Vijay-Ajith : அஜித்துக்கு பச்சைக் கொடி காட்டும் விஜய்! லண்டன் கார் ரேஸில் காத்திருக்கும் சம்பவம்!

Vijay-Ajith : இங்கிலாந்தின் சில்வர்ஸ்டோனில் நடைபெறும் கார் பந்தயத்தை முதல்வர் விஜய் பச்சைக் கொடி காட்டி தொடங்கி வைக்கிறார். அதே போட்டியில் அஜித் குமாரும் களமிறங்குகிறார். விஜய் - அஜித் சந்திப்பு ரசிகர்களிடம் எதிர்பார்ப்பை ஏற்படுத்தியுள்ளது.

Image Credit : Chatgpt

அஜித்துக்கு பச்சைக் கொடி காட்டப் போகும் விஜய்!

அஜித் குமார் கார் ரேஸில் பங்கேற்கிறார் என்பது அவரது ரசிகர்களுக்கு ஏற்கனவே தெரிந்த விஷயம்தான். ஆனால், இந்த முறை அவருக்காக ஒரு ஸ்பெஷல் சம்பவம் காத்திருக்கிறது. இங்கிலாந்தின் புகழ்பெற்ற சில்வர்ஸ்டோன் கார் பந்தயத் தளத்தில் செப்டம்பர் 12-ம் தேதி நடைபெறும் மிச்செலின் லீ மான்ஸ் போட்டியை தமிழக முதல்வர் விஜய் பச்சைக் கொடி அசைத்து தொடங்கி வைக்கிறார். அதே போட்டியில் அஜித் குமாரும் கார் ஓட்டுகிறார்.

அதாவது, விஜய் பச்சைக் கொடி காட்ட... அஜித் கார் ஓட்ட... ஒரே பந்தயத் தளத்தில் நடக்கப் போகும் இந்தக் காட்சி தான் இப்போது ரசிகர்களின் கவனத்தை ஈர்த்திருக்கிறது.

இதையும் படிங்க : Suitcase : வெளியூர் கிளம்பும்போது சூட்கேஸ் சக்கரத்தில் டேப் ஒட்டுங்க! இதுக்கு பின்னாடி இப்படியொரு காரணமா?

Image Credit : Asianet News

விஜய் அங்கு ஏன் செல்கிறார்?

தமிழகத்தில் முதலீடுகளை ஈர்ப்பதற்கான பயணமாக முதல்வர் விஜய் இங்கிலாந்து சென்றுள்ளார். இந்தப் பயணத்தின் ஒரு பகுதியாக சில்வர்ஸ்டோனில் நடைபெறும் கார் பந்தய நிகழ்ச்சியிலும் அவர் பங்கேற்கிறார்.

கார் பந்தய உலகில் சில்வர்ஸ்டோனுக்கு மிகப்பெரிய வரலாறு உள்ளது. அதனால் சர்வதேச அளவில் கவனம் பெறும் இந்தப் போட்டியைத் தொடங்கி வைக்கும் சிறப்பு வாய்ப்பு விஜய்க்கு கிடைத்துள்ளது. ஆனால், தமிழக ரசிகர்களுக்கு இதில் இன்னொரு விஷயம் தான் முக்கியம். அதே நேரத்தில் அஜித்தும் அங்கு போட்டியிடுகிறார்!

இதையும் படிங்க : Rahu-Ketu Transit : ராகு-கேது பெயர்ச்சியில் உருவாகும் துர்க்கையின் அருள்! 4 ராசிகளுக்கு பொன்னும் பொருளும் குவியும்!

Image Credit : Asianet News

அஜித் இந்த ரேஸில் என்ன செய்கிறார்?

அஜித் குமார் இந்தப் போட்டியில் தனது Ajith RedAnt by Virage அணிக்காக கார் ஓட்டுகிறார். அவருடன் பிரான்ஸ் நாட்டைச் சேர்ந்த Romain Vozniak இணைந்து போட்டியிடுகிறார். இந்த ஆண்டு அஜித் ஏற்கனவே பல சர்வதேச கார் பந்தயங்களில் கலந்து கொண்டுள்ளார். ஆனால் இதுவரை இந்தத் தொடரில் அவருக்கு பெரிய வெற்றி கிடைக்கவில்லை.

