Vijay: 20 ஆண்டுகளுக்கு முன்பே விஜய்க்கு அரசியலில் குதிக்க தயாராகிவிட்டார்.! பிரபல இயக்குனர் சொன்ன உண்மை.!

நடிகர் விஜய்யின் அரசியல் பிரவேசம் என்பது இருபது ஆண்டுகளுக்கு முன்பே விதைக்கப்பட்ட ஒரு கனவு. 'பகவதி' படப்பிடிப்பின் போதே விஜய்யிடம் அரசியல் ஆர்வம் இருந்ததாக பிரபல இயக்குனர் தனது பேட்டியொன்றில் பகிர்ந்துள்ளார். 

Image Credit : instagram

இரண்டு தசாப்தங்களுக்கு முன்பே விதைக்கப்பட்டது

தமிழக அரசியலில் தற்போது 'தமிழக வெற்றிக் கழகம்' என்ற கட்சியின் மூலம் தடம் பதித்துள்ள நடிகர் விஜய்யின் அரசியல் கனவு, இன்று நேற்று தொடங்கியதல்ல; அது இரண்டு தசாப்தங்களுக்கு முன்பே விதைக்கப்பட்டது என்ற சுவாரஸ்யமான தகவலைப் பகிர்ந்துள்ளார் பிரபல இயக்குனர்.

Image Credit : X

பகவதி படத்தில் முதலமைச்சர் காட்சி?

இயக்குநர் ஷங்கரின் உதவியாளராகத் திரையுலகில் அறிமுகமாகி, விஜய்யை வைத்து 'பகவதி' போன்ற அதிரடி வெற்றிப் படங்களைக் கொடுத்த ஏ.வெங்கடேஷ், சமீபத்திய பேட்டி ஒன்றில் விஜய்யின் அரசியல் ஆர்வம் குறித்து மனம் திறந்துள்ளார்.

'பகவதி' திரைப்படத்தின் உருவாக்கத்தின் போதே விஜய்யின் அரசியல் சிந்தனைகள் வெளிப்பட்டதாக அவர் குறிப்பிட்டுள்ளார்.

கல்வி மீதான ஆர்வம்

அந்தப் படத்தில் சமூகக் கருத்துக்கள் மற்றும் கல்வி சம்பந்தமான பல காட்சிகளை வைத்திருந்ததாகவும், அவை விஜய்க்கு மிகவும் பிடித்திருந்ததாகவும் அவர் கூறினார்.

மறைக்கப்பட்ட காட்சி

ஸ்கிரிப்ட்டின் ஆரம்பக் கட்டத்தில், விஜய் முதலமைச்சராகும் வகையிலான ஒரு காட்சி வைக்கப்பட்டிருந்தது. ஆனால், பல்வேறு காரணங்களால் அந்த நேரத்தில் அதைத் தவிர்க்க வேண்டிய சூழல் உருவானது.

அன்றே தொடங்கிய மக்கள் பணி

அப்போது விஜய் வீட்டிற்குச் செல்லும் போதெல்லாம், பள்ளி மாணவர்களுக்காக வழங்கப்பட வேண்டிய நோட்டுப் புத்தகங்கள் மூட்டை மூட்டையாகக் குவிந்து கிடப்பதைக் கண்டதாக அவர் நினைவுகூர்ந்துள்ளார்.

Image Credit : instagram

அரசியலில் மாற்றத்தை விரும்பிய விஜய்

"விஜய்க்கு அப்போதே அரசியல் எண்ணம் இருந்தது. மக்களுக்கு ஏதாவது செய்ய வேண்டும் என்ற தாகம் அவரிடம் இருப்பதை என்னால் உணர முடிந்தது. இன்று அவர் அரசியல் மேடைகளில் பேசுவதைப் பார்க்கும்போது, அன்றே இதற்கான அஸ்திவாரத்தைப் போட்டுவிட்டார் என்பது புரிகிறது" என வியப்புடன் கூறுகிறார் வெங்கடேஷ்.

Image Credit : instagram

தனுஷைத் தேடி வந்த வாய்ப்பு

இதே பேட்டியில் மற்றொரு சுவாரஸ்யமான தகவலையும் அவர் பகிர்ந்துள்ளார். 'பகவதி' படத்தில் விஜய்யின் தம்பி கதாபாத்திரத்தில் நடிக்க முதலில் அணுகப்பட்டது நடிகர் தனுஷைத் தானாம். அப்போது 'துள்ளுவதோ இளமை' வெளியான சமயம். விஜய்யின் தம்பியாக நடித்தால் பெரிய பிரேக் கிடைக்கும் என வெங்கடேஷ் கூறியும், " 'காதல் கொண்டேன்' படம் வெளியான பிறகு நான் பி அண்ட் சி ரசிகர்களிடம் பிரபலமாகிவிடுவேன்" என்று தனுஷ் மிக உறுதியாக மறுத்துவிட்டாராம். தனுஷின் அந்தத் தன்னம்பிக்கை இன்றும் தன்னை ஆச்சரியப்படுத்துவதாக வெங்கடேஷ் புகழாரம் சூட்டியுள்ளார்.

Image Credit : X

தற்செயலாக நடந்த ஒன்றல்ல!

இதன் மூலம், நடிகர் விஜய்யின் தற்போதைய அரசியல் பிரவேசம் என்பது தற்செயலாக நடந்த ஒன்றல்ல, மாறாக இரண்டு தசாப்தங்களாக அவர் செதுக்கிய ஒரு நீண்ட காலத் திட்டம் என்பது தெளிவாகிறது. திரையில் 'பகவதி'யாக ஆக்‌ஷன் அவதாரம் எடுத்த காலத்திலேயே, நிஜ வாழ்க்கையில் சமூகப் பணிகளிலும் அரசியல் சிந்தனைகளிலும் அவர் உறுதியாக இருந்தார் என்பதை இயக்குனர் ஏ.வெங்கடேஷின் இந்தப் பகிர்வு உறுதிப்படுத்துகிறது. 

Image Credit : facebook.com/ActorVijay

நிஜ அரசியலில் சாத்தியமாகுமா?

அன்று ஸ்கிரிப்ட்டில் தவிர்க்கப்பட்ட 'முதலமைச்சர்' காட்சி, இன்று நிஜ அரசியலில் சாத்தியமாகுமா என்பதைப் பொறுத்திருந்துதான் பார்க்க வேண்டும்.