Washing Machine Tips : உங்க வீட்டு வாஷிங் மெஷினில் துர்நாற்றம் அடிக்குதா..? அப்ப இந்த பதிவு உங்களுக்கு தான்!
உங்கள் வாஷிங் மெஷினில் துர்நாற்றம் வராமல் இருக்க அதை எப்படி சுத்தம் செய்ய வேண்டும் என்பதை இப்போது பார்க்கலாம்..
இப்போதெல்லாம் வாஷிங் மெஷின் இல்லாத வீடுகளே இல்லை. சொல்ல போனால் இது மக்களின் வாழ்க்கையில் ஒரு அங்கமாகிவிட்டது. மேலும், இதில் துணி துவைப்பதால் அவர்களின் நேரம் மற்றும் பளு குறைகிறது. ஆனால் இதில் ஒரு மோசமான விஷயம் என்னவென்றால், பல அதில் துணியை துவைக்கிறார்களே தவிர, அதை ஒருபோதும் சுத்தம் செய்வதில்லை.
உங்களுக்கு தெரியுமா.. வாஷிங் மெஷினை மாதம் ஒரு முறையாவது சுத்தம் செய்யாவிட்டால், அதிலிருந்து துர்நாற்றம் வரும் மற்றும்
இயந்திரமும் சீக்கிரமே பழுதாகிவிடும். எனவே, உங்கள் வாஷிங் மெஷினில் துர்நாற்றம் வராமல் இருக்க அதை எப்படி சுத்தம் செய்ய வேண்டும் என்பதை இப்போது பார்க்கலாம்..
வினிகர்: முதலில், வாஷிங் மெஷின் டிரம்மில் வினிகரை ஊற்றி, அதை இயக்கவும். பிறகு, நேரம் முடிந்ததும், அரை கப் பேக்கிங் சோடாவை சேர்த்து மீண்டும் அதை இயக்கவும். பேக்கிங் சோடா இயந்திரத்தில் இருக்கும் அழுக்குகளை நீக்குகிறது. மற்றும் வினிகர் இயந்திரத்தில் உள்ள துர்நாற்றத்தை நீக்குகிறது.
எலுமிச்சை: வாஷிங் மெஷின் துர்நாற்றத்தை போக்க எலுமிச்சையை பயன்படுத்தலாம். இதற்கு எலுமிச்சை பழத்தை இரண்டு துண்டுகளாக வெட்டி வாஷிங் மெஷின் டிரம்மில் வையுங்கள். எலுமிச்சையில் இருக்கும் அமிலத்தன்மை கிருமிகளை அழிக்கும்.
டூத் பேஸ்ட்: வாஷிங் மெஷினை சுத்தம் செய்ய டூத் பேஸ்ட் பயன்படுத்தலாம். இதற்காக, டூத் பேஸை கரைசலாக எடுத்து கொள்ளுங்கள். பிறகு ஒரு பிரஸ் உதவியுடன், வாஷிங் மெஷின் சோப்பு தட்டு அல்லது கேஸ்கட்கள் போன்ற அழுக்கு பகுதிகளை சுத்தம் செய்யுங்கள்.
இதையும் படிங்க: வாஷிங் மெஷின் வாங்கும்போது இதை கவனிச்சுருக்கீங்களா?.. ஏன் அது கிலோ கணக்கில் கணக்கிடப்படுகிறது? முழு விவரம்!
சூடான நீர்: வாஷிங் மெஷினில் இருக்கும் துர்நாற்றத்தை போக்க சூடான நீரைப் பயன்படுத்தலாம். இதற்கு, சூடான நீரில் சோப்பு சேர்த்து அதை வாஷிங் மெஷினில் ஊற்றி 5 நிமிடங்கள் இயக்கவும். இப்படி செய்தால் இயந்திரத்தில் இருக்கும் பாக்டீரியாக்கள் அழிக்கப்படும்.
இதையும் படிங்க: துணி துவைக்கும் போது வாஷிங் மெஷினில் ஐஸ் போடுங்களே...அந்த அதிசயத்தை நீங்களே தெரிஞ்சிப்பீங்க..!!
வாஷிங் மெஷினில் துர்நாற்றம் வருவதற்கான காரணங்கள்: ஈரப்பதத்தால் ஏற்படும் பாக்டீரியாக்களால் தான் வாஷிங் மெஷினில் துர்நாற்றம் ஏற்படுகிறது. அதுமட்டுமின்றி, இயந்திரத்தில் தண்ணீர் கசிவு, துணி துவைப்பான் போன்றவற்றை சுத்தம் செய்யாததால் துர்நாற்றம் வீசுகிறது. எனவே, மேலே சொன்ன குறிப்புகளின் உதவியுடன் உங்கள் வாஷிங் மெஷின் டப்பை துர்நாற்றம் இல்லாமல் சுத்தமாக வையுங்கள்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D