ரம்பாவின் மகனை தூக்கி கொஞ்சிய தளபதி! பல வருடங்களுக்கு பின் விஜய்யை சந்தித்த புகைப்படங்களை பகிர்ந்த நடிகை!
நடிகை ரம்பா, பல வருடங்களுக்கு பின்னர் தளபதி விஜய்யை... கணவர் மற்றும் குழந்தைகளுடன் சென்று சந்தித்துள்ளார். இது குறித்த போட்டோஸ் தற்போது வைரலாகி வருகிறது.
Follow90களில் முன்னணி நடிகையாக வலம் வந்தவர் ரம்பா. ஆந்திர மாநிலம் விஜயவாடாவை சேர்ந்த ரம்பா முதலில் அறிமுகமானது தெலுங்கு படங்களாக இருந்தாலும், பின்னர் தமிழ், ஹிந்தி, கன்னடம், மலையாளம், பெங்காலி, போஜ்புரி, ஆங்கிலம், உள்ளிட்ட மொழிகளில் இதுவரை சுமார் 100-க்கும் மேற்பட்ட படங்களில் நடித்துள்ளார்.
தன்னுடைய 16 வயதிலேயே, தெலுங்கில் 1992 ஆம் ஆண்டு ஹீரோயினாக அறிமுகமான ரம்பா, இதைத் தொடர்ந்து 1993-ஆம் ஆண்டு தமிழில் நடிகர் பிரபு நடித்த 'உழவன்' படத்தில் சிறப்பு தோற்றத்தில் நடித்திருந்தாலும், இவருக்கு தமிழில் மிகப்பெரிய பிரேக் கொடுத்தது என்றால் அது 1996 ஆம் ஆண்டு, இயக்குனர் சுந்தர் சி இயக்கத்தில் கார்த்திக்கிற்கு ஜோடியாக நடித்த 'உள்ளத்தை அள்ளித்தா' திரைப்படம் தான்.
இந்த ஒரே படத்தின் மூலம் ஒட்டுமொத்த கோலிவுட் ரசிகர்களையும் கவர்ந்த ரம்பா, பின்னர் செங்கோட்டை, சுந்தர புருஷன், சிவசக்தி, அருணாச்சலம், ராசி, விஐபி, பூமகள் ஊர்வலம், மின்சார கண்ணா, சுயம்வரம், அன்புடன், ஆனந்தம், போன்ற ஏராளமான படங்களில் நடித்தார். குறிப்பாக விஜய், அஜித், ரஜினிகாந்த், விஜயகாந்த் போன்ற பல முன்னணி நடிகர்களுடன் இணைந்து நடித்துள்ளார். பட வாய்ப்புகள் குறைய துவங்கிய பின்னர், கடந்த 2010 ஆம் ஆண்டு இலங்கையைச் சேர்ந்த தொழிலதிபர் இந்திரகுமார் பத்மநாதன் என்பவரை திருமணம் செய்து கொண்டு செட்டில் ஆன ரம்பா, திருமணத்திற்கு பின்னர் முழுமையாக திரையுலகில் இருந்து விலகினார்.
2017 முதல் 2019 வரை சில தொலைக்காட்சி நிகழ்ச்சிகளில் நடுவராக இருந்த நிலையில், பின்னர் கணவருடன் கனடாவில் செட்டில் ஆனார். தற்போது இவருக்கு இரண்டு பெண் குழந்தைகள் மற்றும் ஒரு ஆண் குழந்தை உள்ளது. குடும்பத்தை கவனித்து கொள்வதிலும், குழந்தை வளர்ப்பிலும் பிசியாக இருக்கும் ரம்பா, 6 மாதத்திற்கு ஒருமுறை விடுமுறையை கழிக்க இந்தியா வருவதை வழக்கமாக வைத்துள்ளார். அப்படி வரும்போதெல்லாம் தன்னுடைய திரையுலக தோழிகள், நண்பர்களை சந்திப்பதை வழக்கமாக வைத்துள்ளார். அடிக்கடி இது குறித்த புகைப்படங்களையும் தன்னுடைய சமூக வலைத்தளத்தில் வெளியிடுவார்.
அந்த வகையில் தற்போது பல வருடங்களுக்குப் பின்னர், நடிகர் விஜயை ரம்பா குடும்பத்துடன் சென்று சந்தித்துள்ளார். அப்போது எடுக்கப்பட்ட புகைப்படங்கள் சமூக வலைதளத்தில் வெளியாகி வைரலாகி வருகிறது. விஜய் ரம்பாவின் மகனே தூக்கி வைத்து, கொஞ்சுவதும் இந்த புகைப்படத்தில் இடம் பெற்றுள்ளது குறிப்பிடத்தக்கது.
சேனலை கிளிக் செய்து பின்தொடரவும்
