ஜவான் பட விழாவுக்கு நோ சொல்லிவிட்டு.. அம்பானி வீட்டு விழாவில் கலந்துகொள்ள ஓடோடி வந்த நயன்தாரா - ஷாக் ஆன ஷாருக்

தென்னிந்திய திரையுலகில் டாப் ஹீரோயினாக வலம் வருபவர் நயன்தாரா. இவர் அட்லீ இயக்கிய ஜவான் படம் மூலம் பாலிவுட்டிலும் அறிமுகமானார். அப்படத்தில் ஷாருக்கானுக்கு ஜோடியாக நடித்த நயன், முதல் படத்திலேயே பாரட்டுக்களை பெற்றதோடு, பாலிவுட் ரசிகர்கள் மனதிலும் இடம்பிடித்துள்ளார். நடிகை நயன்தாரா டாப் ஹீரோயினாக இருந்தாலும் அவர் மீது முன்வைக்கப்படும் விமர்சனங்களும் ஏராளம். அதில் ஒன்று தான் அவர் புரமோஷன் நிகழ்ச்சிகளை புறக்கணிப்பது.

ஒரு படத்தில் நடிப்பதை காட்டிலும் அதனை புரமோட் செய்வதன் மூலம் தான் அதன் பிசினஸும் வரவேற்பும் இருக்கும். அப்படி இருக்கையில், தான் நடிக்கும் படங்களின் புரமோஷனில் கலந்துகொள்ள மாட்டேன் என்கிற முடிவில் தீர்க்கமாக உள்ளார் நயன்தாரா. இதில் அவ்வப்போது அவர் தயாரிக்கும் படங்களுக்கு மட்டும் அந்த நோ புரமோஷன் பாலிசியை தளர்த்தி வருகிறார். 

இதையும் படியுங்கள்... நயன் முதல் ராஷ்மிகா வரை அம்பானி வீட்டில் குவிந்த ஸ்டார்ஸ்-காரணம் என்ன?

அண்மையில் பாலிவுட்டில் அறிமுகமான ஜவான் படத்தின் புரமோஷன் நிகழ்ச்சி சென்னையில் நடைபெற்றபோதும் கூட அதில் கலந்துகொள்ள மறுத்துவிட்டார் நயன். இதையடுத்து படம் வெளியாகி வெற்றிபெற்ற பின்னர், அதன் சக்சஸ் மீட் மும்பையில் நடத்தப்பட்டது. இதில் நயன்தாராவை தவிர பிரபலங்கள் அனைவரும் கலந்துகொண்டனர். இதிலும் நயன் ஆப்செண்ட் ஆனது படக்குழுவை சற்று அப்செட் ஆக்கியதாக கூறப்படுகிறது.

இந்த நிலையில், மும்பையில் தொழிலதிபர் அம்பானி விநாயகர் சதுர்த்தி கொண்டாட்டத்திற்காக பிரபலங்கள் அனைவரையும் தன்னுடைய வீட்டிற்கு அழைத்து இருந்தார். இதையடுத்து மும்பையில் உள்ள அம்பானி வீட்டிற்கு கோலிவுட் முதல் பாலிவுட் வரை ஏராளமான பிரபலங்கள் அணிவகுத்து வந்து கலந்துகொண்டனர்.

இந்த விழாவில் நடிகை நயன்தாராவும், தன்னுடைய காதல் கணவர் விக்னேஷ் சிவன் உடன் வந்து கலந்துகொண்டார். ஜவான் பட விழாவுக்கு நோ சொல்லிவிட்டு அம்பானி அழைத்ததும் ஓடோடி வந்து நயன்தாரா கலந்துகொண்டது விவாத பொருளாக மாறி உள்ளது. இந்த விழாவில் கலந்துகொண்ட ஜவான் பட நாயகன் ஷாருக்கான், நயன்தாராவின் வருகையால் ஷாக் ஆனதாகவும் பாலிவுட் வட்டாரத்தில் கூறப்படுகிறது.

இதையும் படியுங்கள்... வலியால் துடித்த வாசன்... அரசு மருத்துவமனையில் அனுமதி! டிடிஎப்-ஐ பார்க்க குவிந்த சின்னஞ்சிறு வாண்டுகள்