Thalapathy 66 Update : தளபதி 66 படத்தின் மாஸ் அப்டேட் வந்தாச்சு... விஜய்க்கு வில்லனாகும் பிரபல பாலிவுட் நடிகர்

பீஸ்ட் ரெடி

கோலிவுட்டில் உச்ச நட்சத்திரமாக வலம் வருபவர் விஜய். இவர் நடிப்பில் தற்போது பீஸ்ட் (Beast) என்கிற படம் தயாராகி உள்ளது. நெல்சன் திலீப்குமார் இயக்கி உள்ள இப்படத்தில் நடிகர் விஜய்க்கு ஜோடியாக பூஜா ஹெக்டே நடித்துள்ளார். மேலும் செல்வராகவன், ஷைன் டாம் சாக்கோ, விடிவி கணேஷ், ரெடின் கிங்ஸ்லி ஆகியோர் முக்கிய கதாபாத்திரத்தில் நடித்துள்ளனர். சன் பிக்சர்ஸ் நிறுவனம் தயாரித்துள்ள இப்படத்திற்கு ராக்ஸ்டார் அனிருத் இசையமைத்துள்ளார். பீஸ்ட் படத்தின் படப்பிடிப்பு முடிந்து ரிலீசுக்கு தயாராகி வருகிறது. வருகிற ஏப்ரல் மாதம் இப்படம் திரையரங்குகளில் வெளியாக உள்ளது.

விரைவில் தளபதி 66 

இதனிடையே கடந்த சில மாதங்களுக்கு முன்னர் நடிகர் விஜய் நடிக்க உள்ள அடுத்த படம் குறித்த அறிவிப்பு வெளியானது. அதன்படி விஜய்யின் 66-வது படத்தை பிரபல டோலிவுட் இயக்குனர் வம்சி பைடிபல்லி இயக்க உள்ளார். இவர் ஏற்கனவே தமிழில் கார்த்தி நடிப்பில் வெளியான தோழா (Thozha) படத்தை இயக்கி உள்ளார். தில் ராஜு இப்படத்தை தயாரிக்க உள்ளார். தமிழ், தெலுங்கில் இப்படம் தயாராக உள்ளது. நடிகர் விஜய் நடிக்கும் முதல் தெலுங்கு படம் இதுவாகும்.

தீபாவளிக்கு வெளியிட திட்டம்

தளபதி 66 (Thalapathy 66) படத்தின் படப்பிடிப்பை விரைவில் தொடங்க உள்ளனர். திட்டமிட்டபடி படப்பிடிப்பு நடந்தால் இந்தாண்டு தீபாவளி பண்டிகைக்கு இப்படம் ரிலீசாகும் என்றும், ஒருவேளை கொரோனா காரணமாக படப்பிடிப்பு பணிகள் பாதிக்கப்பட்டால் அடுத்தாண்டு பொங்கல் பண்டிகைக்கு படத்தை திரைக்கு கொண்டு வர திட்டமிட்டு உள்ளதாக தயாரிப்பாளர் தில் ராஜு சமீபத்திய பேட்டியில் கூறியிருந்தார்.

விஜய்க்கு ஜோடி ராஷ்மிகா

தளபதி 66 படத்தின் ஆரம்பக்கட்ட பணிகள் தற்போது விறுவிறுப்பாக நடைபெற்று வருகிறது. அதன்படி இப்படத்தில் விஜய்யுடன் நடிக்க உள்ள நடிகர், நடிகைகள் தேர்வு தற்போது மும்முரமாக நடைபெற்று வருவதாக கூறப்படுகிறது. இப்படத்தில் விஜய்க்கு ஜோடியாக நடிகை ராஷ்மிகா மந்தனா நடிக்க உள்ளதாக ஏற்கனவே தகவல் வெளியானது.

வில்லன் அப்டேட்

இந்நிலையில், தளபதி 66 படத்தில் விஜய்க்கு வில்லனாக நடிக்கப்போவது யார் என்பது குறித்த அப்டேட் வெளியாகி உள்ளது. அதன்படி பிரபல பாலிவுட் நடிகர் விவேக் ஓபராய் இப்படத்தில் வில்லனாக நடிக்க உள்ளதாக கூறப்படுகிறது. இவர் முன்னதாக அஜித் நடிப்பில் வெளியான விவேகம் படத்தில் வில்லனாக நடித்திருந்தார் என்பது குறிப்பிடத்தக்கது.

இதையும் படியுங்கள்... Etharkkum Thunindhavan : எதற்கும் துணிந்தவன் எப்படி இருக்கு? ஹாட்ரிக் ஹிட் கொடுத்தாரா சூர்யா! Twitter விமர்சனம்