மகன் பெயரையே படத்துக்கு டைட்டிலாக வைத்து... முதன்முறையாக செல்வராகவன் உடன் கூட்டணி அமைத்த விஷ்ணு விஷால்
Vishnu Vishal : மோகன் தாஸ், கட்டா குஸ்தி போன்ற படங்களை கைவசம் வைத்து பிசியான நடிகராக வலம் வரும் விஷ்ணு விஷால், தற்போது மேலும் ஒரு புதிய படத்தில் நாயகனாக நடிக்க கமிட் ஆகி உள்ளார்.
தமிழ் சினிமாவில் வித்தியாசமான கதையம்சம் கொண்ட படங்களை தேர்ந்தெடுத்து நடிப்பதில் ஆர்வம் கொண்டவர் நடிகர் விஷ்ணு விஷால். இவர் நடிப்பில் இந்த ஆண்டு தொடக்கத்தில் ரிலீசான எஃப்.ஐ.ஆர் திரைப்படம் அமோக வரவேற்பை பெற்றது. இயக்குனர் கவுதம் மேனனிடம் உதவி இயக்குனராக பணியாற்றிய மனு ஆனந்த் இப்படத்தை இயக்கி இருந்தார்.
எஃப்.ஐ.ஆர் படத்தின் வெற்றியைத் தொடர்ந்து விஷ்ணு விஷால் நடிப்பில் மோகன் தாஸ் மற்றும் கட்டா குஸ்தி ஆகிய இரண்டு திரைப்படங்கள் தயாராகி வருகின்றன. இதில் மோகன் தாஸ் திரைப்படம் ஷூட்டிங் முடிந்து ரிலீசுக்கு தயாராகி வருகிறது. மறுபுறம் கட்டா குஸ்தி திரைப்படத்தின் ஷூட்டிங் இறுதிக்கட்டத்தை எட்டி உள்ளது.
இதையும் படியுங்கள்...நல்லவேள தியேட்டர்ல ரிலீஸ் ஆகல! பாலிவுட்டின் ஃபிளாப் லிஸ்டில் இணைந்த ராட்சசன் இந்தி ரீமேக் ‘கட்புட்லி’
இவ்வாறு பிசியான நடிகராக வலம் வரும் விஷ்ணு விஷால், தற்போது மேலும் ஒரு படத்தில் நடிக்க கமிட் ஆகி உள்ளார். இப்படத்தை அவரே தனது சொந்த தயாரிப்பு நிறுவனமான விவி ஸ்டூடியோஸ் மூலம் தயாரிக்கிறார். இப்படத்தின் தனது மகனின் பெயரான ஆர்யன் என்பதை டைட்டிலாக வைத்துள்ளார். இதில் அவருக்கு ஜோடியாக வாணி போஜன் மற்றும் ஷ்ரத்தா ஸ்ரீநாத் ஆகியோர் நடிக்கின்றனர்.
மேலும் இப்படத்தில் இயக்குனர் செல்வராகவனும் முக்கிய கதாபாத்திரத்தில் நடிக்க உள்ளார். இப்படத்தை பிரவீன் என்பவர் இயக்க உள்ளார். விஷ்ணு சுப்பையா இப்படத்தின் ஒளிப்பதிவாளராக பணியாற்றுகிறார். சாம் சி.எஸ் இசையமைக்கும் இப்படத்திற்கு சான் லோகேஷ் என்பவர் படத்தொகுப்பு பணிகளை மேற்கொள்ள உள்ளார். இப்படத்தின் படப்பிடிப்பு இன்று பூஜையுடன் தொடங்கி உள்ளது. அதன் போட்டோஸ் வெளியாகி வைரலாகி வருகின்றன.
இதையும் படியுங்கள்... லோ நெக் உடையில்... கிக் ஏற்றும் கிளாமர் குயினாக மாறிய ரஜினி - அஜித் பட ஹீரோயின் ஹுமகுரோஷி!