Atlee Next Movie : கமலின் கால்ஷீட்டை கொத்தாக தூக்கிய அட்லீ... ஆண்டவரின் அடுத்த பட அப்டேட் இதோ

கோலிவுட்டில் பிசியான நடிகராக வலம் வருபவர் கமல்ஹாசன். அவர் நடிப்பில் தற்போது இந்தியன் 2 திரைப்படம் உருவாகி உள்ளது. ஷங்கர் இயக்கியுள்ள இப்படம் வருகிற ஜூலை 12-ந் தேதி திரைக்கு வர உள்ளது. இதைத்தொடர்ந்து மணிரத்னம் இயக்கும் தக் லைஃப் படத்திலும் நடித்து வருகிறார் கமல்ஹாசன். இப்படத்தில் கமலுடன் சிம்பு, அபிராமி, திரிஷா, ஐஸ்வர்யா என மிகப்பெரிய நட்சத்திர பட்டாளமே நடித்து வருகிறது.

தக் லைஃப் படத்தை தொடர்ந்து இந்தியன் 3-ம் பாகம், அன்பறிவு இயக்கத்தில் ஒரு படம், லோகேஷ் கனகராஜ் உடன் விக்ரம் 2 என கமலின் லைன் அப் நீண்டுகொண்டே செல்கிறது. இதனிடையே அண்மையில் இந்தியன் 2 பட புரமோஷனில் கலந்துகொண்ட இயக்குனர் அட்லீ, தான் கமலுடன் சேர்ந்து பணியாற்ற ஆசைப்படுவதாக தன்னுடைய விருப்பத்தை கூறினார். அவரின் ஆசை தற்போது நிறைவேற இருப்பதாக கூறப்படுகிறது.

இதையும் படியுங்கள்... திரிஷா முதல் அனிதா விஜயகுமார் வரை... பிரபலங்களின் வரவால் களைகட்டிய வரலட்சுமி சரத்குமாரின் சங்கீத் பங்க்‌ஷன்

அதன்படி அட்லீ இயக்கத்தில் உருவாக உள்ள பான் இந்தியா படத்தில் கமல்ஹாசன் நடிக்க உள்ளதாக பேச்சு அடிபடுகிறது. அட்லீயின் அடுத்த படத்தில் சல்மான் கான் ஹீரோவாக நடிக்க உள்ளார் என்பது அனைவரும் அறிந்ததே. மேலும் இப்படத்தை சன் பிக்சர்ஸ் நிறுவனம் தயாரிக்க உள்ளதாகவும் கூறப்படுகிறது. இந்த படத்தில் தான் நடிகர் கமல்ஹாசன் முக்கிய கதாபாத்திரத்தில் நடிக்க உள்ளதாக தகவல்கள் தெரிவிக்கின்றன.

முதலில் இந்த ரோலில் ரஜினிகாந்த் நடிக்க உள்ளதாக கூறப்பட்ட நிலையில், தற்போது கமல்ஹாசன் நடிக்க உள்ளதாக தெரிகிறது. இப்படத்தின் படப்பிடிப்பை அடுத்த ஆண்டு துவக்க இருக்கிறாராம் அட்லீ, தற்போது அப்படத்திற்கான ஸ்கிரிப்ட் தயாரிக்கும் பணிகள் நடைபெற்று வருகிறது. இதுமட்டும் உறுதியானால் கமல்ஹாசனுடன் முதன்முறையாக அட்லீ இணையும் படமாக இது இருக்கும் என்பது குறிப்பிடத்தக்கது.

இதையும் படியுங்கள்... வணங்கானை போல் புறநானூறு படத்தில் இருந்து திடீரென விலகிய சூர்யா; அவர் இடத்தை Replace செய்யப்போகும் நடிகர் இவரா?