2026ல் விஜயின் தவெகவுக்கு செக்.. கமல் உடன் திமுக போட்ட பிளான்.. குறுக்கே வந்த பாஜக + நாதக கூட்டணி..

தமிழகத்தில் உள்ள 39 மக்களவைத் தொகுதிகளிலும் அமோக வெற்றி பெற்றுள்ளது ஆளும் திமுக-காங்கிரஸ் கூட்டணி. அதிமுக, பாஜக, நாம் தமிழர் ஆகிய கட்சிகள் ஒரு இடத்தில் கூட வெற்றிபெறவில்லை. இந்த நிலையில் 2026-ல்  நடைபெற உள்ள சட்டமன்ற தேர்தல் குறித்து தமிழகத்தில் உள்ள அனைத்து கட்சிகளும் தீவிரமாக காய் நகர்த்தி வருகின்றன.

தற்போது நடிகர் விஜய்யின் தமிழக வெற்றி கழகமும் இறங்கியுள்ளதால் தமிழக அரசியல் களம் தற்போதே சூடுபிடித்துள்ளது என்று சொல்லலாம். அந்த அளவுக்கு 2026ல் எந்த கட்சி ஆட்சியை பிடிக்கும் என்ற விவாதங்கள் எழுந்துள்ளது. ஆளும் கட்சியான திமுக புதிய வியூகங்களுடன் களமிறங்கும் என்று எதிர்பார்க்கப்படுகிறது.

இதன் ஒரு பகுதியாக திமுக கூட்டணியில் கமல்ஹாசனின் மக்கள் நீதி மையம் (எம்என்எம்) கட்சியை வைத்து திராவிட முன்னேற்ற கழகம் முக்கிய பிளானை போடுவதாக கூறுகின்றனர். 2018-ல் அரசியல் கட்சியை நிறுவிய நடிகர் கமல்ஹாசனால் 2021-ம் ஆண்டு நடந்த தமிழக சட்டசபை தேர்தலில் பெரிய அளவில் தாக்கத்தை ஏற்படுத்த முடியவில்லை.

மூன்றாவது கூட்டணி சார்பில் முதல்வர் வேட்பாளராக அறிவித்து, கோவை தெற்கு சட்டசபையில் போட்டியிட்ட கமல்ஹாசன் மற்றும் அக்கட்சியின் அனைத்து வேட்பாளர்களும் தோல்வியடைந்தனர். வரவுள்ள சட்டமன்ற தேர்தலில் விஜய்யின் செல்வாக்கை முறியடிக்க கமல்ஹாசனின் வருகை உதவும் என திமுக தலைவர்கள் கருதுகின்றனர்.

அதனால்தான் திமுக கூட்டணிக்குள் எம்என்எம் கட்சியும் கொண்டுவரப்பட்டதாக தெரிவிக்கின்றனர் முக்கிய அரசியல் புள்ளிகள். திமுக கூட்டணியில் சிபிஐ, சிபிஎம், விசிக, ம.தி.மு.க., இந்திய யூனியன் முஸ்லிம் லீக் (ஐ.யு.எம்.எல்.) ஆகிய கட்சிகள் தொடர்ந்து அங்கம் வகிக்கின்றன. இதில் காங்கிரஸ் கட்சியும், கமல்ஹாசன் கட்சியும் ஏற்கனவே இணைந்துள்ளது என்பது குறிப்பிடத்தக்கது.

எதிர்க்கட்சியான அதிமுக, தேமுதிக மற்றும் சில சிறிய கட்சிகளுடன் நடந்து முடிந்த மக்களவை தேர்தலை சந்தித்தது. அதேபோல பாஜக கூட்டணியில் பாமக, தமிழ் மாநில காங்கிரஸ், ஐஜேகே மற்றும் சரத்குமார் போன்றோர் இடம்பெற்றுள்ளனர். மற்றொரு பக்கம் நாம் தமிழர் கட்சி தனியே தனக்கென வாக்கு சதவீதத்தோடு சட்டமன்ற தேர்தலை எதிர்பார்த்து காத்திருக்கிறது.

சீமான் உடன் தளபதி விஜய் சேருவார் என்று ஒருபக்கம் கூறப்பட்டாலும், அவர் தவெகவின் கொள்கை, கோட்பாடு, சித்தாந்தம் போன்றவற்றை மக்களிடையே எடுத்து கூறி அதன்பிறகே எந்தவொரு கட்சியும் விஜயுடன் இணையும் என்று அரசியல் விமர்சகர்கள் கணிக்கின்றனர். இந்த நிலையில் ரஜினிக்கு அடுத்து வந்த கமல் திமுகவில் இருக்க, அடுத்தவொரு நடிகரான விஜய் எந்த பக்கம் இணைவார் அல்லது தனித்து களம் காண்பாரா? என்ற கேள்வியும் எழுப்புகின்றனர்.

சமீபத்தில் பாஜக மாநில தலைவர் அண்ணாமலை, 2026ல் கூட்டணி ஆட்சி அமையும் என்று கூறினார். ஒருவேளை அது விஜய் தலைமையிலான கூட்டணியை தான் குறிப்பிடுகிறாரோ என்ற கேள்வியும் எழுகிறது. எது எப்படியோ 2026 சட்டமன்ற தேர்தல் ஆனது மும்முனை போட்டியாகவோ அல்லது நான்கு முனை போட்டியாகவோ அமையும் என்பது இப்போதே தெளிவாக தெரிகிறது.

9 முறை அதிமுக தோல்வி.. ரத்தக்கண்ணீர் வடிக்கும் அதிமுக தொண்டர்கள்.! EPS-க்கு அதிர்ச்சி கொடுத்த கே.சி பழனிச்சாமி