மீன் வாங்கப் போறீங்களா..? அப்ப முதல்ல 'இத' தெரிஞ்சுக்கோங்க.. நல்ல மீன் வாங்கலாம்!

புதிய மற்றும் ஆரோக்கியமான உணவுகளை மட்டுமே சாப்பிட வேண்டும் என்று மருத்துவர்கள் சொல்வதை நீங்கள் எப்போதும் கேட்டிருப்பீர்கள். ஏனெனில், பழைய (அ) காலாவதியான உணவை உண்ணும் போது, பல சமயங்களில் அது சரியாக ஜீரணமாகாமல், செரிமான அமைப்பில் பிரச்சனைகள், வயிற்று வலி மற்றும் பல பிரச்சனைகள் ஏற்படுத்தும். எனவே, நீங்கள் எதையாவது சாப்பிடும் போதெல்லாம், ஆரோக்கியமான மற்றும் புதிதாக தயாரிக்கப்பட்ட உணவை மட்டுமே சாப்பிடுங்கள்.

உதாரணமாக, மீன் எடுத்துக்கொள்ளலாம். ஏனெனில், மீனில் நம் உடலுக்கு நன்மை செய்யும் சத்துக்கள் அதிகமாக இருந்தாலும், நீங்கள் சந்தையில் இருந்து மீன் வாங்கும்போது, அது நல்ல மீனா (அ) கெட்டுப்போனதா.. என்பதை உறுதி செய்வது மிகவும் முக்கியம். ஆனால், அதை எப்படி அடையாளம் காண்பது என்று தெரியவில்லையா..? பீதி அடைய வேண்டாம். நல்ல மற்றும் கெட்டுப் போன மீன்களை நீங்கள் அடையாளம் காணக்கூடிய சில முறைகள் பற்றி இந்த பதிவில் கொடுக்கப்பட்டுள்ளது. எனவே, அவற்றைப் பற்றி தெரிந்துகொள்ளலாம் வாருங்கள்.

தோற்றம்: நீங்கள் மீன் வாங்கும் போது எப்போதும் பிரகாசமான, தெளிவான, பளபளப்பான தோல் கொண்ட மீன்களை மட்டுமே வாங்குங்கள். மந்தமான அல்லது நிறம் மாறிய தோலைக் கொண்ட மீன்களை ஒருபோதும் வாங்காதீர். காரணம், இது வயதான அல்லது கெட்டுபோனதாகும்.

கண்கள்: மீனின் கண்கள் தெளிவாக இருந்தால் அது நல்ல மீன். அதுவே, வீங்கியதாகவும் மேகமூட்டம் போன்ற தோற்றத்தில் இருந்தால், அந்த மீன் நல்ல மீன் அல்ல..

வாசனை: மீன்களில் இருந்து வரும் வாசனையை வைத்து அதன் தரத்தைத் அறிந்துக்கொள்ளலாம். எப்படியெனில், நல்ல மீன்களில் இருந்து, சுத்தமான கடலின் வாசனை வரும். மீனில் இருந்து மோசமான (அ) துர்நாற்றம் வந்தால் அது கெட்டுப்போன மீன் ஆகும்.

அமைப்பு: புதிய (அ) நல்ல மீன்களின் சதை உறுதியாகவும், ஈரமாகவும் இருக்கும். அதுமட்டுமின்றி, அதை மெதுவாக அழுத்தும் போது கூட அது மீண்டும் அதன் பழைய நிலைக்கு வரும். இதுவே கெட்டுப்போனா மீனானது, உலர்ந்த, சதைப்பற்றுள்ள மற்றும் மெலிதான சதையைக் கொண்டிருக்கும்.

இதையும் படிங்க:  ராமநாதபுரத்தில் திடீரென அடுத்தடுத்து கரை ஒதுங்கிய 3 திமிங்கலங்கள்; அதிகாரிகள் துரித நடவடிக்கை

செவுள்கள்: மீன் வாங்கும் போது அதன் செவுள்களை பார்த்து வாங்குவது நல்லதும். எப்படியெனில், பிரகாசமான சிவப்பு அல்லது இளஞ்சிவப்பு நிறத்தில் இருந்தால் அது நல்ல மீன். மந்தமான அல்லது சாம்பல் நிறத்தில் மீனின் செவுள்கள் இருந்தால், அது கெட்டுபோன மீன். 

இதையும் படிங்க:  என்ன கருவாட்டில் இத்தனை நன்மைகள் இருக்கா...தெரிந்து கொள்வோம் வாங்க!

சதை: மீனின் சதை பளபளப்பாக ஒளி ஊடுருவக்கூடியதாகவும், நிறமாற்றம் அல்லது பிரவுனிங் இல்லாமலும் இருக்க வேண்டும். அதுமட்டுமின்றி, 
அதிகப்படியான திரவம் அல்லது உலர்ந்து போய் இல்லாமல் சதை ஈரமாக இருக்க வேண்டும். அதுதான் நல்ல மீன் என்பதற்கான அறிகுறி..

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D