வயசு வெறும் நம்பர் கண்ணா.. நாங்க எப்போவுமே டாப் - 55 வயதை கடந்தாலும் வசூலில் மாஸ் காட்டும் இந்திய நடிகர்கள்!

இந்திய திரை உலகில் பல சூப்பர் ஹிட் நடிகர்கள் 55 வயதை கடந்து பயணித்து வந்தாலும், இன்றளவும் இளம் நடிகர்களுக்கு இணையாக தங்கள் படங்களின் மூலம் வசூல் சாதனையை செய்து வருகின்றனர் அவர்கள் பற்றி இந்த பதிவில் காணலாம்.

Tollywood Super Star Chiranjeevi

தெலுங்கு திரை உலகில் கடந்த 45 ஆண்டுகளுக்கும் மேலாக சிறந்த நடிகராக வலம் வருபவர் தான் தெலுங்கு திரை உலக சூப்பர் ஸ்டார் சிரஞ்சீவி அவர்கள் தற்பொழுது 68 வயதாகும் சிரஞ்சீவி அவர்கள் கடந்த 1978 ஆம் ஆண்டு முதல் நடித்து வருகிறார் இன்றளவும் அவரது படங்கள் கோடிகளில் வசூல் செய்வது குறிப்பிடத்தக்கது.

Mollywood Super Star Mohanlal

மலையாள நடிகர் மோகன்லால் கேரளாவில் கடந்த 1960ம் ஆண்டு பிறந்தவர், 63 வயது நிரம்பியுள்ள அவர் 1977 மற்றும் 1978ம் ஆண்டு கேரள மாநிலத்தில் நடந்த மல்யுத்த போட்டியில் சாம்பியன் பட்டம் வென்றவர் என்பது குறிப்பிடத்தக்கது. மலையாளம் மட்டுமின்றி இந்திய சினிமாவில், பல மொழிகளில் இவர் முன்னணி நாயகனாக வளம் வருவது குறிப்பிடத்தக்கது. இவருடைய திரைப்படங்களும் பல கோடி ரூபாய்கள் வசூல் செய்து வருகிறது.

Bollywood Batcha Shah Ruk Khan

பாலிவுட் உலகின் பாட்ஷா என்று அழைக்கப்படும் சாருக் கான் தனது 57வது வயதில் பயணித்து வருகிறார். "The Face of Indian Cinema" என்று போற்றப்படும் ஷாருக்கான், சிறு வயது முதல் கஷ்டப்பட்டு இன்று இந்த நிலைக்கு உயர்ந்துள்ளார் என்பது குறிப்பிடத்தக்கது. இன்றளவும் பாலிவுட்டில் பல இளம் நாயகர்கள் பலர் வளம் வரும் அதே நேரத்தில் தனக்கென தனி சாம்ராஜ்ஜியத்தை அமைத்து பயணித்து வரும் ஒரு சிறந்த நடிகர் அவர். இவருடைய படங்களும் பல கோடிகளில் வசூல் செய்து வருவது குறிப்பிடத்தக்கது.

Universal Hero Kamalhaasan

உலக நாயகன் கமல்ஹாசன், இந்திய சினிமாவின் மணிமகுடமாக திகழ்ந்து வருகிறார். இதுவரை இந்திய சினிமாவோ அல்லது உலக சினிமாவோ கண்டிராத ஒரு ஒப்பற்ற கலைஞனாக திகழ்ந்துவரும் உலக நாயகன் கமல்ஹாசன் அவர்கள், இந்திய சினிமாவில் பல புரட்சிகளை ஏற்படுத்திய ஒரு மிகச்சிறந்த நடிகர் ஆவார். அண்மையில் வெளியான இவருடைய விக்ரம் திரைப்படம் உலக அளவில் பல நூறு கோடி ரூபாய்களை வசூல் செய்தது.

Super Star Rajinikanth

இந்திய மற்றும் உலக சினிமாவில் பல சூப்பர் ஸ்டார்கள் இருந்து வரும் நிலையில், தமிழ் மக்களை பொருத்தவரை அன்றிலிருந்து இன்று வரை ஒரே சூப்பர் ஸ்டார் என்று கூறினால் அது சூப்பர் ஸ்டார் ரஜினிகாந்த் அவர்கள் மட்டும்தான். 72 வயதிலும் தனது ஜெயிலர் திரைப்படத்தின் மூலம் 500 கோடிக்கும் மேல் வசூல் செய்து சாதனை படைத்து வருகிறார். சுமார் 50 ஆண்டு காலமாக தமிழ் திரை உலகில் முன்னணி நட்சத்திரமாக பயணித்து வரும் அவர் இதுவரை 169 திரைப்படங்கள் நடித்திருப்பது குறிப்பிடத்தக்கது.