வாவ்... திருமணமான 6 மாதத்தில் கர்ப்பம்! சீரியலுக்கு பிரேக் எடுக்கும் பிரபல நடிகை!

'யாரடி நீ மோகினி' என்கிற சீரியல் மூலம் சின்னத்திரை ரசிகர்கள் மத்தியில் மிகவும் பிரபலமான நடிகை நக்ஷத்திரா, சமீபத்தில் தன்னுடைய காதலரை திருமணம் செய்து கொண்ட நிலையில், தற்போது கர்ப்பமாக இருப்பதாக தகவல் வெளியாகி உள்ளதால் இவருக்கு வாழ்த்துக்கள் குவிந்த வண்ணம் உள்ளது.

கடந்த 2016 ஆம் ஆண்டு, வெளியான 'கிடாரி பூசாரி மகுடி' என்கிற தமிழ் படம் மூலம் கதாநாயகியாக அறிமுகமானவர் நக்ஷத்திரா. இந்த படத்தை தொடர்ந்து பட வாய்ப்புக்காக முட்டி மோதி பார்த்தும், பலன் இல்லாமல் போகவே,  சீரியலின் பக்கம் சாய்ந்தார்.

பிரபல நடிகை கனகா வீட்டில் தீ விபத்து..! துணிமணிகள் எரிந்து நாசம்..!

அந்த வகையில் ஜீ தமிழ் தொலைக்காட்சியில் ஒளிபரப்பான 'யாரடி நீ மோகினி' என்கிற சீரியலில் வெண்ணிலா என்கிற கதாபாத்திரத்தில் நடித்திருந்தார். மிகவும் அமைதியான மற்றும் பொறுப்பான மனைவி கதாபாத்திரத்தில் நடித்து ஒட்டுமொத்த ரசிகர்கள் மனதையும் ஈர்த்த நக்ஷத்திரா, இந்த சீரியலை தொடர்ந்து, கலர்ஸ் தொலைக்காட்சியில் ஒளிபரப்பான 'வள்ளி திருமணம்' என்கிற சீரியலில் நெகடிவ் ரோலில் நடித்து அசத்தினார்.

மேலும் நக்ஷத்திரா குறித்து சீரியல் நடிகை ஸ்ரீநிதி கூறிய தகவல் சமூக வலைத்தளத்தில் பரபரப்பை ஏற்படுத்திய நிலையில், பின்னர் ஸ்ரீநிதி கூறியது குறித்து நக்ஷத்திரா விளக்கம் அளித்தார். அதே போல் திடீரென தன்னுடைய காதலர் விஷ்வா என்பவரை திருமணம் செய்து கொண்ட நக்ஷத்திரா தற்போது கர்ப்பமாக இருப்பதாக தகவல் வெளியாகி உள்ளது.

பீஸ்ட் வீரராகவன், வலிமை அர்ஜுன் குமார் என 2022 ஆம் ஆண்டு ரசிகர்கள் மனதில் இடம்பிடித்த டாப் 10 கதாபாத்திரங்கள்!

இவர் நடித்து வந்த 'வள்ளி திருமணம்' சீரியல் முடிவடைந்ததை தொடர்ந்து, இவர் கர்ப்பமாக உள்ளதால் சில நாட்கள் மற்ற எந்த சீரியலிலும் நடிக்க வேண்டாம் என முடிவு செய்துள்ளதாக கூறப்படுகிறது. இது குறித்து நக்ஷத்திரா தரப்பில் இருந்து, எந்த ஒரு அதிகாரப்பூர்வ தகவலும் வெளியாகவில்லை என்றாலும்... இவருடைய தோழிகள் மற்றும் குடும்பத்தினர் தொடர்ந்து இவரை, இவரது வீட்டிற்கு சென்று சந்தித்து நலம் விசாரித்து, தங்களின் வாழ்த்துக்களை தெரிவித்து வருவதாக கூறப்படுகிறது. இந்த செய்தி வெளியாகவே ரசிகர்கள் பலரும் தங்களுடைய வாழ்த்துக்களை தெரிவித்து வருகின்றனர்.