தளபதி விஜய் மகனுடன் ஜோடி போட வேண்டும்... விஜய் டிவி சீரியல் நடிகையின் ஆசை நிறைவேறுமா?

பல சின்னத்திரை பிரபலங்களில் வெள்ளித்திரை கனவையும், ஹீரோ, ஹீரோயின் கனவையும் நிறைவேற்றியுள்ளது விஜய் டிவி. தற்போது விஜய் டிவியின் சீரியலில் நாயகியாக நடித்து வரும் 17 வயது நாயகி ஒருவர், விஜய்யின் மகன் சஞ்சய்க்கு ஜோடியாக நடிக்க வேண்டும் என பேட்டி ஒன்றில் தன்னுடைய ஆசையை வெளிப்படுத்தியுள்ளார்.
 

விஜய் டிவி சீரியல்களில் நடித்து விட்டாலே, அவர்களுக்கு வெள்ளித்திரை வாய்ப்பும் அல்வா துண்டு போல் கிடைத்து விடுகிறது.

அந்த வகையில், விஜய் டிவி சீரியல் மூலம் நடிகையாக அறிமுகமாகி... தற்போது வெள்ளித்திரையில் அரை டஜன் படங்களுக்கு குறைவில்லாமல் நடித்து வருபவர் பிரியா பவானி ஷங்கர்.

இவரை தொடர்ந்து, தற்போது 'மௌனராகம்' சீரியலில் சக்தி என்கிற கதாபாத்திரத்தில் நடித்து வரும் ரவீனா தாஹா தன்னுடைய வெள்ளித்திரை நாயகி ஆசையை பேட்டி ஒன்றில் பகிர்ந்து கொண்டுள்ளார்.

ஏற்கனவே ராட்சசன், துப்பாக்கி உள்ளிட்ட பல படங்களில் குழந்தை நட்சத்திரமாக இருந்து, தற்போது சீரியல் நடிகையாக மாறியுள்ளார் ரவீனா.

வெள்ளித்திரை நாயகி ஆசையோடு சின்னத்திரையில் அடியெடுத்து வைத்திருந்தாலும், பட வாய்ப்பை பிடிக்கும் முனைப்போடு தற்போது விதவிதமான போட்டோ ஷூட் புகைப்படங்களை பகிர்ந்து வருகிறார்.

அந்த வகையில் வெள்ளித்திரையில் அறிமுகமாகும் பல நடிகைகளுக்கும்... முன்னணி நடிகர்களுக்கு ஜோடியாக நடிக்கவில்லை என்றாலும் அவர்களது படத்தில் நடிக்கவாவது ஆசை இருக்கு என்பதை வெளிப்படுத்துவார்கள் .

ஆனால் ரவீனா தாஹா, சற்று வித்தியாசமாக... ஒருவேளை தளபதி மகன் சஞ்சய் கதாநாயகனாக நடித்தால் அவருக்கு ஜோடியாக நடிக்க விரும்புவதாக தெரிவித்துள்ளார். இவருடைய ஆசை வருங்காலத்தில் நிறைவேறுமா என்பதை பொறுத்திருந்து தான் பார்க்க வேண்டும்.

தற்போது சஞ்சய் தற்போது கனடாவில் பிலிம் மேக்கிங் படிப்பை படித்து முடித்துள்ளார். இவர் இயக்குனராகவோ அல்லது நடிகராகவோ தமிழ் சினிமாவில் விரைவில் அறிமுகமாவார் என்று எதிர்பார்க்கப்படும் நிலையில் ரவீனா தாகா தன்னுடைய மனதில் இருந்த ஆசையை பளீச் என தெரிவித்துள்ளார்.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்