பை இழந்துள்ளது.