தமிழக வெற்றிக் கழகத்தில் படுஜோராக நடக்கும் உறுப்பினர் சேர்க்கை.. 3 நாளில் இத்தனை லட்சம் பேர் இணைந்துள்ளார்களா?

நடிகர் விஜய்யின் தமிழக வெற்றிக் கழகத்தில் சேர்வதற்கான உறுப்பினர் சேர்க்கை ஆன்லைன் செயலி மூலம் படு ஜோராக நடைபெற்று வருகின்றது.

TVK APP

நடிகர் விஜய் கடந்த பிப்ரவரி மாதம் தமிழக வெற்றிக் கழகம் என்கிற அரசியல் கட்சியை தொடங்கினார். அக்கட்சி குறித்த அறிவிப்பை வெளியிட்ட கையோடு, தான் கைவசம் உள்ள படங்களில் நடித்து முடித்த உடன் சினிமாவை விட்டு விலகுவதாக அறிவித்தார். தற்போது கோட் படத்தில் நடித்து வரும் விஜய், அடுத்ததாக தன்னுடைய கடைசி படமான தளபதி 69-ல் நடித்து முடித்துவிட்டு முழுநேரமாக அரசியலில் இறங்க உள்ளார்.

Thalapathy Vijay

வருகிற நாடாளுமன்ற தேர்தலில் போட்டியிடப்போவதில்லை என்றும், 2026ம் ஆண்டு நடைபெற உள்ள சட்டமன்ற தேர்தல் தான் தங்கள் கட்சியின் இலக்கு என்பதை திட்டவட்டமாக அறிவித்த விஜய், தன்னுடைய கட்சியை பலப்படுத்தும் பணிகளையும் படிப்படியாக செய்து வருகிறார். அதன் ஒரு பகுதியாக தமிழக வெற்றிக் கழகத்தின் உறுப்பினர் சேர்க்கை கடந்த மார்ச் 8-ந் தேதி அதிகாரப்பூர்வமாக தொடங்கப்பட்டது.

இதையும் படியுங்கள்... ஹாய் மச்சான்ஸ்! உடல் எடையை குறைத்து பியூட்டி குயினாக... மீண்டும் ரியாலிட்டி ஷோவில் களமிறங்கிய நமீதா

TVK Membership APP

செயலி மூலம் விஜய் கட்சியின் உறுப்பினர் சேர்க்கை நடைபெற்று வருகிறது. இந்த செயலியை அறிமுகம் செய்து வைத்த நடிகர் விஜய், அதில் தன்னை முதல் உறுப்பினராக சேர்த்துக் கொண்டு, பின்னர் மக்கள் பயன்பாட்டுக்கு கொண்டு வந்தார். விஜய் அறிமுகம் செய்துவைத்த அந்த செயலி மூலம் தமிழக வெற்றிக் கழகத்தில் இணைய ஒரே நேரத்தில் லட்சக் கணக்கிலான ரசிகர்கள் குவிந்ததால், சர்வர் கிராஷ் ஆனது.

Tamilaga Vettri Kazhagam Vijay

இதையடுத்து அதனை சரிசெய்த பின்னர் தொடர்ந்து உறுப்பினர் சேர்க்கையானது நடைபெற்று வருகிறது. அந்த வகையில் தற்போது தமிழக வெற்றிக் கழகத்தின் செயலி மூலம் உறுப்பினர் சேர்க்கை தொடங்கி மூன்று நாட்கள் ஆகும் நிலையில், இதுவரை அதில் 50 லட்சம் பேர் உறுப்பினர்களாக சேர்ந்திருப்பதாக அக்கட்சியில் உறுப்பினர் சேர்க்கை துணைத் தலைவர் அதிகாரப்பூர்வமாக அறிவித்து இருக்கிறார். 2 கோடி பேரை உறுப்பினர்களாக சேர்க்க வேண்டும் என விஜய் இலக்கு நிர்ணயித்து உள்ளார் என்பது குறிப்பிடத்தக்கது.

இதையும் படியுங்கள்... கோவை ஈஷா மையத்தில் மஹாசிவராத்திரி.. கணவரோடு சென்று மெய்மறந்து தியானம் செய்த அமலா பால் - Latest Clicks!