5 நாளில் வசூலை அள்ளிய 'விருமன்'..! சூர்யா - கார்த்திக்கு வைரகாப்பை பரிசாக கொடுத்த பிரபலம்.!

நடிகர் கார்த்தி நடிப்பில் வெளியாகி வசூல் சாதனை செய்து வரும், 'விருமன்' பட சக்ஸஸ் மீட்டில், கார்த்தி, மற்றும் சூர்யாவுக்கு வைர காப்பு பரிசாக கொடுக்கப்பட்ட தகவல் தற்போது வெளியாகியுள்ளது. 

கார்த்தி நடிப்பில் வெளியான 'விருமன்' திரைப்படம், விமர்சன ரீதியாகவும், வசூல் ரீதியாகவும் நல்ல வரவேற்பை பெற்று வருகிறது. இதனால் படத்தை வெளியிட்ட விநியோகஸ்தர் சக்திவேலன், படத்தின் நாயகன் கார்த்தி, படத்தின் தயாரிப்பாளர் சூர்யா, படத்தின் இணை தயாரிப்பாளர் ராஜசேகர் பாண்டியன் ஆகியோருக்கு வைரத்தினாலான காப்பை பரிசாக வழங்கி மகிழ்ந்தார். அத்துடன் 'விருமன்' படத்தை இயக்கிய இயக்குநர் முத்தையாவிற்கு வைர மோதிரத்தை பரிசளித்து கௌரவித்தார்.

'விருமன்' படம் வெளியான ஐந்து நாட்களில் உலக அளவில் சுமார் 40 கோடி ரூபாய்க்கு மேல் வசூலித்து, வசூல் சாதனை படைத்து வருகிறது. இதனை கொண்டாடும் வகையில் நேற்று சென்னையில் வெற்றி விழா நடைபெற்றது. 

மேலும் செய்திகள்: படப்பிடிப்பில் விபத்தில் சிக்கிய நடிகர் நாசர்... மருத்துவமனையில் அனுமதி! திரையுலகில் பரபரப்பு..

இதில் இந்த படத்தில் நடித்த நடிகர்கள், படத்திற்காக பணியாற்றிய தொழில்நுட்ப கலைஞர்கள் என அனைவரும் குடும்பத்துடன் கலந்து கொள்ளும் விதமாக மிக பிரமாண்டமாக, விஜிபி-யில் ஏற்பாடு செய்யப்பட்டிருந்தது.  

இதில் கலந்துகொண்ட படத்தின் தயாரிப்பாளரான நடிகர் சூர்யாவிற்கும், இணை தயாரிப்பாளர் ராஜசேகர் பாண்டியனுக்கும், படத்தின் நாயகனான கார்த்திக்கும் படத்தை தமிழகம் முழுவதும் வெளியிட்டிருக்கும் சக்தி ஃபிலிம் ஃபேக்டரி சக்திவேலன் வைரக்காப்பினை பரிசாக அளித்தார்.

மேலும் செய்திகள்: திரையரங்குகளுக்கு மக்கள் வராததற்கு காரணம் படங்கள் அல்ல..? நடிகர் மாதவன் பேச்சால் பரபரப்பு..!

நடிகர் சூர்யா 'விக்ரம்' படத்தில் ரோலக்ஸ் கதாபாத்திரத்தில் நடித்ததற்காக,  உலக நாயகன் கமல்ஹாசன் அவர்களிடமிருந்து விலையுயர்ந்த ரோலக்ஸ் கைகடிகாரத்தை பரிசாக பெற்றிருந்தார் என்பதும், தற்போது 'விருமன்' படத்திற்காக விநியோகஸ்தர் சக்திவேலனிடமிருந்து வைர காப்பினை பரிசாக பெற்றிருக்கிறார் என்பதும் குறிப்பிடத்தக்கது.