தற்போது 16 புள்ளிகளுடன் அவர் தனது பிரிவில் 12-வது இடத்தில் இருக்கிறார். அதனால் சில்வர்ஸ்டோன் போட்டி அஜித்துக்கு ஒரு நல்ல முடிவைப் பெறுவதற்கான முக்கியமான வாய்ப்பாக இருக்கிறது.

இதையும் படிங்க : Housework : வீட்டு வேலைகளை சீக்கிரம் முடிக்கணுமா? இந்த 7 பழக்கங்களை முயற்சி பண்ணிப் பாருங்க!

Image Credit : pinterest

அஜித்தின் அடுத்த இலக்கு என்ன தெரியுமா?

அஜித்துக்கு கார் ஓட்டுவது வெறும் பொழுதுபோக்கு கிடையாது. சர்வதேச அளவில் நடைபெறும் சகிப்புத்தன்மை கார் பந்தயங்களில் தொடர்ந்து பங்கேற்று வரும் அவர், இந்தத் துறையில் இன்னும் முன்னேற வேண்டும் என்ற ஆர்வத்துடன் இருக்கிறார்.

குறிப்பாக உலகின் மிகவும் பிரபலமான Le Mans கார் பந்தயத்தில் போட்டியிட வேண்டும் என்பது அவரது நீண்டகால கனவுகளில் ஒன்றாக இருக்கிறது. அதற்கான பயணத்தில் தற்போது Michelin Le Mans Cup போன்ற போட்டிகளில் தொடர்ந்து அனுபவத்தைச் சேர்த்து வருகிறார். அதனால், சில்வர்ஸ்டோனில் கிடைக்கும் ஒரு நல்ல முடிவு அஜித்தின் அடுத்தகட்ட பயணத்துக்கும் நம்பிக்கை கொடுக்கக்கூடும்.

இதையும் படிங்க : Sun Screen : சன் ஸ்க்ரீன் ஏன் போடணும்? போடலேன்னா ஸ்கின் கேன்சர் வருமா?

Image Credit : our own

விஜய் பச்சைக் கொடி... அஜித் கார்... ரசிகர்களுக்கு செம ட்ரீட்!

விஜய் பச்சைக் கொடி காட்டி பந்தயத்தைத் தொடங்கி வைக்கிறார். அஜித் தனது காரில் பந்தயத்தில் களமிறங்குகிறார். இருவரும் ஒரே பந்தயத் தளத்தில் இருப்பதால், விஜய் - அஜித் சந்திப்பு எப்படி இருக்கும்? என்ற எதிர்பார்ப்பும் ரசிகர்களிடம் ஏற்பட்டுள்ளது.

இன்னொரு சுவாரஸ்யமான விஷயம் என்னவென்றால், தமிழகத்தில் மோட்டார் பந்தயத்துக்கு முக்கியத்துவம் அளிக்கும் வகையில் மோட்டார் ஸ்போர்ட்ஸ் நகரம் உருவாக்கப்படும் என்று முதல்வர் விஜய் ஏற்கனவே அறிவித்திருந்தார். அந்த அறிவிப்பை அஜித்தும் வரவேற்றிருந்தார். இப்போது அதே மோட்டார் பந்தய உலகில், விஜய் பச்சைக் கொடி காட்ட, அஜித் கார் ஓட்டும் காட்சி அரங்கேறப் போகிறது.

செப்டம்பர் 12-ம் தேதி சில்வர்ஸ்டோனில் நடைபெறும் இந்தப் போட்டியில், அஜித் இந்த முறை எப்படி செயல்படப் போகிறார் என்பதே ரசிகர்களின் அடுத்த எதிர்பார்ப்பு!

இதையும் படிங்க : Coffee-Tea : காபி, டீ குடிச்சதும் சிலருக்கு ஏன் பாத்ரூம் வருது? இது ஆபத்தா? காரணம் இதுதான்!