- Home
- Cinema
- Vishwanath And Sons Day 5 Box Office : பாக்ஸ் ஆபிஸில் பட்டைய கிளப்பும் சூர்யா படம்... 5ம் நாள் வசூல் நிலவரம் இதோ
Vishwanath And Sons Day 5 Box Office : பாக்ஸ் ஆபிஸில் பட்டைய கிளப்பும் சூர்யா படம்... 5ம் நாள் வசூல் நிலவரம் இதோ
Vishwanath And Sons Box Office : நடிகர் சூர்யா நடித்துள்ள 'விஸ்வநாத் அண்ட் சன்ஸ்' திரைப்படம் பாக்ஸ் ஆபிஸில் நல்ல வரவேற்பை பெற்று வருகிறது. வார நாட்களில் வசூல் சற்று குறைந்தாலும், பிரேக் ஈவன் இலக்கை நெருங்கி வருகிறது.
விஸ்வநாத் அண்ட் சன்ஸ் சக்சஸ்
சூர்யா நடிப்பில் வெளியாகியுள்ள ‘விஸ்வநாத் அண்ட் சன்ஸ்’ திரைப்படம் திரையரங்குகளில் தொடர்ந்து வெற்றிநடைபோட்டு வருகிறது. முதல் சில நாட்களில் நல்ல வரவேற்பை பெற்ற நிலையில், வார நாட்கள் தொடங்கியதும் வசூலில் சிறிய சரிவு ஏற்பட்டுள்ளது. இருப்பினும், வார இறுதி வசூலுடன் ஒப்பிடும்போது இந்த சரிவு பெரிய அளவில் இல்லை என்பதே படக்குழுவுக்கு சாதகமான விஷயமாக பார்க்கப்படுகிறது. விஸ்வநாத் அண்ட் சன்ஸ் படத்தின் 5ம் நாள் வசூல் நிலவரம் என்ன என்பதை விரிவாக பார்க்கலாம்.
விஸ்வநாத் அண்ட் சன்ஸ் 5 நாள் வசூல்
சாக்னில்க் வெளியிட்டுள்ள தகவலின்படி, படத்தின் 5-ம் நாள் இந்திய வசூல் சுமார் ரூ.7.33 கோடி எனக் கூறப்படுகிறது. வெளிநாடுகளில் சுமார் ரூ.2 கோடி வசூல் செய்துள்ளதாகவும் தகவல் வெளியாகியுள்ளது. இதன் மூலம், ஐந்து நாட்களில் படத்தின் உலகளாவிய வசூல் ரூ.128.60 கோடியை எட்டியுள்ளதாக தெரிவிக்கப்பட்டுள்ளது. இந்திய அளவில் மட்டும் சுமார் ரூ.83.60 கோடி கிராஸ் வசூல் கிடைத்துள்ளது. மாநில வாரியாக பார்க்கும்போது, 5-ம் நாளில் தெலுங்கு மாநிலங்களில் சுமார் ரூ.3.50 கோடியும், தமிழ்நாட்டில் சுமார் ரூ.2.35 கோடியும் வசூலித்துள்ளதாக கூறப்படுகிறது. வார நாட்களிலும் படம் ஓரளவு சீரான வசூலைத் தக்க வைத்திருப்பது குறிப்பிடத்தக்கது.
விஸ்வநாத் அண்ட் சன்ஸ் பிசினஸ் மற்றும் பிரேக் ஈவன் டார்கெட்
‘விஸ்வநாத் அண்ட் சன்ஸ்’ படத்தின் தயாரிப்பு பட்ஜெட் சுமார் ரூ.130 கோடி எனக் கூறப்படுகிறது. திரையரங்கு உரிமைகள் மட்டும் சுமார் ரூ.90 கோடிக்கு விற்பனையாகியுள்ளன. இதில் தெலுங்கு மாநிலங்களுக்கான திரையரங்கு உரிமையின் மதிப்பு மட்டும் சுமார் ரூ.22 கோடி என தகவல்கள் தெரிவிக்கின்றன. அதுமட்டுமின்றி, திரைப்படம் வெளியாவதற்கு முன்பே டிஜிட்டல், சாட்டிலைட் மற்றும் ஆடியோ உரிமைகள் மூலம் கணிசமான வருவாய் கிடைத்துள்ளது. நெட்ஃபிளிக்ஸ் ஓடிடி உரிமை சுமார் ரூ.85 கோடிக்கும், சாட்டிலைட் உரிமை ரூ.28 கோடிக்கும், ஆடியோ உரிமை ரூ.12 கோடிக்கும் கைமாறியதாக கூறப்படுகிறது. இதன் மூலம், படத்தின் ப்ரீ ரிலீஸ் பிசினஸ் சுமார் ரூ.215 கோடியை எட்டியுள்ளதாகவும், இதனால் தயாரிப்பாளர்கள் ஏற்கனவே லாபகரமான நிலையில் இருப்பதாகவும் திரையுலக வட்டாரங்களில் கூறப்படுகிறது.
ஹிட் திசையில் விஸ்வநாத் அண்ட் சன்ஸ்
படத்தின் திரையரங்கு வியாபாரம் மற்றும் செலவுகளை கணக்கில் கொண்டு பார்க்கும்போது, சுமார் ரூ.180 கோடி கிராஸ் வசூல் செய்தால் படம் தியேட்டர் அளவில் பிரேக் ஈவன் நிலையை எட்டும் என கூறப்படுகிறது. தயாரிப்பு தரப்பில், நான்கு நாட்களிலேயே படம் ரூ.150 கோடி வசூலை கடந்ததாக அறிவிக்கப்பட்டிருந்தது. தற்போது 5-ம் நாள் வசூலையும் சேர்த்தால், மொத்த வசூல் ரூ.165 கோடியை நெருங்கியிருக்கலாம் என எதிர்பார்க்கப்படுகிறது. அந்த வகையில், தியேட்டர் வெற்றிக்கான இலக்கை எட்டுவதற்கு இன்னும் சுமார் ரூ.20 கோடி வசூல் தேவைப்படுவதாக கூறப்படுகிறது.
வெங்கட் அட்லூரி இயக்கியுள்ள இந்தப் படத்தில் சூர்யாவுக்கு ஜோடியாக மமிதா பைஜு நடித்துள்ளார். ராதிகா சரத்குமார், ரவீனா டாண்டன், சுனில் ரெட்டி, வைவா ஹர்ஷா உள்ளிட்டோரும் முக்கிய கதாபாத்திரங்களில் நடித்துள்ளனர். சித்தாரா எண்டர்டெயின்மென்ட்ஸ் மற்றும் பார்ச்சூன் ஃபோர் சினிமாஸ் சார்பில் நாகவம்சி மற்றும் சாய் சௌஜன்யா இணைந்து தயாரித்துள்ள இப்படம், வார நாட்களிலும் வசூல் வேகத்தைத் தக்க வைத்துக் கொண்டால் விரைவில் தனது பிரேக் ஈவன் இலக்கை கடந்துவிடும் என்ற எதிர்பார்ப்பு உருவாகியுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
