இளம் வயது குந்தவையாக நடித்தது... இந்த சன் டிவி சீரியல் நடிகையின் மகளா? யாருனு தெரிஞ்ச ஷாக் ஆகிடுவீங்க!

'பொன்னியின் செல்வன்' படத்தில் இளம் வயது குந்தவையாக நடித்தவர், பிரபல சீரியல் நடிகையின் மகள் என்கிற விவரம் தற்போது வெளியாகி ரசிகர்களையே ஆச்சர்யப்படுத்தியுள்ளது. 

இயக்குனர் மணிரத்னம் இயக்கத்தில், கடந்த ஆண்டு வெளியாகி சூப்பர் ஹிட் வெற்றி பெற்று, சுமார் 500 கோடி வசூல் சாதனை செய்த... பொன்னியின் செல்வன் திரைப்படத்தின் இரண்டாம் பாகம் கடந்த வாரம் ஏப்ரல் 28ஆம் தேதி வெளியானது.

முதல் பாகத்தின் வெற்றியைத் தொடர்ந்து, இரண்டாம் பாகத்தின் மீதான எதிர்பார்ப்பு ரசிகர்கள் மத்தியில் அதிகமாகவே இருந்த நிலையில், அந்த எதிர்பார்ப்பை பூர்த்தி செய்யும் விதமாக நாளுக்கு நாள் இப்படத்தின் வசூலும் அதிகரித்துக் கொண்டே செல்கிறது.

அந்த வகையில் நேற்றைய தினம் இப்படம் மூன்றே நாட்களில், உலகளவில் சுமார் 200 கோடி வசூலித்ததாக அதிகாரப்பூர்வமாக லைகா நிறுவனம் தெரிவித்தது. அதேபோல் படத்தின் மீதான எதிர்பார்ப்பை மேலும் அதிகரிக்கும் விதமாக, ட்ரைலர் ஒன்றையும் வெளியிட்டிருந்தது பட குழு. இந்த புதிய ட்ரெய்லர் ரசிகர்களை குஷிப்படுத்தியது மட்டுமின்றி, பொன்னியின் செல்வன் படத்தின் மீதான ஆர்வத்தை அதிகரித்தது.

மேலும் அவ்வப்போது,  இப்படத்தில் நடித்துள்ள நடிகர் - நடிகைகள் குறித்த தகவல்கள்  வெளியாகி வருகிறது. 'பொன்னியின் செல்வன்' படத்தில் நந்தினியின் இளம் வயது கதாபாத்திரத்தில் பேபி சாரா நடித்திருந்தார் என்பது அனைவரும் அறிந்ததே. இவரைத் தொடர்ந்து ரசிகர்களின் கவனத்தை, அதிகம் ஈர்த்த கதாபாத்திரம் என்றால், குந்தவையின் சிறு வயது கதாபாத்திரத்தில் நடித்த பெண்.

அழகு தேவதை போல் இளம் குத்தவையாக ஜொலித்தவர், பிரபல சீரியல் நடிகையின் மகள் என்பது தெரியவந்துள்ளது. மலையாளத்தில் மற்றும் தமிழில் சில திரைப்படங்கள் நடித்துள்ள கனியா பாரதியின் மகள் நிலா தான் பொன்னியின் செல்வன் படத்தில் இளம் குந்தவையாக நடித்துள்ளார். 

கனியா பாரதி, தற்போது சன் டிவியில் ஒளிபரப்பாகி வரும் அன்பே வா சீரியலில் மாமியார் கதாபாத்திரத்தில் கெத்தாக நடித்து வருகிறார். இதைத் தவிர தெய்வம் தந்த வீடு, நந்தினி போன்ற சீரியல்களிலும் நடித்துள்ளார் என்பது குறிப்பிடத்தக்கது.  நிலா தன்னுடைய அம்மா கனியா பாரதியுடன் எடுத்துக்கொண்ட கேஷுவல் போட்டோஸ் வெளியாகி வைரலாக பார்க்கப்பட்டு வருகிறது. 

முதல் படத்திலேயே குழந்தை நட்சத்திரமாக ரசிகர்கள் மனதை கவர்த்துள்ள நிலா, அடுத்தடுத்து ஹீரோயின் வாய்ப்பை கைப்பற்றி, அடுத்த கட்டத்திற்கு செல்வாரா? என்பதை பொறுத்திருந்து பார்ப்போம்.